Vadodara: વડોદરામાં જાહેરમાં ભરવાડના બે જૂથો વચ્ચે લાકડીઓ ઉછળી હતી અને છુટ્ટા હાથની મારામારી થઈ હતી જેનો લોકોએ વિડીયો બનાવી અપલોડ કરતા વિડીયો વાયરલ થઈ ગયો હતો.
વડોદરાના સોમાતળાવ બ્રિજ નજીક તરસાલી તરફ જતા રોડ પર જાહેરમાં મારામારી કરનારા ભરવાડ સમાજના લોકોનો આ વીડિયો વાયરલ થતાં મકારપુરા પોલીસે ફરિયાદી બની બન્ને પક્ષના છ ઈસમો સામે જાહેરમાં આતંક અને ભયનું વાતાવરણ ઉભું કરવા બદલ ગુનો નોંધી વધુ તપાસ હાથ ધરી છે.
ભરવાડ સમાજના સંબંધીઓ વચ્ચે થયેલા મનદુઃખને કારણે આ ઝગડો મારામારી સુધી પહોંચ્યો હોવાનું પોલીસ તપાસમાં ખુલ્યું છે.આ ઘટનામાં લાલા ભરવાડને ઇજા થતાં ખાનગી હોસ્પિટલમાં લઈ જવાયા હતા.
પોલીસે આ મામલે એક પક્ષના લાલા ભોપાભાઈ ભરવાડ જ્યારે બીજા પક્ષમાં (1) કવા વાહાભાઈ ભરવાડ (2) ભાથુ વાહાભાઈ ભરવાડ (3) દેહુર વાહાભાઈ ભરવાડ (4) રાકેશ કાળુભાઈ ભરવાડ અને (5) ભરત કાળુભાઈ ભરવાડ સામે કાર્યવાહી કરી છે.આ તમામ આરોપીઓ વડોદરાના દંતેશ્વર વિસ્તારમાં સંતોષવાડીના ભરવાડ વાસમાં રહેતા હોવાનું ખુલ્યું છે, પોલીસે તમામ વિરુદ્ધ પોલીસે જાહેરનામા ભંગનો ગુનો નોંધી બે પક્ષના કુલ છ ઈસમો સામે ગુનો નોંધી કાયદેસરની કાર્યવાહી હાથ ધરી છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
