Tulsi Gabbard Resignation: અમેરિકાના રાષ્ટ્રીય ગુપ્તચર વિભાગ (Director of National Intelligence – DNI) ના ડાયરેક્ટર તુલસી ગબાર્ડે અચાનક પોતાના પદ પરથી રાજીનામું આપી દેતા વૈશ્વિક રાજકારણ અને ગુપ્તચર વર્તુળોમાં ભારે ચકચાર મચી ગઈ છે. તુલસી ગબાર્ડના આ આકસ્મિક રાજીનામા પર ઈરાને સત્તાવાર રીતે તેમની પ્રશંસા કરી છે. આર્મેનિયા સ્થિત ઈરાની દૂતાવાસે તુલસી ગબાર્ડના અત્યાર સુધીના વલણની પ્રશંસા કરતા એક મોટું નિવેદન આપ્યું છે. ઈરાને જણાવ્યું કે, તુલસી ગબાર્ડે હંમેશા ઈરાન અને પશ્ચિમ એશિયાની સ્થિતિ વિશે એવું પાયાનું ‘સત્ય’ દુનિયા સામે રાખ્યું હતું, જેનાથી અમેરિકી રાષ્ટ્રપતિ ડોનાલ્ડ ટ્રમ્પ વારંવાર અસહજતા અનુભવતા હતા.
ઈરાની દૂતાવાસે એક્સ પર લખી મોટી વાત
સોશિયલ મીડિયા પ્લેટફોર્મ એક્સ (X) પર શેર કરેલી એક સત્તાવાર પોસ્ટમાં ઈરાની દૂતાવાસે તુલસી ગબાર્ડના ભવિષ્ય માટે શુભેચ્છાઓ પાઠવી હતી. દૂતાવાસે લખ્યું કે, “અમે તુલસી ગબાર્ડના પતિ અબ્રાહમના ઝડપથી અને પૂર્ણ સ્વસ્થ થવાની દિલથી કામના કરીએ છીએ. તુલસી, તમે પહેલા પણ ઘણી વાર એ સાબિત કરીને બતાવ્યું છે કે તમે માત્ર અમેરિકાના હિતો માટે કામ કરો છો, ઈઝરાયેલ માટે નહીં. તમે ઘણી વાર ઈરાન વિશે એવા કઠોર સત્યો જાહેર કર્યા છે જેનાથી ટ્રમ્પ નફરત કરતા હતા. આ ખરેખર દુખદ છે કે તમારા જેવા દેશભક્ત વ્યક્તિએ એક એવી સરકાર સાથે કામ કરવું પડ્યું, જેણે અમેરિકાના સાર્વભૌમત્વને કિનારે કરી દીધું છે અને જે સંપૂર્ણપણે ઇઝરાયેલની કઠપૂતળી બનીને કામ કરી રહી છે. અમારી શુભેચ્છાઓ તમારી સાથે છે.”
We wish Abraham a swift and complete recovery. You have previously shown at times that you work for America and not Israel, and sometimes you spoke truths about Iran that Trump hated. It was a pity that someone like you worked with this government, which has sidelined America and… https://t.co/OmfPaHvTwR
— IRI Embassy in Armenia (@iraninyerevan) May 22, 2026
રાષ્ટ્રપતિ ડોનાલ્ડ ટ્રમ્પે કરી સત્તાવાર પુષ્ટિ: પતિ અબ્રાહમના કેન્સરની સારવાર માટે પદ છોડ્યું
બીજી તરફ, અમેરિકી રાષ્ટ્રપતિ ડોનાલ્ડ ટ્રમ્પે પોતે જ જનતા સમક્ષ પુષ્ટિ કરી છે કે નેશનલ ઇન્ટેલિજન્સ ડાયરેક્ટર તુલસી ગબાર્ડે કોઈ રાજકીય વિવાદના કારણે નહીં, પરંતુ પોતાના પતિની નાદુરસ્ત તબિયતના કારણે હોદ્દો છોડવાનો નિર્ણય કર્યો છે. ટ્રમ્પે જણાવ્યું કે, તુલસી ગબાર્ડના પતિ અબ્રાહમને હાડકાનું કેન્સર (Bone Cancer) થયું હોવાનું નિદાન થયું છે. આ કપરા સમયમાં તુલસી પોતાના પતિની સાથે રહેવા માંગે છે, જેથી બંને જણા એકસાથે મળીને આ જીવલેણ બીમારી સામેની મુશ્કેલ લડાઈ લડી શકે અને તેમનું સ્વાસ્થ્ય સુધારી શકે. તુલસીએ રાજીનામું આપતા ટ્રમ્પને સ્પષ્ટ કહ્યું હતું કે, આ પરિસ્થિતિમાં પોતાના પરિવાર અને પતિ સાથે ચોવીસ કલાક સમય વિતાવવો તેમના માટે અત્યંત આવશ્યક છે.
૩૦ જૂને સત્તાવાર રીતે પદ મુક્ત થશે તુલસી
ડોનાલ્ડ ટ્રમ્પે તુલસી ગબાર્ડની કામગીરીની પ્રશંસા કરતા ભાવુક શબ્દોમાં કહ્યું કે, “દુર્ભાગ્યવશ, ગુપ્તચર વિભાગમાં શાનદાર અને અત્યંત પ્રશંસનીય કામ કર્યા પછી તુલસી ગબાર્ડ આગામી ૩૦ જૂને સત્તાવાર રીતે પોતાનું પદ છોડી રહી છે. મને પૂરો વિશ્વાસ છે કે તેમનો પરિવાર આ સંકટમાંથી બહાર આવી જશે અને તેમના પતિ ટૂંક સમયમાં જ પહેલા કરતા પણ વધુ બેહતર અને સ્વસ્થ થઈ જશે.” ટ્રમ્પે નવી વહીવટી વ્યવસ્થા અંગે જાહેરાત કરતા ઉમેર્યું કે, નેશનલ ઇન્ટેલિજન્સના વર્તમાન પ્રધાન ઉપ નિર્દેશક (Principal Deputy Director) આરોન લુકાસ હવે વચગાળાના કાર્યવાહક રાષ્ટ્રીય ગુપ્તચર નિયામક (Acting DNI) તરીકેનો તમામ મહત્વપૂર્ણ કાર્યભાર સંભાળશે.
Tulsi is a patriot, a great asset to the administration, and a dear friend. I’m sorry to see her go, but certainly understand that family comes first. She and her husband Abraham will be in my prayers as they face this next challenge together, and she has my gratitude for being a…
— JD Vance (@JDVance) May 22, 2026
ઉપરાષ્ટ્રપતિ જેડી વેન્સે ગણાવ્યા સાચા દેશભક્ત
અમેરિકાના ઉપરાષ્ટ્રપતિ જેડી વેન્સે (JD Vance) પણ તુલસી ગબાર્ડના આ નિર્ણયનું સન્માન કરતા તેમને દેશના સાચા અને વફાદાર દેશભક્ત ગણાવ્યા છે. તેમણે સોશિયલ મીડિયા પર ભાવભીની પોસ્ટ લખતા કહ્યું કે, “તુલસી એક સાચા દેશભક્ત, વર્તમાન ટ્રમ્પ વહીવટીતંત્ર માટે એક ગ્રેટ એસેટ (મૂલ્યવાન સંપત્તિ) અને મારા વ્યક્તિગત રીતે અત્યંત પ્રિય મિત્ર છે. તેમના સરકારી પદ પરથી જવાના કારણે મને અંગત રીતે ઘણું દુખ થયું છે, પરંતુ હું સંપૂર્ણપણે સમજી શકું છું કે કોઈપણ નાગરિક માટે તેનો પરિવાર અને જીવનસાથી હંમેશા કોઈપણ સરકારી પદ કરતા સર્વોપરી હોય છે. તે અને તેમના પતિ અબ્રાહમ આ કેન્સરની નવી ચેલેન્જનો એક સાથે બહાદુરીપૂર્વક સામનો કરશે. દેશના સંરક્ષણ અને ગુપ્તચર તંત્રમાં મહત્વપૂર્ણ યોગદાન આપવા અને એક વફાદાર વિશ્વાસપાત્ર સાથી સાબિત થવા બદલ હું તેમનો આભારી છું.”
આ પણ વાંચો:
