Mass suicide case in Haryana: હરિયાણાના પંચકુલા શહેરમાં એક હૃદયદ્રાવક ઘટના સામે આવી છે. અહીં દેહરાદૂનમાં એક જ પરિવારના 7 લોકોએ આત્મહત્યા કરી છે. આ સમગ્ર મામલો પંચકુલાના સેક્ટર 27નો છે. કહેવામાં આવી રહ્યું છે કે એક જ પરિવારના 7 સભ્યોએ કારમાં ઝેરી દવા પીને આત્મહત્યા કરી હતી.

કારમાંથી એક પરિવારના 7 લોકોના મૃતદેહ મળ્યા

મળતી માહિતી મુજબ પંચકુલાના સેક્ટર 27માં એક ઘરની બહાર રસ્તા પર પાર્ક કરેલી કારમાં સાતેય લોકોના મૃતદેહ બંધ હાલતમાં મળી આવ્યા હતા. જાણવા મળી રહ્યું છે કે, આ પરિવારે ભારે દેવા અને નાણાકીય સંકટને કારણે આત્મહત્યા કરી હોઈ શકે છે જો કે આમ કરવા પાછળનું ચોક્કસ કારણહજુ સામે આવ્યું નથી.

બાગેશ્વર ધામ કથામાં હાજરી આપવા આવ્યો હતો પરિવાર

પોલીસના જણાવ્યા અનુસાર, મૃતક ઉત્તરાખંડના દેહરાદૂનનો રહેવાસી હતો. મૃતકોમાં પ્રવીણ મિત્તલ, તેમના પિતા દેશરાજ મિત્તલ અને તેમની પત્ની, માતા, બે પુત્રીઓ અને પુત્રનો સમાવેશ થાય છે. જો સૂત્રોનું માનીએ તો, દેહરાદૂનનો રહેવાસી પ્રવીણ મિત્તલ પોતાના પરિવાર સાથે પંચકુલાના બાગેશ્વર ધામમાં આયોજિત હનુમાન કથા કાર્યક્રમમાં હાજરી આપવા આવ્યો હતો. કાર્યક્રમ સમાપ્ત થયા પછી દેહરાદૂન પરત ફરતી વખતે તેમણે આ પગલું ભર્યું.

ઘટનાસ્થળેથી સુસાઈડ નોટ મળી

પોલીસને ઘટનાસ્થળેથી એક સુસાઈડ નોટ પણ મળી આવી છે. જોકે, તેમાં શું લખ્યું છે તેની માહિતી હજુ સુધી આપવામાં આવી નથી. પોલીસ આ અંગે તપાસ કરી રહી છે.

પોલીસ ટીમ તપાસમાં લાગી

સાતેય મૃતદેહોને પંચકુલાની ખાનગી હોસ્પિટલોના શબઘરમાં રાખવામાં આવ્યા છે. આ બાબતની માહિતી મળતાં, પંચકુલાના ડીસીપી હિમાદ્રી કૌશિક અને ડીસીપી કાયદો અને વ્યવસ્થા અમિત દહિયા ઘટનાસ્થળે પહોંચ્યા અને તપાસમાં રોકાયેલા છે. આ ઉપરાંત ફોરેન્સિક ટીમ પણ ઘટનાસ્થળે પહોંચી હતી અને તપાસ માટે નમૂનાઓ એકત્રિત કર્યા હતા. આ ઘટના બાદ સ્થાનિક લોકોમાં પણ સનસનાટી ફેલાઈ ગઈ છે. હાલમાં પંચકુલા પોલીસ આ સમગ્ર ઘટનાની તપાસમાં વ્યસ્ત છે. આત્મહત્યાના કારણો તપાસ બાદ જ જાણી શકાશે.