India Pakistan War:અમેરિકન થિંક ટેન્કે દાવો કર્યો છે કે જમ્મુ અને કાશ્મીરમાં વધતી આતંકવાદી પ્રવૃત્તિઓને કારણે 2026 માં ભારત અને પાકિસ્તાન વચ્ચે યુદ્ધ થઈ શકે છે.અમેરિકન થિંક ટેન્ક, કાઉન્સિલ ઓન ફોરેન રિલેશન્સ (CFR) એ ચેતવણી આપી છે કે ઓપરેશન સિંદૂર બાદ 2026માં ભારત અને પાકિસ્તાન વચ્ચે ફરી એક યુદ્ધ થઈ શકે છે.રિપોર્ટમાં દાવો કરવામાં આવ્યો છે કે જમ્મુ અને કાશ્મીરમાં આતંકવાદી પ્રવૃત્તિઓમાં વધારો થતા બંને દેશો વચ્ચે યુદ્ધની સ્થિતિ સર્જાઈ શકે છે.ભારતીય ગુપ્તચર એજન્સીઓ અનુસાર, આ શિયાળામાં જમ્મુ ક્ષેત્રમાં 30 થી વધુ પાકિસ્તાની આતંકવાદીઓ સક્રિય છે.
CFR એ કહ્યું કે જો ભારત અને પાકિસ્તાન વચ્ચે યુદ્ધ થશેતો તેની અસર અમેરિકા પર પણ પડી શકે છે.અગાઉ તા. 22 એપ્રિલના રોજ પહેલગામ આતંકવાદી હુમલાના જવાબમાં ભારતે 7 મે, 2025ના રોજ ઓપરેશન સિંદૂર શરૂ કર્યું હતું.આ અંતર્ગત ભારતીય સેનાએ પાકિસ્તાન કબજા હેઠળના કાશ્મીર (PoK)માં આતંકવાદીઓના ઠેકાણાઓને નિશાન બનાવ્યા હતા.
આ પછી, ભારતીય વાયુસેના (IAF) એ આતંકવાદીઓને મદદ કરવા આવેલી પાકિસ્તાની સેના પર પણ ભારે તબાહી મચાવી હતી, IAF એ પાકિસ્તાની વાયુસેનાના ઘણા એરબેઝનો નાશ કર્યો હતો.ઓપરેશન સિંદૂર પછી જમ્મુ અને કાશ્મીરમાં કોઈ મોટા આતંકવાદી હુમલા થયા નથી અને હાલમાં બંને દેશો વચ્ચે યુદ્ધવિરામ લાગુ છે પણ તેમછતાં ભારત તેના શસ્ત્રોના ભંડારને વધુ મજબૂત બનાવી રહ્યું છે.
સંરક્ષણ મંત્રાલયે ત્રણેય સશસ્ત્ર દળો માટે ₹79,000 કરોડના મૂલ્યના મિસાઇલ, રોકેટ અને ડ્રોન સહિત વિવિધ દારૂગોળો અને લશ્કરી સાધનો ખરીદવાની મંજૂરી આપી છે.આમાં સેના માટે લોઇટરિંગ મ્યુનિશન અને પિનાકા રોકેટ અને વાયુસેના માટે એસ્ટ્રા મિસાઇલ અને સ્પાઇસ-1000 બોમ્બનો સમાવેશ થાય છે.
નૌકાદળ માટે વધારાની હાઇ એલ્ટિટ્યુડ લોંગ રેન્જ (HALE) રિમોટલી પાઇલોટેડ એરક્રાફ્ટ સિસ્ટમ્સ લીઝ પર લેવાની પણ મંજૂરી આપવામાં આવી છે.બીજી તરફ ઓપરેશન સિંદૂરમાં ભારે નુકસાન બાદ પાકિસ્તાને પણ નવા ડ્રોન અને હવાઈ સંરક્ષણ પ્રણાલી ખરીદવા માટે તુર્કી અને ચીન સાથે વાટાઘાટો શરૂ કરી છે.
આ અહેવાલમાં 2026 માં પાકિસ્તાન અને અફઘાનિસ્તાન વચ્ચે પણ સંઘર્ષ થવાની શક્યતા વ્યક્ત કરવામાં આવી છે.જોકે, આનાથી યુએસના હિતોને અસર થશે નહીં,આ વર્ષના ઓક્ટોબરમાં, 2,600 કિલોમીટર લાંબી ડ્યુરન્ડ લાઇન પર પાકિસ્તાન અને તાલિબાન વચ્ચે ભીષણ અથડામણ થઈ હતી.
બંને દેશોની સેનાઓએ એકબીજાના પ્રદેશમાં ગોળીબાર કર્યો અને ચોકીઓનો નાશ કરવાનો દાવો કર્યો ત્યારથી અફઘાનિસ્તાન અને પાકિસ્તાન વચ્ચે રાજદ્વારી સંબંધો બગડ્યા છે.CFR રિપોર્ટ ભૂતપૂર્વ રાજદ્વારીઓ, લશ્કરી અધિકારીઓ, પ્રોફેસરો અને નીતિ નિષ્ણાતો સહિત યુએસ વિદેશ નીતિ નિષ્ણાતોના સર્વેક્ષણ પર આધારિત છે. તેનો હેતુ યુએસ નીતિ નિર્માતાઓને વિશ્વના એવા ક્ષેત્રો વિશે માહિતી આપવાનો છે જ્યાં ભવિષ્યમાં યુદ્ધો ફાટી શકે છે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
