Virat Kohli: વડોદરાના કોટામ્બી સ્ટેડિયમમાં રમાયેલી ભારત અને ન્યૂઝીલેન્ડ વચ્ચેની વનડે સીરિઝના પ્રથમ મુકાબલામાં ભારતે 4 વિકેટે જીત મેળવી હતી. 11 જાન્યુઆરી (રવિવાર)ના રોજ વડોદરા ખાતેના કોટામ્બી સ્ટેડિયમમાં રમાયેલી આ મેચ દરમિયાન ન્યુઝીલેન્ડે ભારતીય ટીમને જીતવા માટે 301 રનનો લક્ષ્યાંક આપ્યો હતો, જેને ભારતીય ટીમે 6 બોલ બાકી રહેતા હાંસલ કર્યો હતો, ભારતે આ જીત સાથે સીરિઝમાં 1-0ની સરસાઈ મેળવી છે.
ભારતીય ટીમની આ શાનદાર જીતમાં વિરાટ કોહલીનું પરફોર્મન્સ મહત્વનું રહ્યું હતું કોહલીએ 8 ચોગ્ગા અને એક છગ્ગો ફટકારી 91 બોલમાં 93 રનની શાનદાર ઇનિંગ રમી હતી. આ પ્રદર્શન માટે કોહલીને ‘પ્લેયર ઓફ ધ મેચ’ તરીકે ઉભરી આવ્યો હતો સાથેજ કોહલીએ વનડે મેચમાં 45મી વાર આ એવોર્ડ જીત્યો છે.
મેચ દરમિયાન રોહિત શર્મા (26 રન, 29 બૉલ, બે સિક્સર, ત્રણ ફોર) કર્યા બાદ તેની વિકેટ વહેલી પડ્યા બાદ વિરાટ કોહલી (93 રન, 91 બૉલ, એક સિક્સર, આઠ ફોર) અને કૅપ્ટન શુભમન ગિલ (56 રન, 71 બૉલ, બે સિક્સર, ત્રણ ફોર)ની જોડીએ બાજી સંભાળી લીધી હતીવિરાટે બીજી વિકેટ માટે ગિલ સાથે 118 રનની અને પછી વાઇસ-કૅપ્ટન શ્રેયસ ઐયર (49 રન, 47 બૉલ, એક સિક્સર, ચાર ફોર) સાથે 77 રનની ભાગીદારી કરી હતી.
કોહલી સાત રન માટે 54મી સેન્ચુરી ચૂકી ગયા પછી શ્રેયસ એક રન માટે હાફ સેન્ચુરીથી વંચિત રહ્યો હતો.જોકે, હર્ષિત રાણા (29 રન, 23 બૉલ, એક સિક્સર, બે ફોર)એ ટૂંકી, પણ આક્રમક ઇનિંગ્સ રમી ટીમને બળ પૂરું પાડ્યું હતું.અત્રે ઉલ્લેખનીય છે કે રવિવારે મેચ પહેલા વિરાટ કોહલી અને રોહિત શર્માનું વડોદરાના સ્ટેડિયમમાં સન્માન કરવામાં આવ્યું હતું અને એ સમયે આઈસીસી ચેરમેન જય શાહ સહિત ભારતીય ક્રિકેટના અનેક મહાનુભાવો હાજર હતા.આમ,ભારતની આ જીતથી ક્રિકેટ રસિયાઓ નાચી ઉઠ્યા હતા અને ફટાકડા ફોડી વિજય ઉત્સવ મનાવ્યો હતો.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
