BJP: આજે જેઓ દેશના વડાપ્રધાન પદ શોભાવી રહયા છે તેવા નરેન્દ્રભાઈ મોદી પોતાના ગુરુ એવા ભારતીય જનતા પાર્ટી (ભાજપ) ના અગ્રણી નેતા અને સ્થાપક સભ્ય લાલકૃષ્ણ અડવાણી વડાપ્રધાન પદે બિરાજે તેવી વાતો કરતા હતા અને તે વખતના વડાપ્રધાન મનમોહન સિંહે ભારતના રાજ્યો પણ નથી જોયા તેટલું ભ્રમણ અડવાણીજીએ કર્યું હોય તેઓ પાસે બહોળો અનુભવ છે અને ખરેખરતો અડવાણીએ દેશના વડાપ્રધાન હોવા જોઈએ તેમ મોદી કહેતા હતા પણ ત્યારબાદ બદલાયેલા સમીકરણોમાં 2013-2014 થી ધીમે ધીમે પાર્ટીની મુખ્ય નિર્ણય લેવાની પ્રક્રિયાઓ અને સક્રિય ચૂંટણી રાજકારણમાંથી પણ ગુરુ અડવાણી દૂર થતા ગયા.
નરેન્દ્ર મોદીના ઉદય સાથે ગુરુ હાંસિયામાં ધકેલાઈ ગયા તે સૌ કોઈ જાણે છે,(2013-14): 2013 માં ગોવા રાષ્ટ્રીય કાર્યકારિણીમાં નરેન્દ્ર મોદીને 2014 ના વડા પ્રધાનપદના ઉમેદવાર તરીકે જાહેર કરવામાં આવ્યા પછી અડવાણી દૂર થતાં ગયા કારણકે તેઓનું વડાપ્રધાન પદનું સપનું માત્ર સપનું રહી ગયું અને શિષ્ય વડાપ્રધાન બનવાના હતા જે પછીથી બની પણ ગયા,ભાજપે વય અને અનુભવના આધારે વરિષ્ઠ નેતાઓના જૂથ, માર્ગદર્શક મંડળની રચના કર્યા પછી અડવાણીનો તેમાં સમાવેશ થઈ ગયો અને ત્યારબાદ સક્રિય રાજકારણમાંથી કાયમ માટે હાંસિયામાં ધકેલાઈ ગયા.
કારણ કે ત્યારબાદ 2019 ની સામાન્ય ચૂંટણીઓ માટે તેમનું નામ સ્ટાર પ્રચારકોની યાદીમાં પણ સામેલ નહોતું, અને ભાજપે તેમને ગાંધીનગરથી ટિકિટ આપી ન હતી,પાકિસ્તાન ટિપ્પણી (૨૦૦૫) જિન્નાહ પરની તેમની વિવાદાસ્પદ ટિપ્પણી પછી આરએસએસ સાથેના તેમના સંબંધો તણાવપૂર્ણ બન્યા હતા.
આજે માત્ર તેમના જન્મ દિવસે મોદી સહિતના નેતાઓ તેમને ફૂલ આપી શુભેચ્છાઓ પાઠવી ફોટા પડાવે છે બાકીના દિવસોમાં તેઓને કોઈ યાદ કરતું નથી આમ, પક્ષને શૂન્યથી શિખર સુધી લઈ જનારા અડવાણી, પોતાના પક્ષમાં નવી પેઢીના ઉદય અને નીતિગત ફેરફારોને કારણે હાંસિયામાં ધકેલાઈ ગયા જોકે તેમને ૨૦૨૪ માં ભારત રત્ન આપવામાં આવ્યો ત્યારે હેડલાઈન્સમાં રહયા,કહેવાય છે ને કે ‘સમય બલવાન નહિ મનુષ્ય બલવાન!’
આમ,ભાજપના વરીષ્ઠ નેતા વડાપ્રધાન બની ન શક્યા તે વાત આજેપણ એટલી જ ચર્ચામાં છે કારણ કે બોલેલા બોલ ક્યારેય ભુલાતા નથી નરેન્દ્ર મોદીનો જૂનો વિડીયો આજેપણ જોઈ શકાય છે કે તેઓની ઈચ્છા હતી કે પોતાના ગુરુ વડાપ્રધાન બને પણ એવું શું થયું કે બાદમાં શિષ્ય જ ગાદી સંભાળી લીધી,સિનિયર પત્રકાર દિલીપ પટેલે આ મુદ્દા ઉપર વિસ્તુત છણાવટ કરી છે તે વિડીયો જોવાનું ચૂકશો નહિ,પ્રસ્તુત છે વિડીયો.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
