Year Ender 2025: IPL 2025ની હરાજી બાદ તમામ ટીમોએ અંતિમ રૂપ આપી દીધું છે જોકે,લીગના પોસ્ટર બોય રહેલા ઘણા અગ્રણી ખેલાડીઓ હવે મેદાન પર જોવા મળશે નહીં.2025નું વર્ષ પૂરું થઈ રહ્યું છે, ત્યારે અમે એવા ખેલાડીઓની વાત કરી રહ્યા છીએ જેઓ ઇન્ડિયન પ્રીમિયર લીગ (IPL) ના મુખ્ય ચહેરા હતા પરંતુ આ વર્ષે તેઓની ગેર હાજરી સ્પષ્ટ દેખાઈ રહી છે.શિખર ધવન, દિનેશ કાર્તિક અને અમિત મિશ્રા એવા ખેલાડીઓમાં સામેલ છે જેઓ IPL ની શરૂઆતથી રમી રહ્યા છે.
■ અમિત મિશ્રા
અમિત મિશ્રાએ સપ્ટેમ્બર 2025 માં ક્રિકેટના તમામ સ્વરૂપોમાંથી નિવૃત્તિની જાહેરાત કરી. લેગ-સ્પિનર મિશ્રાના નામે ત્રણ હેટ્રિક લેવાનો રેકોર્ડ છે, જે તોડવાની શક્યતા ખૂબ જ ઓછી છે તેમણે IPLમાં ચાર ટીમો (DC, DC, LSG અને SRH) માટે 162 મેચોમાં 174 વિકેટ લીધી છે.
■ પીયૂષ ચાવલા
સ્પિનર પીયૂષ ચાવલા 2011 વર્લ્ડ કપ ટીમનો ભાગ હતો અને જૂન 2025 માં નિવૃત્તિ લીધી હતી. નિવૃત્તિ સમયે, તે IPL માં સંયુક્ત રીતે ત્રીજા ક્રમે સૌથી વધુ વિકેટ લેનાર બોલર હતો ચાવલાએ IPL માં ચાર ટીમો (CSK, KKR, KXIP અને MI) વતી રમી હતી, જેમાં 192 મેચોમાં 192 વિકેટ લીધી હતી.
■ શિખર ધવન
શિખર ધવન 2024 ના અંતમાં નિવૃત્ત થયા છે જેથી IPL 2025નો ભાગ ન બન્યા.શિખર ધવન IPL ઇતિહાસમાં ત્રીજા ક્રમનો સૌથી વધુ રન બનાવનાર ખેલાડી રહયા છે,તેમણે પાંચ ટીમો (DC, DC, MI, PBKS અને SRH) માટે 222 મેચોમાં 6,769 રન બનાવ્યા છે.
મહત્વનું છે કે રોહિત શર્મા 7,046 અને વિરાટ કોહલી 8,661 રન સાથે ધવનથી આગળ રહયા છે.
■ દિનેશ કાર્તિક
દિનેશ કાર્તિકે પણ જૂન 2024 માં નિવૃત્તિ લેતા 2025 એ પહેલું વર્ષ છે જ્યારે તે IPLમાં રમી રહયા નથી.તે હવે RCB ના બેટિંગ કોચ અને માર્ગદર્શક છે, 2008 થી 2024 સુધી દરેક સીઝન રમ્યા છે.કાર્તિકે IPLમાં છ ટીમો (DC, GL, KKR, KXIP, MI અને RCB) માટે રમી હતી, 257 મેચોમાં 4,842 રન બનાવ્યા હતા.
■ રિદ્ધિમાન સાહા
એક શાનદાર વિકેટકીપર, રિદ્ધિમાન સાહાએ 2022 માં ગુજરાત ટાઇટન્સને જીત અપાવવામાં મુખ્ય ભૂમિકા ભજવી હતી.
સાહા ફેબ્રુઆરી 2025 માં નિવૃત્ત થયા તેમણે પાંચ ટીમો (CSK, GT, KKR, KXIP, SRH) નું પ્રતિનિધિત્વ કરીને 170 IPL મેચોમાં 2,934 રન બનાવ્યા હતા.
■ કૃષ્ણપ્પા ગૌથમ
ઓફ-સ્પિન અને લાંબા છગ્ગા માટે જાણીતા કૃષ્ણપ્પા ગૌથમે ડિસેમ્બર 2025 માં ક્રિકેટના તમામ ક્ષેત્રે નિવૃત્તિની જાહેરાત કરી.તે 2021માં 9.25 કરોડ સાથે સૌથી મોંઘા અનકેપ્ડ ખેલાડી રહ્યા છે.આમ,પોસ્ટર બોય રહેલા અગ્રણી ખેલાડીઓ હવે IPLમાં મેદાન પર જોવા મળશે નહીં.
આ પણ વાંચો:
Bauxite mineral theft: ખેડાના અમૃતપુરા ગામે 62 હેક્ટર ગૌચરની જમીનમાંથી કોલસો ખોદાશે!
