Election Expenditure: બિન-સરકારી સંગઠન એસોસિએશન ફોર ડેમોક્રેટિક રિફોર્મ્સ (ADR) ના એક અહેવાલ મુજબ ભારતીય જનતા પાર્ટી (BJP) એ 2023-24 માં ચૂંટણી અને પ્રચાર પાછળ કરોડોમાં ખર્ચો કર્યો છે. રિપોર્ટ મુજબ ભાજપે રુ. 1,754 કરોડ ચૂંટણી જીતવા પાછળી ખર્ચી નાખ્યા છે. . અન્ય ખર્ચમાં, ભાજપે વહીવટી ખર્ચ પર રૂ. 3.49.71 ખર્ચી નાખ્યા છે.
ધ હિન્દુના મતે, આ રિપોર્ટમાં તમામ છ રાષ્ટ્રીય પક્ષોની કુલ આવક અને ખર્ચનું વિશ્લેષણ કરાયું છે. આ પક્ષોએ ચૂંટણી પંચને આપેલા વાર્ષિક ઓડિટ અહેવાલોમાં તેમને ખર્ચાની કબૂલાત કરી છે કે અમે ચૂંટણી પાછળ આટલા રુપિયા ખર્ચ્યા છે.
રિપોર્ટમાં કહેવામાં આવ્યું છે કે કોંગ્રેસે ચૂંટણીમાં 619.67 કરોડ રૂપિયા ખર્ચ કર્યા છે. જ્યારે કોંગ્રેસે વહીવટી અને સામાન્ય ખર્ચ પર રૂ. 340.70 કરોડ ખર્ચ્યા છે.
ભારતીય કમ્યુનિસ્ટ પાર્ટી (માર્ક્સવાદી) એ વહીવટી અને સામાન્ય ખર્ચ પર સૌથી વધુ રૂ. 56.29 કરોડ ખર્ચ્યા, ત્યારબાદ કર્મચારીઓના ખર્ચ પર રૂ. 47.57 કરોડ ખર્ચ્યા છે.
છ રાષ્ટ્રીય પક્ષો – ભાજપ, કોંગ્રેસ, બહુજન સમાજ પાર્ટી, ભારતીય કોમ્યુનિસ્ટ પાર્ટી (માર્ક્સવાદી), આમ આદમી પાર્ટી અને નેશનલ પીપલ્સ પાર્ટી – એ દાનમાંથી કુલ રૂ. 2,669.86 કરોડની આવક જાહેર કરી છે.
ત્રણેય પક્ષો, ભાજપ, કોંગ્રેસ અને આમ આદમી પાર્ટી (AAP)ને ચૂંટણી બોન્ડ દ્વારા 2,524.13 કરોડ રૂપિયા મળ્યા, જે તેમના કુલ દાનના 43.36% છે.
ઉલ્લેખનીય છે કે ગયા વર્ષે સુપ્રીમ કોર્ટે ચૂંટણી બોન્ડને ગેરબંધારણીય જાહેર કર્યું હતું અને તેને તાત્કાલિક બંધ કરવાનો આદેશ આપ્યો હતો. તે ચૂંટણી બોન્ડમાંથી ભાજપને સૌથી વધુ રૂ. 1, 68563 કરોડ મળ્યા, જ્યારે કોંગ્રેસને રૂ. 828.36 કરોડ અને આપને રૂ. 10.15 કરોડ મળ્યા છે.
નોંધનીય છે કે તમામ પક્ષો માટે વાર્ષિક ઓડિટેડ હિસાબો રજૂ કરવાની અંતિમ તારીખ 31 ઓક્ટોબર, 2024 હતી, પરંતુ ફક્ત બહુજન સમાજ પાર્ટી, નેશનલ પીપલ્સ પાર્ટી અને આમ આદમી પાર્ટીએ જ સમયસર તેમના ઓડિટ રિપોર્ટ સબમિટ કર્યા હતા.
સીપીઆઈ(એમ), કોંગ્રેસ અને ભાજપે અનુક્રમે 12 દિવસ, 53 દિવસ અને 66 દિવસના વિલંબ પછી ચૂંટણી પંચને તેમના અહેવાલો સુપરત કર્યા હતા.
આ પણ વાંચોઃ Mahakubh Ends 2025: મહાકુંભ પૂરો થયા બાદ યોગીને “સફાઈ” કરવાનો વારો આવ્યો!
આ પણ વાંચોઃ ‘ભારતને બચાવવા બદલ ગોડસે પર ગર્વ છે’ લખાનારી મહિલાને મોટું પદ મળતાં બબાલ
આ પણ વાંચોઃ UN: ભારતનો પાકિસ્તાનને જડબાતોડ જવાબ: કહ્યું કે પાકિસ્તાન આંતરરાષ્ટ્રીય આધાર પર જીવે છે
