OTT Platforms Ban: ભારત સરકારે ઓનલાઈન પોર્નોગ્રાફી સામગ્રીના ફેલાવાને રોકવા માટે OTTના 25 પ્લેટફોર્મ બ્લોક કરવાનો આદેશ આપ્યો છે. માહિતી અને પ્રસારણ મંત્રાલયે ઇન્ટરનેટ સર્વિસ પ્રોવાઇડર (ISP) ને આ પ્લેટફોર્મ્સ પર જાહેર ઍક્સેસને બ્લોક કરવાનો નિર્દેશ આપ્યો છે, એટલે કે આ એપ્સ પર સંપૂર્ણપણે પ્રતિબંધ મૂકવામાં આવ્યો છે. મતલબ હવે તે ભારતમાં દેખાશે નહીં.
ઘણા સમય પછી એપ્સ પર પ્રતિબંધ મૂકવાની જરૂર કેમ?
રિપોર્ટ અનુસાર, મંત્રાલયને જાણવા મળ્યું કે આ 25 એપ્સ અને વેબસાઈટ પર વાંધાજનક જાહેરાતો અને અશ્લીલ સામગ્રીનું પ્રસારણ કરી રહી હતી, જે ઘણા ભારતીય કાયદાઓનું ઉલ્લંઘન કરી રહી હતી. આ પછી મંત્રાલયે બધી જ એપ્સ સામે કાર્યવાહી કરી દેશભરમાં બ્લોક કરવાનો આદેશ આપ્યો છે. માહિતી ટેકનોલોજી અધિનિયમ 2000 (IT એક્ટ 2000) અને IT એક્ટ 2021 (મધ્યસ્થી માર્ગદર્શિકા અને ડિજિટલ મીડિયા એથિક્સ કોડ) હેઠળ આ પ્રતિબંધ મૂકવાની કાર્યવાહી કરવામાં આવી છે.
સરકારી આદેશમાં એમ પણ કહેવામાં આવ્યું છે કે 25 એપ્સ અને વેબસાઇટ્સને IT એક્ટની કલમ 67 અને 67A, ભારતીય ન્યાય સંહિતા 2023 ની કલમ 294 અને મહિલા અશ્લીલ પ્રતિનિધિત્વ પ્રતિબંધ અધિનિયમ 1986 ની કલમ 4 હેઠળ દોષિત ઠેરવવામાં આવ્યા છે. જો કોઈ ઇન્ટરનેટ સેવા પ્રદાતા સરકારી આદેશનું ઉલ્લંઘન કરશે, તો તેની સામે IT એક્ટની કલમ 79 (1) હેઠળ કાનૂની કાર્યવાહી કરવામાં આવશે. સરકારે કુલ 26 વેબસાઇટ્સ, 14 મોબાઇલ એપ્લિકેશન્સ (9 ગુગલ પ્લે સ્ટોર પર અને 5 એપલ એપ સ્ટોર પર) પર પ્રતિબંધ મૂક્યો છે.
25 પ્રતિબંધિત OTT પ્લેટફોર્મની યાદી
ULLU
ALTT
Big Shots App
Jalva App
Wow Entertainment
Look Entertainment
Hitprime
Feneo
ShowX
Sol Talkies
Kangan App
Bull App
Adda TV
HotX VIP
Desiflix
Boomex
Navarasa Lite
Gulab App
Fugi
Mojflix
Hulchul App
MoodX
NeonX VIP
Triflicks
ઉપરોક્ત પ્લેટફોર્મ પર પ્રતિબંધ લાગ્યા પછી નેટફ્લિક્સના ઘણા પ્લેટફોર્મને બેન કરવાની માગ કરી રહ્યા છે. આરોપ છે કે અહીં હિંદુઓની આસ્થાને ઠેસ પહોંચતાં કન્ટેટ અપ્લોડ કરવામાં આવે છે.
આ પણ વાંચો:
Modi UK visit: અનુવાદકે અંગ્રેજીનું હિન્દીમાં ભાષાંતર કરવામાં ખાધા ગોથા, તો મોદી કેમ હસ્યા?
