Pakistan: પાકિસ્તાનના સંરક્ષણ પ્રધાન ખ્વાજા આસિફે ફરી એકવાર દાવો કર્યો છે કે ભારત સાથેના ચાર દિવસના લશ્કરી સંઘર્ષમાં પાકિસ્તાનની જીત બાદ હવે પાકિસ્તાની ફાઇટર જેટ ખાસ કરીને JF-17 થંડરની વૈશ્વિક માંગ વધી ગઈ છે.આસિફના મતે, જો આ સોદાઓ આગળ વધશેતો પાકિસ્તાનને આગામી છ મહિના સુધી આંતરરાષ્ટ્રીય નાણાકીય ભંડોળ (IMF) પાસેથી લોન ઉધાર લેવાની જરૂર પડશે નહીં.
પાકિસ્તાની સંરક્ષણ પ્રધાનનું આ નિવેદન મે 2025 માં ભારતના “ઓપરેશન સિંદૂર” ના સંદર્ભમાં આવ્યું છે.પાકિસ્તાનનો દાવો છે કે તેની વાયુસેનાએ તે સંઘર્ષ દરમિયાન છ ભારતીય ફાઇટર જેટ તોડી પાડ્યા હતા,જેમાં અત્યાધુનિક ફ્રેન્ચ રાફેલ જેટનો પણ સમાવેશ થાય છે.પાકિસ્તાન હવે આ કથિત સફળતાનો ઉપયોગ તેના “મેડ-ઇન-પાકિસ્તાન” (ચીનના સહયોગથી વિકસિત) JF-17 વિમાન વેચવા માટે કરી રહ્યું છે. તેમનો દાવો છે કે ચીની ટેકનોલોજી પર આધારિત તેમના વિમાન પશ્ચિમી હાર્ડવેર સામે અસરકારક સાબિત થયા છે.
જો કે, ભારતે પાકિસ્તાનના તમામ દાવાઓને સ્પષ્ટપણે નકારી કાઢ્યા છે.
ખ્વાજા આસિફનું આ નિવેદન ત્યારે આવ્યું જ્યારે બાંગ્લાદેશી સંરક્ષણ પ્રતિનિધિમંડળે ઇસ્લામાબાદમાં પાકિસ્તાનના એર ચીફ માર્શલ ઝહીર અહેમદ બાબર સિદ્ધુ સાથે મુલાકાત કરી હતી.બાંગ્લાદેશ તેના વાયુસેના માટે JF-17 થંડર વિમાન ખરીદવાનું વિચારી રહ્યું છે.પાકિસ્તાને બાંગ્લાદેશને સુપર મુશ્શાક ટ્રેનર વિમાનની “ઝડપી” ડિલિવરી અને પાઇલટ્સને તાલીમ આપવાની પણ ખાતરી આપી છે.
જિયો ન્યૂઝ સાથે વાત કરતા, ખ્વાજા આસિફે આત્મવિશ્વાસથી કહ્યું, “અમને હવે જે ઓર્ડર મળી રહ્યા છે તે મહત્વપૂર્ણ છે કારણ કે અમારા વિમાનોનું ભારત સાથેના યુદ્ધમાં પરીક્ષણ કરવામાં આવ્યું છે.”જો આ બધા ઓર્ડર આગામી છ મહિનામાં સાકાર થાય છે, તો અમે IMF પાસેથી લોન લેવાની જરૂર નહીં રહે
ઉલ્લેખનીય છે કે પાકિસ્તાનની આર્થિક સ્થિતિ હજુ પણ નાજુક તબકકામાં છે.સપ્ટેમ્બર 2024 માં, IMF એ પાકિસ્તાન માટે 7 બિલિયન ડોલરના બેલઆઉટ પેકેજને મંજૂરી આપી હતી.માનીલો કે પાકિસ્તાન વિમાન વેચશે તો પણ શું સંરક્ષણ નિકાસમાંથી થતી આવક ખરેખર અબજો ડોલરના વિદેશી દેવા અને રાજકોષીય ખાધને સરભર કરી શકશે?તે એક સવાલ છે.
નિષ્ણાતો માને છે કે ફક્ત વિમાન વેચાણ દ્વારા સમગ્ર અર્થતંત્રને પુનર્જીવિત કરવું એક મુશ્કેલ જ નહીં પણ એક પડકાર છે.
પાકિસ્તાન હાલમાં ભારત સંઘર્ષ બાદ પોતાની જીતનો દાવો કરી રહ્યું છે અને ભારતના છ વિમાનો તોડી પાડવાનો દાવો કરી પોતાના વિમાનોનું માર્કેટિંગ કરી રહ્યું છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
