Dahod માં PM Modi નું સૌથી જુઠ્ઠાણું, મોદીની મુલાકાતમાં મળ્યા Bachu Khabad નું પત્તું કપાવવાના સંકેતો

Bachu Khabad: દાહોદ જિલ્લામાં ગરીબ મજૂરોને રોજગારી આપતી મનરેગા યોજનામાં ભ્રષ્ટાચારનો પર્દાફાશ થયા બાદ મંત્રીના બંન્ને પુત્રો હાલ જેલમાં છે. અને તે પણ એજ જેલમાં છે જે જેલનું ઉદ્ઘાટન બચુ ખાબડે કરયું હતુ. પુત્રો ભલે ભ્રષ્ટાચારના કેસમાં જેલમાં હોય પરંતુ મંત્રી છાતી ઠોકીને બોલી રહ્યા છે કે, મે કોઈ ભ્રષ્ટાચાર નથી કર્યો. હા ભ્રષ્ટાચાર મામલે તેમના પુત્રોની ધરપકડ બાદ તેઓ થોડો સમય માટે સંપર્ક વિહોણા બન્યા હતા પરંતુ આ અંગે સવાલ થતા તેઓ અચાનક પ્રગટ થયા હતા અને કહ્યું હતુ કે, હું મોદીના કાર્યક્રમની તૈયારીઓમાં વ્યસ્ત છું. પરંતુ ગઈ કાલે જ્યારે પીએમ મોદી દાહોદમાં ગયા હતા ત્યારે પીએમ મોદીના કાર્યક્રમમાં બચુ ખાબડ દેખાયા જ નહીં. જેથી સવાલ ઉઠ્યા હતા કે જેઓ પોતે કાર્યક્રમની તૈયારી કરી તેઓ કેમ આ કાર્યક્રમથી દુર રહ્યા ? શું બચુ ખાબડને આ કાર્યક્રમમાંથી જાણી જોઈને દુર રાખવામાં આવ્યા છે કે તેઓ પોતે આ કાર્યક્રમથી દુર રહ્યા છે ? ત્યારે બચુ ખાબડના આ કાર્યક્રમથી દુર રહેવા અંગે દાહોદના સ્થાનિક પત્રકાર ઉમેશભાઈએ ધ ગુજરાત રિપોર્ટ સાથે વાત કરતા જણાવ્યું હતુ કે, પીએમ મોદીના કાર્યક્રમ દરમિયાન શું થયું હતું અને બચુ ખાબડને કાર્યક્રમથી દુર રાખવા તે શું સંકેત આપે છે.

દાહોદમાં ગઈ કાલે મોદી સૌથી મોટું જુઠ્ઠું બોલ્યા

પીએમ મોદીએ ગઈ કાલે હળહળતું જુઠ્ઠું બોલ્યા કે, દહોદ જિલ્લાની રચના તેમણે કરી. પરંતુ આ તદ્દન ખોટી વાત છે દાહોદ જિલ્લો જ્યારે પંચમહાલમાંથી અલગ થયો ત્યારે શંકરસિંહ વાઘેલા મુખ્યમંત્રી તરીકે કાર્યરત હતા ત્યાર બાદ આખો વિવાદ શરુ થયો અને પછી કેશુંભાઈની સરકાર આવી તે પછી મોદી મુખ્યમંત્રી બન્યા.

બચું ખાબડનું પત્તુ કપાવવાના સંકેત

દાહોદના કલેક્ટર સુમનસિંહ ભાભોર જે દાહોદ જિલ્લાની રાજનીતિ ઘણા સમયથી નક્કી કરે છે. જેમકે ટિકિટ કોને આપવી ત્યાના લોકોમાં પ્રભુત્વ જમાવવા શું કાર્યક્રમો કરવા? આરએસએસ કેવી રીતે કામ કરશે દરેક કામગીરી સુમનસિંહ ભાભોરની અંડરમાં કરવામાં આવે છે. સુમનસિંહ ભાભોર વિશે વાત કરવામા આવે તો તેઓ પોતાના વિસ્તારમાં પ્રભુત્વ ધરાવે છે તેમના પુત્ર જસવંતસિંહ ભોભોર લાંબા સમયથી સાંસદ તરીકે કાર્યરત છે. તેમજ સુમનસિંહ ભાભોરના બીજા પુત્ર અત્યારે ધારાસભ્ય તરીકે કાર્યરત છે આમ એક જ પરિવારમાંથી સાંસદ અને ધારાસભ્ય બન્યા હોય તેવી આ રેર ઘટના છે.

ઘણા લોકો એવું કહે છે કે સાંસદ જસવંતસિંહ ભાભોરને જીતાડવામાં બચુ ખાબડની મોટી ભૂમિકા રહી છે.લોકસભાની ચૂંટણીમાં બચુ ખાબડના વિસ્તારમાંથી જસવંતસિંહને 1 લાખની લીડ મળી હતી. આમ અત્યાર સુધી જસવંતસિંહ અને ભાજપને ચુંટણીમાં બચુ ખાબડની જરુર પડતી હોય છે. પરંતુ હવે જ્યારે બચુ ખાબડ વિવાદમાં આવ્યા છે ત્યારે તેમણે સ્ટેજ પર સ્થાન આપવામા આવ્યું ન હતુ તેનાથીતે સંકેત મળે છે કે, આવનારા સમયમાં મંત્રીમંડળનું વિસ્તરણ થશે તો તેમાં બચુ ખાબડનું પત્તું કપાશે.

ભાજપ અને જસવંતસિંહ હવે બચુ ખાબડથી પીછો છોડાવવા માંગે છે?

બીજો સંકેત તે પણ છે કે, ભાજપ અને જસવંતસિંહ હવે બચુ ખાબડથી પીછો છોડાવવા માંગે છે. કારણકે બચુ ખાબડ ઓબીસી અને કોળી કોમ્યુનિટીમાં પ્રભુત્વ ધરાવે છે. જેથી મત મેળવવા માટે ભાજપને બચુ ખાબડની ટિકિટ રિપીટ કરવી પડતી હતી. હવે બચુ ખાબડ વિવાદમાં આવ્યા છે એટલા માટે ભાજપને આ વખતે બચુ ખાબડને સાચવવા નહીં પડે. આમ સ્પષ્ટ છે કે, ભાજપ પોતે જ દાહોદમાં લીડરશીપ બદલવા માંગે છે.