PM મોદીના વખાણ કરવામાં દેશની સેનાનનું અપમાન!, BJP નેતા સેના અંગે આ શું બોલ્યા?

BJP leader praises PM Modi: ભાજપા નેતાઓ દેશની સેનાનું અપમાન કરતાં જરાઈ ખચકાઈ રહ્યા નથી. નેતાઓ વારંવાર દેશની સેનાનું અપમાન કરી રહ્યા છે. મધ્યપ્રદેશના નાયબ મુખ્યમંત્રી જગદીશ દેવડાએ મોદીની પ્રશંસા કરવા જતા સેનાનુ અપમાન કર્યું છે.

‘સૈનિકો વડાપ્રધાન મોદીના ચરણોમાં નતમસ્તક’

મધ્યપ્રદેશના નાયબ મુખ્યમંત્રી જગદીશ દેવડાએ કહ્યું હતુ કે “દેશની સેના અને સૈનિકો વડાપ્રધાન મોદીના ચરણોમાં નતમસ્તક છે,” તે અત્યંત આપત્તિજનક અને અયોગ્ય છે. ભારતીય સેના એક બંધારણીય સંસ્થા છે, જે દેશ અને તેના બંધારણ પ્રતિ નિષ્ઠા ધરાવે છે, નહીં કે કોઈ વ્યક્તિ વિશેષ પ્રતિ. આ પ્રકારનું નિવેદન સેનાના સન્માન, સ્વતંત્રતા અને વ્યાવસાયિક ગરિમાને ઠેસ પહોંચાડે છે.

સેનાના મનોબળ પર નકારાત્મક અસર

આ નિવેદન માત્ર સેનાનું અપમાન જ નથી કરતું, પરંતુ લોકશાહી મર્યાદાઓનું પણ ઉલ્લંઘન કરે છે, કારણ કે તે સેનાને રાજકીય વ્યક્તિની ચાટુકારિતા સાથે જોડે છે. સેનાનું કાર્ય દેશની રક્ષા કરવાનું છે, નહીં કે કોઈ નેતાની પ્રશંસામાં નતમસ્તક થવું. આવી ટિપ્પણી સેનાના મનોબળ પર નકારાત્મક અસર કરી શકે છે અને લોકોમાં ખોટો સંદેશ આપે છે.

જાહેર જીવનમાં હોદ્દા પર બેઠેલી વ્યક્તિએ વાણી પર સંયમ જરુરી

કોંગ્રેસ અને અન્ય વિપક્ષી નેતાઓએ આની કડક નિંદા કરી છે, અને ઘણા લોકોએ માફી કે બરતરફીની માગણી કરી છે, જે આ નિવેદનની ગંભીરતા દર્શાવે છે. જાહેર જીવનમાં જવાબદાર હોદ્દા પર બેઠેલી વ્યક્તિએ પોતાની વાણી પર સંયમ રાખવો જોઈએ અને એવી ટિપ્પણીઓથી બચવું જોઈએ જે રાષ્ટ્રીય સંસ્થાઓની ગરિમાને ઘટાડે.

ઉલ્લેખયનીય છે કે પહેલા જેવું દેશના જવાનોનું સન્માન ભાજપા નેતા તો જવાદો પણ આમ નાગરિકો પણ કરતાં નથી. વર્તમાન સમયમાં જવાનો પર હુમલા થાય છે. આવી ઘટના તાજેતરમાં જ ઉત્તર પ્રદેશમાં બની હતી. જ્યા સેનાના જવાન અને તેમની પત્ની પર હુમલો થયો હતો. પહેલા લોકો દેશના જવાનોનું સન્માન કરતાં. તેમને લોકો આદરપૂર્વક બોલાવતાં હતા. અત્યારે દેશના જવાનોને પોલીસ જેટલું પણ સન્માન મળતું નથી. 90 ના દાયકા પૂર્વે દેશના નાગરિકો જવાનોને વસ્તુઓ પણ ભેટ આપી દેતાં હતાં. તેમનું બહુમાન કરતા હતા. જ્યારે આજે માત્ર જવાનોનું દેખાડા પુરતું જ સન્માન થાય છે.

આ વીડિયોમાં બોલિવૂડ અભિનેતા અક્ષય દ્વારા પીએમ મોદીના લેવામાં આવેલા ઈન્ટરવ્યૂની પણ ચર્ચા કરવામાં આવી છે.

આ મુદ્દાઓ પર વરિષ્ઠ રાજકીય વિશ્લેષક અરુણ શર્મા સાથે મયૂર જાનીની ખાસ વાત. જુઓ અને તમારો અભિપ્રાય આપો.