Pune Rape Case: દેશભરમાં ચકચાર મચાવનાર રેપ કેસમાં આરોપીની ધરપકડ કરવામાં આવી છે. આરોપીએ ક્રૂર રીતે મહારાષ્ટ્રના પૂણેમાં એક 26 વર્ષિય મહિલા પર બળાત્કાર ગુજારાતાં ખળભળાટ મચી ગયો હતો. આ ઘટના પુણેના ભીડભાડવાળા સ્વારગેટ બસ સ્ટેશનમાં મંગળવારે બની હતી. આરોપીએ કંડક્ટરની ઓળખ આપી મહિલાને ઉભેલી સરકારી બસમાં લઈ જઈ બળાત્કાર ગુજાર્યો હતો. આ ઘટનામાં આરોપી 36 વર્ષીય દત્તાત્રેય રામદાસ ગાડે ફરાર થઈ ગયો હતો. જો હવે તેની ધરપકડ કરી લેવામાં આવી છે.
75 કલાક સુધી પોલીસે આરોપીની શોધ્યો
પૂના સ્વારગેટ બસ સ્ટેશનમાં ખાલી પાર્ક કરેલી બસમાં મહિલાને લઈ જઈ બળાત્કાર ગુજાર્યા બાદ ફરાર થઈ ગયો હતો. જેથી પોલીસે 75 કલાકની ભારે જહેમત બાદ આરોપી ય દત્તાત્રેય રામદાસ ગાડેને ઝડપી પાડ્યો છે. આ આરોપી પહેલેથી જ ગુનાહિત ઈતિહાસ ધરાવે છે. આરોપી દત્તાત્રેય રામદાસ ગાડે વિરુદ્ધ પુણે અને અહિલ્યાનગરમાં ચોરી, લૂંટના છ થી સાત કેસ નોંધાયેલા છે. તે 2019 થી જામીન પર જેલ બહાર છે.
ડ્રોન અને ડોગ સ્ક્વોડની મદદથી આરોપીને પકડવામાં આવ્યો
બળાત્કારના આરોપીઓને પકડવા માટે પોલીસે ગુરુવારે ડ્રોન અને ડોગ સ્ક્વોડની પણ મદદ લીધી હતી. આરોપીઓને શોધવા માટે પુણે પોલીસની 13 ટીમો બનાવવામાં આવી હતી. એક અધિકારીના જણાવ્યા મુજબ, આ બધી પોલીસ ટીમો ગાડેને શોધવાનો પ્રયાસ કરી રહી હતી. પુણે ગ્રામીણ પોલીસ સાથે સંકલનમાં, ગુણત ગામના શેરડીના ખેતરોમાં સર્ચ ઓપરેશન હાથ ધરવામાં આવ્યું હતું, જ્યાં પોલીસને આરોપી છુપાયેલો હોવાની શંકા હતી. જે બાદ તેને ઝડપી પડ્યો છે.
આ પણ વાંચોઃ DWARKA: શિવલિંગ ચોરો ઝડપાયા, યુવતીને સ્વપ્ન આવતાં 7 શખ્સો શિવલિંગને હિંમતનગર ઉઠાવી ગયા!
આ પણ વાંચોઃ Chhaava Film: મહાશિવરાત્રીના દિવસે ‘છાવા’ છવાઈ, પુષ્પા 2 નો તોડ્યો રેકોર્ડ, લક્ષ્ય 500 કરોડ
