Bihar: ડેપ્યુટી CM અને BJP ઉમેદવાર વિજયકુમાર સિંહા સામે ચપ્પલો ફેંકાયા, લોકો ઉશ્કેરાતા ભાગવું પડ્યું!

Bihar: બિહાર વિધાનસભા ચૂંટણી 2025ના પ્રથમ તબક્કાના મતદાન દરમિયાન આજે લખીસરાયમાં રાષ્ટ્રીય જનતા દળના સમર્થકોએ રાજ્યના નાયબ મુખ્યમંત્રી અને ભાજપના ઉમેદવાર વિજય કુમાર સિંહાના વાહનને ઘેરી લીધું હતું. સમર્થકોએ “મોતની સજા” ના નારા લગાવ્યા અને તેમની ગાડી પર ચપ્પલ ફેંક્યા. લોકોનો ગુસ્સો ફાટી નીકળતાં તેમને ભાગવું પડ્યું હતુ.

વિજય કુમાર સિંહા તેમના મત વિસ્તારમાં મતદાન મથકોનું નિરીક્ષણ કરવા ગયા ત્યારે આ ઘટના બની છે. તેમનો કાફલો મુખ્ય બજાર વિસ્તારમાંથી પસાર થઈ રહ્યો હતો. ત્યારે અચાનક કેટલાક યુવાનોએ સૂત્રોચ્ચાર કરવાનું શરૂ કરી દીધું હતું, જેના કારણે હાજર ભીડમાં હોબાળો મચી ગયો હતો. પોલીસ અને સુરક્ષા કર્મચારીઓએ તાત્કાલિક ભીડને પાછળ ધકેલી દીધી અને નાયબ મુખ્યમંત્રીના કાફલાને સુરક્ષિત રીતે લઈ ગયા. પોલીસ અધિકારીઓએ જણાવ્યું કે તપાસ શરૂ કરવામાં આવી છે અને સંડોવાયેલા વ્યક્તિઓની ઓળખ કરવામાં આવી રહી છે.

આરજેડીના ગુંડાઓએ મારા કાફલા પર હુમલો કર્યો: વિજય સિંહા

लखीसराय: उपमुख्यमंत्री विजय कुमार सिन्हा के काफिले पर हमला: उन्होंने कहा, “पहले मुझे धमकाया गया था। मैंने एसपी से मामले की जांच कराने को कहा, लेकिन मुझे वापस जाने की सलाह दी गई। जब मैं लौट रहा था, तो गुंडों ने मेरी गाड़ी को घेर लिया और उस पर पत्थर व चप्पल फेंके। लखीसराय में इस… pic.twitter.com/vUFxg3UOHR
— FirstBiharJharkhand (@firstbiharnews) November 6, 2025

વિજય કુમાર સિંહાએ તેમના કાફલા પર પથ્થરમારા અંગે ફોન પર એસપી સાથે વાત કરી અને કહ્યું, “હું ગામમાં છું. ભીડ વધી રહી છે. અહીં ખાસ દળો મોકલો. હું અહીં ધરણા પર બેસીશ. SP ખૂબ નબળા છે અને અહીં ગુંડા આવી પહોંચ્યા છે. તેઓ નાયબ મુખ્યમંત્રીને અંદર આવવા દેતા નથી. તેઓએ પથ્થર અને ગાયનું છાણ ફેંક્યું છે.” તેમણે ઉમેર્યું, “આ આરજેડીના ગુંડાઓ છે. તેમની ગુંડાગીરી જુઓ, જ્યારે તેઓ સત્તામાં આવ્યા નથી ત્યારે પણ. તેઓએ મારા પોલિંગ એજન્ટને ધમકી આપી અને સવારે 6:30 વાગ્યે તેને ભગાડી દીધો. તેઓ મતદારોને બહાર આવવા દેતા નથી.”

બિહારમાં પહેલા તબક્કાનું મતદાન

બિહાર વિધાનસભા ચૂંટણીના પ્રથમ તબક્કામાં આજે મતદાન થઈ રહ્યું છે, જેમાં 18 જિલ્લાઓની 121 વિધાનસભા બેઠકોનો સમાવેશ થાય છે. સવારથી જ મતદાન મથકો પર મતદારોની લાંબી કતારો જોવા મળી રહી છે. આ તબક્કામાં રાઘોપુર (તેજશ્વી યાદવ), મહુઆ (તેજ પ્રતાપ યાદવ), તારાપુર (નાયબ મુખ્યમંત્રી સમ્રાટ ચૌધરી) અને લખીસરાય (વિજય કુમાર સિંહા) સહિત અનેક હાઇ-પ્રોફાઇલ બેઠકોનો સમાવેશ થાય છે.