Gujarat Board 12th Result 2025 : ગુજરાતમાં ધોરણ 12ની પરિક્ષા આપનારા વિદ્યાર્થીઓની આજે ખુશીનો પાર નથી. કારણ કે તેઓની આતુરતાનો અંત આવ્યો છે. ગુજરાત ઉચ્ચતર માધ્યમિક શિક્ષણ બોર્ડે ધોરણ 12 વિજ્ઞાન પ્રવાહ તથા સામાન્ય પ્રવાહનું પરિણામ જાહેર કરવામાં આવ્યું છે. આજે જાહેર થયેલા વિજ્ઞાન પ્રવાહનું 83.51 ટકા પરિણામ, જ્યારે સામાન્ય પ્રવાહનું 93.07 ટકા પરિણામ જાહેર થયુ છે. વિજ્ઞાન પ્રવાહનું ગત વર્ષ કરતા 1.0 ટકા વધુ જ્યારે સામાન્ય પ્રવાહનું ગત વર્ષ કરતા 1.14 ટકા પરિણામ વધુ જાહેર થયું છે.

મોરબી જીલ્લાના વિદ્યાર્થીઓએ બાજી મારી

વિજ્ઞાન પ્રવાહમાં 92.91 ટકાવારી સાથે મોરબી જિલ્લો રાજ્યમાં મોખરે છે. ગત વર્ષે પણ આ જિલ્લામાં સારુ પરિણામ હતુ. મોરબીમાં સામાન્ય પ્રવાહમાં અંગ્રેજી માધ્યમમાં 93.97 ટકા પરિણામ જ્યારે ગુજરાતી માધ્યમનું 93.7 ટકા પરિણામ આવ્યું છે. સાથે જ  96.60 ટકા સાથે ગોંડલ કેન્દ્રનું પરિણામ સૌથી વધુ રહ્યું છે. જ્યારે સામાન્ય પ્રવાહમાં વડોદરાનું સૌથી ઓછું 87.77 ટકા પરિણામ આવ્યું છે.

કેટલા વિદ્યાર્થીઓ થયા પાસ

વિજ્ઞાન પ્રવાહ:

પરીક્ષા આપનાર વિદ્યાર્થીઓ: 1,00,575

પાસ થયેલા વિદ્યાર્થીઓ: 83,987

પાસ ટકાવારી: 83.51%

સામાન્ય પ્રવાહ:

પરીક્ષા આપનાર વિદ્યાર્થીઓ: 3,62,506

પાસ થયેલા વિદ miljo.દ્યાર્થીઓ: 3,37,387

પાસ ટકાવારી: 93.07%

GUJCET-2025 પરિણામ 

વિજ્ઞાન પ્રવાહના વિદ્યાર્થીઓને ઉચ્ચ અભ્યાસક્રમમાં પ્રવેશ મેળવવા પહેલા લેવામાં આવતી પ્રવેશ પરીક્ષા GUJCET-2025 ના પરિણામ પણ જાહેર થયા છે. જેમાં A ગ્રુપમાં કુલ 489 અને B ગ્રુપમાં કુલ 790 ઉમેદવારોએ 99 પર્સેન્ટાઇલ રેન્ક મેળવ્યો છે. આ બાદ A ગ્રુપમાં કુલ 970 અને B ગ્રુપમાં કુલ 1567 ઉમેદવારોએ 98 પર્સેન્ટાઇલ રેન્ક મેળવ્યો છે.

ધોરણ 12નું પરિણામ વોટ્સએપ દ્વારા મેળવવા માટે નીચેના સ્ટેપ્સ ફોલો કરો:

નંબર સેવ કરો: તમારા મોબાઈલમાં ગુજરાત બોર્ડનો અધિકૃત વોટ્સએપ નંબર 6357300971 સેવ કરો.

મેસેજ મોકલો: વોટ્સએપ ખોલીને આ નંબર પર “Hii” લખીને મેસેજ મોકલો.

સીટ નંબર આપો: જવાબમાં મળેલી સૂચના પ્રમાણે તમારો છ અંકનો સીટ નંબર મોકલો.

પરિણામ મેળવો: થોડીવારમાં તમને વોટ્સએપ પર તમારું ધોરણ 12નું પરિણામ મળી જશે.

પણ વાંચોઃ

E-Commerce: એમેઝોન, ફ્લિપકાર્ટ, સ્વિગી સામે વેપારીનું આંદોલન?, ‘ઇસ્ટ ઇન્ડિયા કંપનીથી ઓછા નથી’

કેરળમાં મોદીએ વિશ્વને કહી દીધું, કે તે પાકિસ્તાનને કેવી રીતે હરાવવાના છે?, જુઓ | Kerala

Rajkot: ટ્રકચાલકે બે ટુ વ્હીલરને અડફેટે લેતા સાસુ-વહુના મોત, પિતા-પુત્રને ઈજાઓ

Rajkot: ગોંડલમાં 17 વર્ષની સગીરાને કેફી પીણું પીવડાવી દુષ્કર્મ આચર્યુ, કેવી રીતે પ્રેમજાળમાં ફસાઈ સગીરા?

Ahmedabad: વિરમગામમાં વીજળી પડતાં ખેડૂતનું મોત, મહિસાગરમાં 2 પશુના મોત