UP: મિર્ઝાપુરમાં દુ:ખદ ટ્રેન દુર્ઘટના, ટ્રેનની ટક્કરે 8 શ્રદ્ધાળુઓના મોત, પૂર્ણિમાએ ગંગા ઘાટ પર સ્નાન કરવા જતા હતા

UP Train Accident: ઉત્તર પ્રદેશના મિર્ઝાપુર જિલ્લાના ચુનાર રેલવે સ્ટેશન પર આજે સવારે 9:30 વાગ્યે એક મોટી દુ:ખદ ટ્રેન દુર્ઘટના બની છે. કાર્તિક પૂર્ણિમા નિમિત્તે ગંગા ઘાટ પર પહોંચવા માટે રેલવે લાઈન પાર કરી રહેલા 8 યાત્રાળુઓ કાલકા એક્સપ્રેસની અડફેટે આવી ગયા હોવાના અહેવાલ છે.

The incident happened at the Chunar Railway Station at nearly 9.30 am today.
Train number 13309 (Chopan – Praygraj Express) arrived at Chunar Railway Station’s platform 4. Some passengers got down wrong side and attempted to trespass from main line.
Train no 12311 (Netaji… https://t.co/dhdsRZlJrJ pic.twitter.com/UNAyQ490uM
— Vani Mehrotra (@vani_mehrotra) November 5, 2025

આજે બુધવારે સવારે 9:30 વાગ્યે ઉત્તર પ્રદેશના મિર્ઝાપુર જિલ્લાના ચુનાર રેલવે સ્ટેશન પર એક દુ:ખદ ઘટના બની. રેલવે લાઇન ક્રોસ કરી રહેલા ઘણા લોકો ઝડપથી આવતી કાલકા એક્સપ્રેસ ટ્રેનની ચપેટમાં આવી ગયા. અકસ્માતના સમાચાર મળતાં જ સ્થાનિક વહીવટીતંત્ર અને અધિકારીઓ ચોંકી ગયા હતા.

કાર્તિક પૂર્ણિમાના પવિત્ર પ્રસંગે શ્રદ્ધાળુઓ સ્નાન કરવા માટે ચુનાર ગંગા ઘાટ તરફ જવા રેલવે લાઈન પાર કરી રહ્યા હતા ત્યારે આ અકસ્માત થયો. આ રસ્તો ગંગા ઘાટ તરફ જતો હોવાથી સવારે ત્યાં શ્રદ્ધાળુઓની મોટી ભીડ હતી. જ્યારે તેઓ લાઈન પાર કરી રહ્યા હતા, ત્યારે કાલકા એક્સપ્રેસ ત્યાંથી પસાર થઈ અને ઘણા લોકોને ટક્કર મારી દીધી. અકસ્માતને કારણે ઘટનાસ્થળે વ્યાપક ગભરાટ અને અરાજકતા ફેલાઈ ગઈ હતી. સ્થાનિક રહેવાસીઓ અને રેલ્વે પોલીસે બચાવ અને રાહત કાર્ય શરૂ કર્યું હતું.

CM યોગીએનોંધ લીધી

અકસ્માત બાદ સ્થાનિક વહીવટીતંત્રે લોકોને પાટા નજીક ન જવાની અપીલ કરી છે. મુખ્યમંત્રી યોગી આદિત્યનાથે અકસ્માતની નોંધ લીધી છે. તેમણે ઉચ્ચ અધિકારીઓને રાહત અને બચાવ કામગીરી ઝડપી બનાવવાના નિર્દેશ પણ આપ્યા છે. મુખ્યમંત્રી યોગીએ મૃતકોના શોકગ્રસ્ત પરિવારો પ્રત્યે સંવેદના વ્યક્ત કરી છે અને ઘાયલોને યોગ્ય સારવાર આપવાનો નિર્દેશ આપ્યો છે. તેમણે ઘાયલોને ઝડપથી સ્વસ્થ થવાની કામના કરી છે.