ભારતે અમેરિકાને સ્પષ્ટ કરી દીધું છે કે પાકિસ્તાન સાથે વાતચીત ફક્ત પાકિસ્તાન અધિકૃત કાશ્મીર( PoK) પરત કરવા અને આતંકવાદીઓને સોંપવા પર જ થશે.

“કાશ્મીર પર અમારું વલણ ખૂબ જ સ્પષ્ટ છે, ફક્ત એક જ મુદ્દો બાકી છે – પાકિસ્તાન કબજા હેઠળના કાશ્મીર ( PoK)ને પરત કરો. તેના સિવાય કોઈ વાત નહીં થાય. જો પાકિસ્તાન આતંકવાદીઓને સોપશે તો જ વાત થશે. અમે કોઈ બીજા વિષય પર ચર્ચા કરવા માગાતાં નથી. અમને કોઈ મધ્યસ્થી કરવાની જરૂર નથી અને એવું ઈચ્છતા પણ નથી.

સૂત્રોના જણાવ્યા અનુસાર, પહેલગામ અલગ હતું અને પાકિસ્તાન સામેની કાર્યવાહી ચાલીસ વર્ષના આતંકવાદનું પરિણામ હતું.

‘યુદ્ધવિરામ’ અંગે સરકારી સૂત્રોએ જણાવ્યું હતું કે, “ઓપરેશન સિંદૂર પૂરું થયું નથી. આપણે એક નવા તબક્કામાં છીએ. તેથી જ આપણે ‘સમજણ’ અને આગ બંધ કરવા જેવા શબ્દોનો ઉપયોગ કરી રહ્યા છીએ.”

પહેલગામ હુમલા પર ભારતનો પ્રતિભાવ કાળજીપૂર્વક ઘડાયેલી ત્રણ-પાંખી વ્યૂહરચના – રાજકીય, લશ્કરી અને મનોવૈજ્ઞાનિક – દ્વારા ઘડવામાં આવ્યો છે જે ફક્ત બદલો લેવા માટે જ નહીં, પરંતુ યુદ્ધના નિયમોને ફરીથી સેટ કરવા માટે રચાયેલ છે.

સાથે વાયુ સેના દ્વારા જાહેર કરવામાં આવ્યું છે કે ઓપરેશન સિંદૂર ચાલુ રહેશે અને આતંકીઓ વિરુધ્ધ કાર્યવાહી કરવામાં આવશે.

ઉલ્લેખનીય છે કે ગઈકાલે એકાએક અમેરિકન રાષ્ટ્રપતિ ડોનાલ્ડ ટ્રમ્પે ભારત-પાકિસ્તાનના યુધ્ધ વિરામની જાહેરાત કરી દીધી હતી.  ભારત પાકિસ્તાન વચ્ચે કોઈ સત્તવાર રીતે યુધ્ધ થયું નથી. માત્ર ભારત આતંકીઓ સામે જવાબી કાર્યવાહી કરી રહ્યું છે. જોકે ડ્રમ્પે કંઈ પણ વિચાર્યા વગર યુધ્ધવિરામની ઘોષણા કરતાં લોકો અચરજમાં મૂકાઈ ગયા હતા અને ભારતીયો ટ્રમ્પ અને મોદી સામે રોષે ભરાયા હતા કે અમેરિકા ભારત-પાકિસ્તાનમાં સીઝ ફાયર કરવાની જાહેરાત સીધી રીતે કઈ રીતે કરી શકે? તેમાં ભારત અને પાકિસ્તાને નિર્ણય લેવાનો હોય. જો કે ત્રીજા પક્ષે દખલગીરી કરતાં ભારતનું રાજકારણ પણ ગરમાયું છે. વડાપ્રધાન મોદી, ટ્ર્મ્પની ભૂમિકા પર લોકો સવાલો કરી રહ્યા છે.