BIHAR ELECTION | બિહારમાં ચૂંટણી અગાઉ વિવાદોમાં ઘેરાયેલી મોકામા વિધાનસભા બેઠક પર બે બાહુબલી વચ્ચે ટક્કર સામે સૌની નજર હતી તે બેઠક ઉપર આખરે અનંત સિંહે જીત મેળવી છે, જ્યારે તેમના હરીફ ઉમેદવાર વીણા દેવીનો પરાજય થયો છે.
મહત્વનું છે કે વીણા દેવી ભૂતપૂર્વ સાંસદ અને મજબૂત ઉમેદવાર સૂરજ ભાન સિંહના પત્ની છે, જેમને આરજેડી ટિકિટ મળી હતી. આ બેઠક માટે 25 રાઉન્ડમાં મતગણતરી થઈ હતી. અનંત સિંહ 29,710 મતોથી જીત્યા હતા. અનંત સિંહે મોકામાથી જીતનો રેકોર્ડ બનાવ્યો છે,તેઓએ આ બેઠક ઉપર છઠ્ઠી વખત પ્રચંડ જીત મેળવી છે.
આ વખતે, મોકામા વિધાનસભા બેઠક ચર્ચામાં એટલા માટે હતી કારણ કે અહીં ત્રિકોણીય જંગ હતો અને પાંચ વખત ધારાસભ્ય રહેલા અનંત સિંહનો મુકાબલો આરજેડીના મજબૂત નેતા સૂરજ ભાન સિંહની પત્ની વીણા દેવી અને જન સૂરજ પાર્ટીના પીયૂષ પ્રિયદર્શી સામે હતો પરિણામે આ બેઠક ઉપર તમામનું ધ્યાન હતું.
અત્રે ઉલ્લેખનીય છે કે ચૂંટણી પ્રચાર દરમિયાન પીયૂષ અને અનંત સિંહનો કાફલો એકબીજાની સામે આવતાં વિવાદ થયો અને સામસામે પથ્થરમારો અને ગોળીબાર થયો હતો. પરિણામે જન સૂરજના સમર્થક દુલાર ચંદ યાદવનું મોત થતાં ભારે ખળભળાટ મચ્યો હતો
આ મર્ડર કેસમાં FIR દાખલ થયા બાદ, અનંત સિંહને ન્યાયિક કસ્ટડીમાં જેલમાં મોકલી દેવામાં આવ્યા અને તે હજુ પણ જેલમાં બંધ છે તો પણ મોકામામાં અનંત સિંહ જીતી ગયા છે.
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
