ગુજરાતમાં હવે કાયદાન ડર રહ્યો જ ન હોય તેવા કિસ્સા પ્રકાશમાં આવી રહ્યા છે. ત્યારે હવે કાયદા થકી ન્યાય અપાવવાનું કામ કરતાં વકીલો પર જ હુમલો થયો છે. રાજકોટની કોર્ટમાં બે વકિલો અને બે અસીલો વચ્ચે ઉગ્ર મારા મારી થઈ છે. જેમાં પુરુષ વકીલ અને મહિલા વકીલને ગંભીર ઈજાઓ પહોંચી છે. ઉશ્કેરાયેલા અસલીઓ કોર્ટમાં જ વકીલો પર હુમલો કર્યો છે. જેથી બંને વકીલોને હોસ્પિટલમાં ખસેડવામાં આવ્યા છે. આરોપીઓ હાલ ફરાર થઈ જતાં પોલીસે ઝડપી પાડવા કાર્યવાહી હાથ ધરી છે.
આ સમાચાર પણ વાંચોઃ BANASKANTHA: સ્પાની આડ ચાલતા દેહવ્યાપારનું રેકેટ ઝડપાયું, ડમી ગ્રાહક મોકલી પર્દાફાશ
મળતી માહિતી અનુસાર રાજકોટની જામનગર રોડ સ્થિત નવી કોર્ટમાં વકીલે અસીલને વિડિયો રેકોર્ડિંગ ન કરવાનું કહેતાં બબાલ થઈ હતી. આ બબાલ ઉગ્ર બનતાં બે અસલી બંધુઓએ વકીલ પર હુમલો કર્યો હતો. જેમાં એક મહિલા વકીલ પર પણ હુમલો થયો છે. વકીલ ભાર્ગવ બોડા અને તેના જુનિયર સરોજબેનને માર મારવામાં આવ્યો છે.
ગંભીર ઈજાઓ પહોંચતાં બંન્ને વકીલોને સારવાર હેઠળ ખસેડાયા છે. વકીલોની માગ છે કે હુમલાખોરો વિરુદ્ધ કડકમાં કડક કાર્યવાહી કરવામાં આવે. ઘટના બાદ પોલીસ પણ દોડતી થઈ છે. હાલ પોલીસે સીસીટીવી આધારે ફરાર આરોપીઓને ઝડપી પાડવા કાર્યવાહી હાથ ધરી છે.
આ સમાચાર પણ વાંચોઃ AMRELI: ધોળા દિવસે કારખાનેદારનું કારમાં 3 શખ્સો દ્વારા અપહરણ, જાણો કારણ
