US-China Trade War: સાઉથ કોરિયામાં ડોનાલ્ડ ટ્રમ્પ અને શી જિપનિંગ વચ્ચે થયેલી બેઠકનો સકારાત્મક પ્રભાવ પડી રહ્યો છે અને યુએસ-ચીન વચ્ચે ચાલુ રહેલી ટ્રેડવોરનો અંત આવવાના સંકેતો જોવા મળી રહયા છે. અમેરિકાએ ટેરિફમાં 10% ઘટાડો કર્યા બાદ ચીને હવે અમેરિકા પરનો 24% ટેરીફ હઠાવી દીધો છે. ડોનાલ્ડ ટ્રમ્પ અને શી જિનપિંગ વચ્ચેની બેઠકની નોંધપાત્ર અસર હવે જોવા મળી રહી છે અને યુએસ-ચીન ટ્રેડવોર લગભગ ખતમ થવા તરફ જઈ રહ્યું છે.
ચીને બુધવારે એક મહત્વપૂર્ણ જાહેરાત કરતા જણાવ્યુ હતું કે તેણે ચીનમાં પ્રવેશતા તમામ યુએસ માલ પર 24% ટેરિફ એક વર્ષ માટે ઘટાડી દીધો છે. જોકે, 10% ટેરિફ યથાવત રહેશે. ચીનનો આ નિર્ણય વિશ્વની બે સૌથી મોટી અર્થવ્યવસ્થાઓ વચ્ચેના વેપાર તણાવમાં ઘટાડો દર્શાવે છે.
કૃષિ ઉત્પાદનોમાંથી પણ ટેરિફ દૂર કરવામાં આવશે
ચીનના સ્ટેટ કાઉન્સિલ ટેરિફ કમિશન દ્વારા જારી કરાયેલા એક નિવેદનમાં, જ્યારે 24% ટેરિફને એક વર્ષ માટે મુલતવી રાખવાનો અને તેને તાત્કાલિક લાગુ કરવાનો નિર્ણય લેવામાં આવ્યો હતો, ત્યારે એવી પણ જાહેરાત કરવામાં આવી હતી કે વિશ્વનો સૌથી મોટો કૃષિ આયાતકાર ચીન 10 નવેમ્બરથી યુએસ કૃષિ ઉત્પાદનો પરનો 15% ટેરિફ પણ ઘટાડશે
કૃષિ ઉત્પાદનો પરના ટેરિફ સંપૂર્ણપણે દૂર કરવાના આ નિર્ણયથી સોયાબીન, મકાઈ અને ઘઉંના અમેરિકન નિકાસકારોને નોંધપાત્ર રાહત મળશે. ખાસ કરીને સોયાબીન ખેડૂતો, જેમના માટે ચીન હંમેશા સૌથી મોટું બજાર રહ્યું છે. બંને દેશો વચ્ચે ટેરિફ તણાવ વચ્ચે લાદવામાં આવેલા પ્રતિબંધોને કારણે તેમને આશરે $12 બિલિયનનું મોટું નુકસાન થયું હતું, અને સોયાબીન ટ્રમ્પ માટે એક મોટી ચિંતા હોવાનું જણાયું હતું.
ગયા અઠવાડિયે, ટ્રમ્પ અને જિનપિંગે વ્યાપક આર્થિક અને વેપાર કરારો પર ચર્ચા કરી હતી. બંને રાષ્ટ્રપતિઓ વચ્ચે બે કલાકની બંધ બારણે થયેલી ચર્ચા બાદ, અમેરિકાએ ચીન પરના ટેરિફમાં 10% ઘટાડો કરવાની જાહેરાત કરી. ટ્રમ્પે એમ પણ કહ્યું કે સોયાબીનથી લઈને રેર અર્થ ખનીજો સુધીની દરેક બાબતમાં ચીન સાથે કરાર થયા છે.
દક્ષિણ કોરિયાના બુસાનમાં થયેલી બેઠકને નોંધપાત્ર ગણાવતા, ડોનાલ્ડ ટ્રમ્પે કહ્યું કે તે બંને દેશો વચ્ચેના સંબંધો માટે એક નવી શરૂઆત છે. તેમણે જિનપિંગ સાથેની તેમની ચર્ચા દરમિયાન લેવામાં આવેલા નિર્ણયોની વિગતવાર માહિતી આપતા કહ્યું કે ઘણા નિર્ણયો લેવામાં આવ્યા છે અને ઘણા મહત્વપૂર્ણ મુદ્દાઓ પરના નિષ્કર્ષ ટૂંક સમયમાં જાહેર કરવામાં આવશે. આ પછી, ચીને હવે અમેરિકા પરના ટેરિફ હટાવી દીધા છે.
આ પણ વાંચો:
Chin- America: ટ્રમ્પ અને જિનપિંગ 6 વર્ષ બાદ મળ્યા, અમેરિકાએ ચીન પરનો તાત્કાલિક ટેરિફ 10 ટકા ઘટાડ્યો
દિવ્ય ભાસ્કરના ડિજિટલ હેડ મનીષ મહેતા નીચે રેલો?, દીર્ઘાયુ વ્યાસે વટાણા વેરી દીધા? | Dirghayu Vyas
Vote Scam: વોટ ચોરી મામલે ગોલી માર ઠાકુર બાદ “ઉર્જાવીર” ભંડારીએ ભાજપને ભેખડે ભેરવ્યું
