UP schools merger protest: ઉત્તર પ્રદેશની ભાજપ સરકારના રાજમાં ઘણી ઝડપથી શાળાઓમાં મર્જ કરાઈ છે. જેનો રાજ્યમાં ભારે વિરોધ થઈ રહ્યો છે. ગોંડા જિલ્લામાંથી ગંગાજળ લઈને 131 કિલોમીટર પદયાત્રા કરીને લખનૌ પહોંચેલા વિદ્યાર્થીઓને મુખ્યમંત્રી યોગી આદિત્યનાથના નિવાસસ્થાને જળાભિષેક કરવા જતાં પોલીસે અટકાયતમાં લીધા હતા. વિદ્યાર્થીઓએ ખાનગી શાળાઓની મનમાની ફી અને સરકારી શાળાઓના વિલીનીકરણ(મર્જ)ના વિરોધમાં “છાત્ર કાંવડ યાત્રા”નું આયોજન કર્યું હતું. જોકે, પોલીસે તેમને બસમાં બેસાડીને લખનૌના ઇકો ગાર્ડનમાં મોકલી દીધા હતા.
રાષ્ટ્રીય છાત્ર પંચાયતના નેતૃત્વ હેઠળ શિવમ પાંડેની આગેવાનીમાં ગોંડાના ગાંધી પાર્કથી શરૂ થયેલી આ યાત્રા ગુરુવારે શરૂ થઈ હતી. વિદ્યાર્થીઓએ પરંપરાગત પ્રાર્થના બાદ હાથમાં તખતીઓ અને ગંગાજળના કળશ લઈને લખનૌ તરફ પ્રયાણ કર્યું હતું. તેમનો હેતુ ખાનગી શાળાઓની વધતી ફી પર અંકુશ લગાવવા અને સરકારી શાળાઓના વિલીનીકરણની નીતિનો વિરોધ કરવા માટે મુખ્યમંત્રી યોગી આદિત્યનાથને જળાભિષેક દ્વારા પોતાની માગણીઓ રજૂ કરવાનો હતો.
यूपी : गोंडा से गंगाजल लेकर 131 KM पैदल चलकर लखनऊ में CM योगी का जलाभिषेक करने पहुंचे छात्रों को पुलिस ने बस में ठूंसकर ईको गार्डन भेज दिया। ये छात्र प्राइवेट शिक्षा व्यवस्था और सरकारी स्कूलों को मर्ज करने के खिलाफ “छात्र कांवड़ यात्रा” लेकर गए थे। pic.twitter.com/PVuBaF2jEU
— Sachin Gupta (@SachinGuptaUP) July 26, 2025
આ વિદ્યાર્થીઓનો દાવો છે કે ખાનગી શાળાઓએ શિક્ષણને વ્યવસાય બનાવી દીધો છે, જેના કારણે સામાન્ય વિદ્યાર્થીઓ માટે શિક્ષણ પરવડે તેમ નથી. આ ઉપરાંત, સરકારી શાળાઓનું વિલીનીકરણ ગ્રામીણ વિસ્તારોમાં શિક્ષણની ગુણવત્તા અને ઉપલબ્ધતા પર નકારાત્મક અસર કરી રહ્યું છે. જોકે, લખનૌ પહોંચતાં જ પોલીસે આ યાત્રાને રોકી દીધી અને વિદ્યાર્થીઓને ઇકો ગાર્ડન ખસેડી દીધા. આ ઘટના અંગે સોશિયલ મીડિયા પર ચર્ચા ચાલી રહી છે, જ્યાં કેટલાક લોકો વિદ્યાર્થીઓના આ અનોખા વિરોધની પ્રશંસા કરી રહ્યા છે, જ્યારે અન્ય લોકો પોલીસની કાર્યવાહીને યોગ્ય ગણાવી રહ્યા છે.આ ઘટનાએ ઉત્તર પ્રદેશમાં શિક્ષણની સ્થિતિ અને ખાનગીકરણના મુદ્દે ફરી એકવાર ચર્ચાને જન્મ આપ્યો છે. વિદ્યાર્થીઓની આ યાત્રા ભલે રોકાઈ ગઈ હોય, પરંતુ તેમની માગણીઓએ રાજ્ય સરકાર અને સમાજનું ધ્યાન ખેંચ્યું છે.
આ પણ વાંચો:
America plane fire: પ્લેન ઉડાન ભરે તે પહેલા લાગી આગ, જે મુસાફરોનું થયું તે જોઈ હચમચી જશો!
Gujarat heavy rain: બનાસકાંઠામાં મેઘતાંડવ, 7 ઇંચ વરસાદથી જળબંબાકાર, 1 ઓગસ્ટ સુધી ભારે વરસાદની આગાહી
મોદી માત્ર શોબાજી કરે છે, કંઈ જ દમ નથી: રાહુલે ભડાસ કાઢી કહ્યું કે મારી આટલી ભૂલો છે! | Rahul Gandhi
Modi UK visit: અનુવાદકે અંગ્રેજીનું હિન્દીમાં ભાષાંતર કરવામાં ખાધા ગોથા, તો મોદી કેમ હસ્યા?
