Modi: ગુજરાતમાં આંતરજ્ઞાતિય લવ મેરેજમાં માતાપિતાની સહી ફરજિયાત કરવા અંગે સામાજિક અને રાજકીય સ્તરે માંગ ઉઠતા ગુજરાત સરકાર આ મુદ્દે વિચારણા કરી રહી છે અને નવા નિયમોના અમલ માટે 30 દિવસનો સમય આપવામાં આવ્યો છે ત્યારે આ મુદ્દે બે ભાગલા પડયા છે એક વર્ગ એવું કહે છે કે આ બરાબર થયું છે આનાથી દીકરી નાદાન ઉંમરમાં ભાગી જતા ઘરની ઈજ્જત દાવ ઉપર લાગે છે અને સમાજમાં આબરૂ જાય છે ઉપરથી નાદાન ઉંમરે દીકરીએ લીધેલો નિર્ણય પરિપક્વ હોતો નથી પરિણામે પાછળથી દીકરીની જિંદગી બરબાદ થઈ જાય છે આવું ન થાય તે માટે કાયદામાં સુધારો જરીરી છે. ભલે કાયદો સ્વતંત્રતા આપે પરંતુ સામાજિક રીતે માતાપિતાની સંમતિ પરિવારના સમર્થન માટે આ વાત મહત્વની ગણાય છે.
જ્યારે બીજો વર્ગ માને છે કે આતો માત્ર નોધણી અંગેની વાત છે ત્યારે કેટલાક કહે છે કે ગુજરાત અને બીજા રાજ્યના અલગ અલગ કાયદાકીય ગૂંચવણ ઉભી થઇ શકે છે તેનાથી તેનું મહત્વ રહેશે નહીં અને લિવ-ઇન રિલેશનશિપ’ કે ‘મૈત્રી કરાર’માં ઉછાળો આવી શકે છે.આ મુદ્દા ઉપર વાત કરતા સિનિયર પત્રકાર દિલીપ પટેલનું માનવું છે કે ચૂંટણી નજીક આવે ત્યારે જ ભાજપ આવા કાયદાઓનો પટારો ખોલી મતનું રાજકારણ રમે છે હકીકતમાં દેશના કાયદા અલગ અલગ રાજ્યમાં જુદા કઈ રીતે હોય શકે તે સમજાતું નથી.જુઓ ખાસ વિશ્લેષણ.
