- યુએસ- યુક્રનના સંબંધો વચ્ચે તિરાડ?
- ઝેલેન્સકીની સત્તા પર જોખમ
- ટ્રમ્પ યુક્રેનને NATOમાં જોવા માગતા નથી
US-Ukraine relations: યુક્રેનના રાષ્ટ્રપતિ વોલોડીમીર ઝેલેન્સકી અને અમેરિકન રાષ્ટ્રપતિ ડોનાલ્ડ ટ્રમ્પ વચ્ચે થયેલી ઉગ્ર ચર્ચા બાદ રશિયા ખુશ થયું હોય તેવું લાગી રહ્યું છે. જો કે હવે આ ઉગ્ર ચર્ચાએ NATO(North Atlantic Treaty Organization)ની ચિંતાઓ વધારી દીધી છે. નાટોના વડાએ ઝેલેન્સકીને શક્ય તેટલી વહેલી તકે અમેરિકા સાથેના સંબંધો સુધારવા કહ્યું છે.
અમેરિકાના વ્હાઇટ હાઉસમાં ડોનાલ્ડ ટ્રમ્પ અને વોલોડીમીર ઝેલેન્સકી વચ્ચેની ઉગ્ર ચર્ચા થઈ હતી. જેમાં જેલેન્સકીને તો બહાર નીકળી જવા પણ કહેવાયું હતુ. આ બાદ અમેરિકા અને યુક્રેનના સંબંધોને લઈ ખૂબ ચર્ચા થઈ રહી છે. યુક્રેન અમેરિકાની મદદ વગર યુક્રેન રશિયા સામે યુદ્ધ કેવી રીતે લડશે? બીજું, NATO સંગઠનનું ભવિષ્ય પણ જોખમાયું છે. સાથે જ યુક્રેન માટે અસ્તિત્વનો પ્રશ્ન બની ગયો છે. ટ્રમ્પે થોડા દિવસ પહેલા સ્પષ્ટ કરી દીધું હતું કે તેઓ યુક્રેનને NATOમાંથી હટાવવા માગ કરી હતી. ત્યારે હવે બંને દેશ વચ્ચે ભારે તણાવ આવી ગયો છે.
NATOની ચિંતા
NATOના વડા માર્ક રુટેએ ડોનાલ્ડ ટ્રમ્પ અને યુક્રેનના રાષ્ટ્રપતિ વચ્ચે થયેલી ચર્ચાને દુર્ભાગ્યપૂર્ણ ગણાવી છે. તેમણે કહ્યું કે આ ઘટના પછી તેમણે રાષ્ટ્રપતિ ઝેલેન્સકી સાથે બેવાર વાત કરી છે. યુક્રેનમાં કાયમી શાંતિ માટે અમેરિકા, યુરોપ અને યુક્રેને સાથે મળીને કામ કરવું જોઈએ. તેમણે ઝેલેન્સકીને ટ્રમ્પે યુક્રેન માટે જે કર્યું છે તેનું સન્માન કરવાની સલાહ પણ આપી છે. યુએસ પ્રમુખ ટ્રમ્પ કિવ અને નાટો બંનેમાં શાંતિ લાવવા માટે પ્રતિબદ્ધ છે.
આ પણ વાંચોઃ ટ્રમ્પ અને ઝેલેન્સકી વચ્ચેની ચર્ચા વિશે યુક્રેનના વિપક્ષી સાંસદે શું કહ્યું?
નાટોમાં સામેલ દેશો
અમેરિકા, સ્પેન, સ્વીડન, તુર્કીયે (તુર્કીયે), યુનાઇટેડ કિંગડમ, અલ્બેનિયા, બેલ્જિયમ, બલ્ગેરિયા, કેનેડા, ક્રોએશિયા, ચેકિયા, ડેનમાર્ક, એસ્ટોનિયા, ફિનલેન્ડ, ફ્રાન્સ, જર્મની, ગ્રીસ, હંગેરી, આઇસલેન્ડ, ઇટાલી, લાતવિયા, લિથુઆનિયા, લક્ઝમબર્ગ, મોન્ટેનેગ્રો, નેધરલેન્ડ, ઉત્તર મેસેડોનિયા, નોર્વે, પોલેન્ડ, પોર્ટુગલ, રોમાનિયા, સ્લોવાકિયા, સ્લોવેનિયા.
બાડેનના સમયે મજબૂત રહેલા અમેરિકાના સંબંધો યુક્રેન સાથે તૂટ્યા
પૂર્વ રાષ્ટ્રપતિ જો બાયડનના કાર્યકાળ દરમિયાન મજબૂત રહેલું યુએસ-યુક્રેન ગઠબંધન હવે તૂટી ગયું છે. નિષ્ણાતો માને છે કે અમેરિકન મદદ વિના, યુક્રેન માટે રશિયા સામે યુદ્ધ જીતવું લગભગ અશક્ય છે. શુક્રવારે ઝેલેન્સકીએ તેમના રાષ્ટ્રપતિ કાર્યકાળના કદાચ સૌથી મોટા પડકારનો સામનો કર્યો છે. હવે તેમની પાસે કયા વિકલ્પો છે? નિષ્ણાતો માને છે કે આગળનો રસ્તો ખૂબ જ મુશ્કેલ છે. તેમણે અમેરિકા સાથે કોઈ પણ રીતે સંબંધોને સુધારવા પડશે. અથવા કોઈક રીતે અમેરિકા વિના પોતાના દેશને બચાવવો પડશે.
શું ઝેલેન્સ્કીએ પદ છોડવું જોઈએ?
નિષ્ણાતો માને છે કે ઝેલેન્સકી પાસે એક વિકલ્પ ઉપલબ્ધ છે કે તે પદ છોડી દે. આ પછી, બીજા કોઈને યુક્રેનનું નેતૃત્વ કરવાની તક મળવી જોઈએ. અન્ય વિકલ્પોની તુલનામાં આ એક સરળ વિકલ્પ છે. પરંતુ આમાં ઘણા જોખમો પણ છે. સત્તાનો શૂન્યાવકાશ મોસ્કોને ફાયદો કરાવી શકે છે, કારણ કે આમ કરવાથી મોરચા પર કટોકટી સર્જાઈ શકે છે, રાજકીય સ્પષ્ટતા ખતમ થઈ શકે છે, કિવમાં સરકારની કાયદેસરતાને નબળી પડી શકે છે અને યુદ્ધ દરમિયાન પારદર્શક ચૂંટણીઓ યોજાઈ શકે છે, જેને દૂર કરવા માટે એક મોટો પડકાર છે.
નાટોનું ભવિષ્ય અંધકારમાં છે…!
જેમ યુક્રેનનું ભવિષ્ય અંધકારમય દેખાઈ રહ્યું છે, તેમ ઉત્તર એટલાન્ટિક સંધિ સંગઠન (NATO)નું શું થશે તે પણ પ્રશ્નો ઉભો થયો છે. યુક્રેનની બહાર, યુરોપિયન સુરક્ષા પ્રત્યે અમેરિકાની પ્રતિબદ્ધતા અંગે ઘણા શંકાઓ અને પ્રશ્નો ઉભા થયા છે. સૌથી મોટો પ્રશ્ન એ છે કે શું રાષ્ટ્રપતિ ટ્રમ્પ તેમના પુરોગામી હેરી ટ્રુમેન દ્વારા 1949 માં આપેલા વચનને પૂર્ણ કરશે કે NATO સાથી પરના હુમલાને યુનાઇટેડ સ્ટેટ્સ પરના હુમલા તરીકે ગણવામાં આવશે.
યુનાઇટેડ સ્ટેટ્સ NATOનું અગ્રણી અને સ્થાપક સભ્ય હતું. NATOની રચનાએ યુનાઇટેડ સ્ટેટ્સની પરંપરાગત વિદેશ નીતિને ઉલટાવી દીધી, જે એકલતાવાદ પર આધારિત હતી. આ નીતિને કારણે, અમેરિકા શક્ય તેટલું પ્રથમ અને બીજા વિશ્વયુદ્ધથી દૂર રહ્યું. બંને પ્રસંગોએ, તેની નૌકાદળ સંપત્તિ પરના હુમલાઓએ આખરે તેને યુદ્ધની સ્થિતિમાં ધકેલી દીધું. જોકે, ડોનાલ્ડ ટ્રમ્પ સંપૂર્ણપણે અલગ માર્ગ અપનાવી રહ્યા છે. તાજેતરમાં તેમણે સ્પષ્ટપણે કહ્યું હતું કે યુક્રેનને તેના NATO સભ્યપદ ભૂલી જવું જોઈએ. ત્યારે હવે બંને દેશ આગળ શું કરે છે તે જોવું રહ્યું?
આ પણ વાંચોઃ PM મોદી જામનગરની મુલાકાતે, હાલ વનતારા પહોંચ્યા, શું વનતારા અંબાણીનો બિઝનેસ છે?
