Smriti Mandhana wedding postponed: ભારતીય મહિલા ક્રિકેટ ટીમની સ્ટાર અને તાજેતરમાં વર્લ્ડ ચેમ્પિયન સ્મૃતિ મંધાનાના લગ્ન અનિશ્ચિત સમય માટે મુલતવી રાખવામાં આવ્યા છે.
આજે સ્મૃતિ મંધાનાના લગ્ન સંગીતકાર પલાશ મુચ્છલ સાથે થવાના હતા,પરંતુ તેના પિતાની અચાનક તબિયત લથડતા તેઓને હોસ્પિટલમાં લઈ જવાયા હતા પરીણામે લગ્ન સમારોહ મુલતવી રાખવામાં આવ્યો હતો.
છેલ્લા બે દિવસથી લગ્નની તૈયારીઓ સહિતના ફોટા અને વીડિયો સોશિયલ મીડિયા પર વાયરલ થઈ રહ્યા છે,શનિવારે દંપતીની મહેંદી અને હળદરની વિધિ ખૂબ જ ધામધૂમથી ઉજવવામાં આવી હતી.દરમિયાન આજે રવિવારે બપોરે લગ્ન સમારોહ શરૂ થવાનો હતો ત્યારે જ અચાનક સ્મૃતિ મંધાનાના પિતાની તબિયત લથડી હતી.
વિવિધ મીડિયા રિપોર્ટ્સ અનુસાર તેમને હાર્ટઍટેક આવ્યો હોવાની શક્યતા છે.મંધાનાના પિતાની સાંગલીમાં જ સર્વહિત હોસ્પિટલમાં સારવાર ચાલી રહી છે.મંધાનાના મેનેજર તુહિન મિશ્રાએ જણાવ્યું છે કે પિતાની તબિયત ખરાબ થઈ હોવાના કારણે લગ્ન મોકૂફ રાખવામાં આવ્યા હોવાનું જણાવ્યું છે.
સ્મૃતિ મંધાના પોતાના પરિવાર સાથે, ખાસ કરીને પોતાના પિતા સાથે ખૂબજ લગાવ ધરાવે છે. લગ્ન જેવા મહત્વપૂર્ણ દિવસે પિતાની બગડતી તબિયતને કારણે તેનું મનોબળ નબળું પડી ગયું.ટીમ ઈન્ડિયાની ઓપનર સ્મૃતિ મંધાના હંમેશા કહેતી આવી છે કે તેના ક્રિકેટ કેરીયરમાં તેના પિતાનો સૌથી મોટો ફાળો રહ્યો છે,તેઓ દરરોજ સવારે પ્રેક્ટિસ માટે તૈયાર કરતા હતા, મેચ દરમિયાન તેની હંમેશાં પડખે રહેતા અને દરેક નિર્ણયમાં તેનું માર્ગદર્શન કરતા રહયા છે.
દરમિયાન,ભારતીય ક્રિકેટર સ્મૃતિ મંધાના અને મ્યુઝિક કમ્પોઝર પલાશ મુચ્છલ આજે ( 23 નવેમ્બરે ) લગ્ન બંધનમાં બંધવવાના હતા તેજ દિવસે પરિવારમાં આ ઈમજરન્સી આવતા સમારોહ મોકૂફ રાખવામાં આવ્યો છે.
આ પણ વાંચો:
Rupee Hits Record Low Against Dollar: ભારતના ઇતિહાસમાં પ્રથમવાર રૂપિયો આટલો નબળો પડયો:મોંઘવારી વધશે
