જૂનાગઢ જીલ્લાની વિસાવદર વિધાનસભાની પેટાચૂંટણીનો માહોલ ગરમાયો છે. આમ આદમી પાર્ટી (AAP)ના ઉમેદવાર ગોપાલ ઇટાલિયાએ ભાજપાના સમર્થકો પર ગંભીર આક્ષેપ કર્યો છે. તેમણે દાવો કર્યો કે, જીવાપરા વિસ્તારમાં યોજાયેલી રાત્રી સભા દરમિયાન ભાજપાના સમર્થકોએ તેમના પર પથ્થરમારો કર્યો હતો.

ભાજપા પર ગુંડાગીરીનો આરોપ

ગોપાલ ઇટાલિયાએ જણાવ્યું કે, ભાજપાના ઉમેદવાર કિરીટ પટેલના સમર્થકો, વિસાવદરના ભાજપ કોર્પોરેટર નાસીર મેતરના ભાઈ અને કોર્પોરેટર કમલેશ રીબડીયાના પુત્ર સહિતના લોકોએ આ હુમલો કર્યો. તેમણે કહ્યું, “ભાજપાના ગુંડાઓ બેફામ બન્યા છે. આ લોકશાહીથી ચાલતું રાજ્ય છે કે કિરીટશાહીથી?” ઇટાલિયાએ ભાજપાના નેતા સી.આર. પાટીલ અને કિરીટ પટેલ પર પણ નિશાન સાધ્યું.

પોલીસની નિષ્ક્રિયતા પર સવાલ

ઇટાલિયાએ જણાવ્યું કે, હુમલાની ફરિયાદ કરવા પોલીસ સ્ટેશન ગયા ત્યારે અધિકારીઓ હાજર ન હતા. તેમણે આક્ષેપ કર્યો કે, “ભાજપાના ફોનની રાહ જોવાતી હોય તેવું લાગે છે. એક કલાકથી રાહ જોવી પડી, પણ કોઈ અધિકારી ન મળ્યા.”

“જનતા જવાબ આપશે”

https://www.facebook.com/share/v/1APTkFZHaR/

આમ આદમી પાર્ટીના નેતા યુવરાજસિંહ જાડેજાએ ઇટાલિયાને સમર્થન આપતાં કહ્યું, “જીવાપરાની સભામાં અસામાજિક તત્વોએ મનમાની કરી. લોકશાહીનું હનન થઈ રહ્યું છે. પરંતુ વિસાવદરની જનતા આવી હરકતોનો જવાબ ચૂંટણીમાં આપશે.”

આ ઘટનાએ વિસાવદરની પેટાચૂંટણીમાં રાજકીય ગરમાગરમી વધારી દીધી છે. ભાજપ તરફથી હજી આ આક્ષેપો અંગે કોઈ સત્તાવાર નિવેદન આવ્યું નથી. ચૂંટણીના દિવસો નજીક આવતાં આવી ઘટનાઓ શું અસર કરશે, તે જોવું રહ્યું.

વિસાદવરમાં પેટાચૂંટણીનો જંગ કેમ?