Bihar Election: ‘તમારો વોટ પડી ગયો છે’, બિહારમાં મતદાન કર્યા વગર મતદારોને બહાર કાઢ્યા

Bihar Election: બિહારમાં ચાલુ મતદાને વોટ ચોરીનું કૌભાંડ પકડાઈ રહ્યું છે. ઘણા મતદારોએ આરોપ લગાવ્યા છે કે અમને મતદાન મથકેથી તમારો મત પડી ગયો હોવાનું કહી મતદાન કરવા દીધું નથી. અધિકારીઓ અને પોલીસ મનમાની કરી રહી હોવાના ગંભીર આક્ષેપ લગાવ્યા છે.

साहेबगंज-98 विधानसभा, जिला- मुजफ्फरपुर
बूथ संख्या- 147
वोटर जब पहुँच रहे हैं तो कहा जा रहा है कि तुम्हारा वोट गिर गया है!
ये लोकतंत्र का कैसा मज़ाक बनाया जा रहा है?
अविलंब @ECISVEEP @CEOBihar संज्ञान लेकर त्वरित कारवाई करें।
संविधान का ऐसा भद्दा मज़ाक नहीं बनाया जाए।… pic.twitter.com/QyD8E4li8a
— Rashtriya Janata Dal (@RJDforIndia) November 6, 2025

સરકાર અને ચૂંટણી પંચની પોલ ખૂલ્યા બાદ પણ સુધર્યું નથી. બિહારમાં આજે(6 નવેમ્બર) પ્રથમ તબ્બકાનું મતદાન થઈ રહ્યું છે. ત્યારે કેટલાક મતદારોએ મતદાન કરવા દેવામાં આવ્યું નથી. આવા આરોપ બિહારના મુઝફ્ફર જીલ્લાની આવેલી સાહેબગંજ-98 વિધાનસભામાં લાગ્યા છે. કેટલાક મતદારોએ કહ્યું અમે મતદાન કરવા પહોંચ્યા હતા. જો કે ત્યાંના અધિકારીઓ અને પોલીસ દ્વારા તમારું મતદાન થઈ ગયું હોવાનું કહીને મતદાન કરવા દીધું ન હતુ. જેથી લોકશાહી પર તરાપ મારતી સરકાર નજરે પડી રહી છે. બિહારમાં વોટ સ્કેમનું મોટું કૌભાંડ બહાર આવ્યા બાદ પણ સરકાર અને ચૂંટણી પંચ વોટ કૌભાંડ આચરતાં ખચકાઈ રહ્યું નથી. આ ઘટનાથી સાબિત થયું છે. લોકોએ કહ્યું કે આ માત્ર લોકશાહીની મજાક બનાવી છે. આ ઘટના બાદ જવાબદારો સામે કાર્યવાહીની માંગ ઉઠી છે.

નોંધનીય છે બિહાર, હરિયાણામાંથી વોટ કૌભાંડ ખુલ્લુ પડ્યા બાદ મોદી સરકાર અને ચૂંટણી પંચ ભીંસમાં છે. અનેક રાજ્યોમાં મતદારયાાદીમાં ચેડાં થયા છે. કોંગ્રેસ નેતા રાહુલ ગાંધીએ ગઈકાલે જ હરિયાણામાં 25 લાખ મત ચોરાયા હોવાનો ઘટસ્ફોટ કર્યો હતો. મતદારયાદીમાં વિદેશી મહિલા હોવાનું પણ સામે આવ્યું હતુ. ત્યારે સરકાર અને ચૂંટણી પંચ લોકશાહી સાથે ખિલવાડ કરી રહ્યું છે. જેનું પરિણામ મતદારોને ભોગવવાનો વારો આવ્યો છે. લોકો અને કોંગ્રેસે આક્ષેપ કર્યા છે કે આ ચૂંટણીમાં ગરબડ થવાની છે.