- દહેજ કાયદાની જેમ મની લોન્ડરિંગ કાયદાનો પણ થઈ રહ્યો છે દુરુપયોગ; સુપ્રીમ કોર્ટની કડક ટિપ્પણી
પીએમએલએ કેસોમાં સુપ્રીમ કોર્ટે કડક ટિપ્પણી કરતા કહ્યું કે મની લોન્ડરિંગ કાયદાનો પણ દહેજ કાયદાની જેમ દુરુપયોગ થઈ રહ્યો છે. મની લોન્ડરિંગ એક્ટની જોગવાઈઓનો ઉપયોગ આરોપીને કાયમ માટે જેલમાં રાખવા માટે કરી શકાતો નથી. છત્તીસગઢમાં કથિત દારૂ કૌભાંડના આરોપી ભૂતપૂર્વ IAS અધિકારી અરુણ પતિ ત્રિપાઠીને જામીન આપતી વખતે કોર્ટે આ ટિપ્પણી કરી હતી. જસ્ટિસ અભય ઓકે આ કેસમાં EDને ઠપકો આપ્યો અને કહ્યું કે 498Aની જેમ PMLAનો પણ દુરુપયોગ થઈ રહ્યો છે.
છત્તીસગઢના ભૂતપૂર્વ એક્સાઇઝ અધિકારી અરુણ પતિ ત્રિપાઠીને નિયમિત જામીન મળ્યા
છત્તીસગઢ દારૂ કૌભાંડ કેસમાં મની લોન્ડરિંગના આરોપી છત્તીસગઢના ભૂતપૂર્વ એક્સાઇઝ અધિકારી અરુણ પતિ ત્રિપાઠીને સુપ્રીમ કોર્ટે નિયમિત જામીન આપ્યા છે, જોકે, ત્રિપાઠીને જેલમાંથી મુક્ત કરવામાં આવશે નહીં કારણ કે તેઓ આર્થિક ગુના શાખા દ્વારા દાખલ કરાયેલા બીજા કેસનો સામનો કરી રહ્યા છે.
આ પણ વાંચો-UPની વસ્તી કરતાં ડબલ લોકોએ મહાકુંભમાં લગાવી ડૂબકી; CM યોગીએ આપી જાણકારી
દહેજ કાયદાની જેમ જ પીએમએલએનો દુરુપયોગ થાય છે
ન્યાયાધીશ અભય એસ ઓકા અને ન્યાયાધીશ ઓગસ્ટિન મસીહની બેન્ચે જણાવ્યું હતું કે પ્રિવેન્શન ઓફ મની લોન્ડરિંગ એક્ટ (PMLA)ની જોગવાઈઓનો ઉપયોગ કોઈને પણ કાયમ માટે જેલમાં રાખવા માટે કરી શકાતો નથી. કોર્ટે એન્ફોર્સમેન્ટ ડિરેક્ટોરેટ (ED)ને પણ ઠપકો આપ્યો હતો અને કહ્યું હતું કે PMLAનો દુરુપયોગ દહેજ કાયદા (કલમ 498A)ની જેમ થઈ રહ્યો છે.
કોર્ટે તેને ગંભીર મામલો ગણાવ્યો
છેલ્લી સુનાવણી દરમિયાન ED વતી હાજર રહેલા એડિશનલ સોલિસિટર જનરલ એસ.વી. રાજુએ ED દ્વારા દાખલ કરાયેલા સોગંદનામા પર સવાલ ઉઠાવ્યા હતા અને કહ્યું હતું કે એજન્સીમાં કંઈક ખોટું છે. કોર્ટે તેને ગંભીર મામલો ગણાવ્યો હતો. તમને જણાવી દઈએ કે ED એ મે 2023માં દારૂ કૌભાંડ કેસમાં ત્રિપાઠીની ધરપકડ કરી હતી. એક્સાઇઝ વિભાગના વરિષ્ઠ અધિકારી ત્રિપાઠી છત્તીસગઢ સ્ટેટ માર્કેટિંગ કોર્પોરેશન લિમિટેડના MD તરીકે પણ કામ કરી ચૂક્યા છે.
આ પણ વાંચો- પીએમ મોદી નવું લાયા! AI એપ્સ ડાબા હાથથી લખતા વ્યક્તિનું ચિત્ર દોરી શકતા નથી
