Botad: ગુજરાતના રાજકારણમાં બોટાદના કડદા કાંડે તાપમાન વધાર્યું છે. આમ આદમી પાર્ટી (AAP)ના પ્રદેશ કાર્યાલય પર પહોંચતાં જ નેતાઓ રાજુભાઈ કરપડા અને પ્રવીણ રામને પોલીસે ધરપકડ કરી લીધી છે. આ ઘટના બોટાદ મહાપંચાયતમાં થયેલા વિવાદ અને કડદા પ્રથા વિરુદ્ધના આંદોલનમાં બની છે, જેમાં AAPના આ બંને નેતાઓ સહિત 85 લોકો વિરુદ્ધ FIR નોંધાઈ છે.
મળતી માહિતી મુજબ ફરિયાદ નોંધાયા બાદ ભૂગર્ભમાં ઉતરેલા આ બંને નેતાઓ આજે બહાર આવ્યા અને પાર્ટી કાર્યાલય તરફ વળ્યા. તેઓએ અહીં પહોંચીને ખેડૂતોને આંદોલનને અટકાવ્યા વિના આગળ વધારવાનો સંદેશ આપ્યો. ધરપકડ દરમિયાન તેઓએ જાહેરલેણ કર્યું કે, જેલ જવું પડે તો પણ લડત ચાલુ રહેશે અને કડદા પ્રથા બંધ કરવા માટે ગાંધીચિંધા માર્ગ અપનાવશે.
આ મામલે ધરપકડ કરાતા પહેલા રાજુભાઈ કરપડાએ કહ્યું હતું કે, “જેલમાં જઈએ તો પણ આ આંદોલન અટકશે નહીં. હવે ખેડૂતોની જવાબદારી છે કે આ લડતને દરેક ઘર સુધી પહોંચાડે. આ માત્ર અમારી નહીં, પણ આખા ગુજરાતના ખેડૂત સમુદાયની લડાઈ છે.” તેઓએ ઉમેર્યું કે, જેલમાંથી બહાર આવ્યા પછી પણ આંદોલનને ગતિ આપવાનું ચાલુ રહેશે.બીજી તરફ, પ્રવીણ રામે કહ્યું, “અમે જેલ જઈએ તો તમે લડાઈ છોડશો નહીં. અમે અનશન પર બેસવા તૈયાર છીએ, પરંતુ પોલીસ અનુમતિ નહીં આપે તે જાણી જોઈએ. છતાં મનોબળ તૂટશે નહીં.” તેઓએ રાજુ કરપડાની આગેવાનીની પ્રશંસા કરતા કહ્યું, “રાજુભાઈના નેતૃત્વમાં સાચી ખેડૂત ક્રાંતિ ઊભી થઈ છે. જેલ જવું તો શું, અમે ગોળીઓ ખાવા માટે પણ તૈયાર છીએ – ખેડૂત હિતમાં કોઈ પગલું પાછું નહીં ખેંચીએ.”
આ ધરપકડથી AAPનું આંદોલન વધુ તીવ્ર બન્યું છે, અને ખેડૂત સમુદાયમાં ગુસ્સો વધ્યો છે. પાર્ટીએ જણાવ્યું કે, આ લડત ગાંધીયુગીય અહિંસા પર આધારિત રહેશે, પરંતુ કડદા પ્રથા બંધ થાય ત્યાં સુધી ચાલુ રહેશે.
આ પણ વાંચો:
Rajkot: ભાજપના બેનરમાં PM મોદીના મોઢા ઉપર કાળો કૂચડો ફેરવી દેવાતા ચકચાર,તાત્કાલિક બેનર હઠાવાયુ!
Narmada: ગુજરાત પેટર્ન યોજનામાં કરોડોનું કૌભાંડ, ધારાસભ્ય ચૈતર વસાવાએ કોના પર કર્યા આરોપ?
Ahmedabad: સેશન્સ કોર્ટના જજ પર બેવાર જુતું ફેંકાયું, શું છે કારણ?
Passport: વિશ્વના ટોપ 10 દેશોના શક્તિશાળી પાસપોર્ટ યાદીમાંથી US બહાર ફેંકાયું, સિંગાપુરે મારી બાજી
