- સાંઈ સુદર્શને ટી-20માં શૂન્ય પર આઉટ થયાં વગર સૌથી વધુ રન બનાવ્યાં.
- હૈદરાબાદ સામેની મેચમાં ગુજરાત ટાઇટન્સના ઓપનરે 23 બોલમાં 48 રન ફટકારી રેકોર્ડ બનાવ્યો.
IPL 2025 । આઈપીએલ 2025ની 51મી મેચમાં ગુજરાત ટાઇટન્સના ઓપનર સાઈ સુદર્શન (Sai Sudharsan) એ 23 બોલમાં તોફાની 48 રન ફટકાર્યા હતાં. માત્ર બે રનથી સાંઈ સુદર્શન અડધી સદી ચૂકી ગયો હતો પરંતુ, તે આ તોફાની ઇનિંગ દ્વારા એક વર્લ્ડ રેકોર્ડ પોતાના નામે કરી શક્યો હતો. સાંઈ સુદર્શન ટી-20 ક્રિકેટના ઇતિહાસમાં 0 રન પર આઉટ થયા વગર સૌથી વધુ રન બનાવનારો બેટ્સમેન બની ગયો છે. સાંઈ સુદર્શને અત્યાર સુધી ટી-20માં 0 પર આઉટ થયાં વગર 2016 રન બનાવ્યાં છે. હજી એ આ આંકડો વધારી શકે તેમ છે.
0 રન પર આઉટ થયા વગર ટી-20માં સૌથી વધુ રન બનાવનાર બેટ્સમેન (Most T20 runs without a duck)
સાંઈ સુદર્શન, ભારત (54 ઇનિંગ) 2016* રન
કડોવાકી ફ્લેમિંગ, જાપાન (35 ઇનિંગ) 1420 રન
માર્ક બાઉચર, સાઉથ આર્ફ્રિકા (76 ઇનિંગ) 1378 રન
તૈય્યબ તાહિર, પાકિસ્તાન (46 ઇનિંગ) 1337 રન
રજત પાલીવાલ, ભારત (63 ઇનિંગ) 1231 રન
કેમરુન ગ્રીન, ઓસ્ટ્રેલિયા (49 ઇનિંગ) 1076 રન
રોહન કુન્નૂમલ, ભારત (33 ઇનિંગ) 1015 રન
આ ઉપરાંત, સાંઈ સુદર્શન ટી-20માં સૌથી ઝડપી 2000 રન બનાવવાવાળો બીજો બેટ્સમેન બન્યો છે. સુદર્શને 54 ઇનિંગમાં આ વિશેષ સ્થાન પ્રાપ્ત કરવામાં સફળતા પ્રાપ્ત કરી છે. આવું કરીને સુદર્શને સચિન તેન્ડુલકર અને બ્રેડ હોજ જેવાં દિગ્ગજોને પાછળ છોડી દીધાં છે.
ટી-20 માં સૌથી ઝડપી 2000 રન (Fastest to 2000 runs in T20)
53 ઇનિંગ – શોન માર્શ
54 ઇનિંગ – સાંઈ સુદર્શન*
58 ઇનિંગ – બ્રેડ હોજ / માર્ક્સ ટ્રેસ્કોથિક / મુહમ્મદ વસીમ
59 ઇનિંગ – સચિન તેન્ડુલકર / ડી’આર્સી શોર્ટ
આઈપીએલ 2025ની 51મી મેચ અંગેની વાત કરીએ તો, ગુજરાત ટાઈટન્સે પહેલા બેટીંગ કરીને 20 ઓવરમાં 6 વિકેટના નુકસાન પર 224 રન બનાવ્યા હતાં. બાદમાં 224 રનનો પીછો કરવા મેદાનમાં ઉતરેલી સનરાઈઝર્સ હૈદરાબાદની ટીમ 20 ઓવરમાં માત્ર 186 રન જ બનાવી શકી હતી. જેને પગલે ગુજરાત ટાઈટન્સ 38 રનથી મેચ જીતી ગઈ હતી. આઈપીએલ 2025ના પોઈન્ટ્સ ટેબલમાં 14 પોઈન્ટ સાથે બીજા નંબર પર પહોંચી છે. પહેલાં નંબર પર મુંબઈ ઇન્ડિયન્સની ટીમ છે.
આ પણ વાંચોઃ
Gujarat: ખેતમજૂરો ખેતમાલિકો થયા, 75 વર્ષે ફરી જમીન વિહોણા
Vadodara: CM ભૂપેન્દ્ર પટેલે કાર્યક્રમમાંથી બે મહિલાઓને બળજબરીથી બહાર કાઢી, શું છે મામલો?
Surat: બાળક સાથે ભાગેલી 23 વર્ષિય શિક્ષિકા ગર્ભવતી, મેડિકલ રિપોર્ટમાં ઘટસ્ફોટ
Ajmer Hotel Fire: અજમેર હોટલમાં લાગેલી આગમાં 3 ગુજરાતી સહિત 4 ના મોત, બચાવકર્મીઓની હાલત બત્તર
ગોંડલમાં વટ અને વેર પરિબળ કામ કરી રહ્યું છે?, શું છે ઈતિહાસ? | Gondal
Gujarat માં ભર ઉનાળે માવઠાની આગાહી, તાપમાનમાં ઘટાડો થશે
