Mumbai Election: મહારાષ્ટ્રમાં થયેલી ચૂંટણીઓના આખરે પરિણામો જાહેર થઈ ચૂક્યા છે જેમાં રાજ્ય ચૂંટણી કમિશનરના જણાવ્યા મુજબ,મહારાષ્ટ્રમાં કુલ 29 નગરપાલિકાઓની તમામ 2,869 બેઠકોના પરિણામો આવી ગયા છે જેમાં ભાજપે કુલ 1425 બેઠકો જીતી લીધી છે જ્યારે એકનાથ શિંદેની શિવસેનાને 399 મળી છે અને અજિત પવારની નેશનાલિસ્ટ કોંગ્રેસ પાર્ટીને (NCP)નો 167 બેઠકો પર વિજય થયો છે.
દેશ આખાની જેની ઉપર નજર હતી તેવા મુંબઈની બૃહમુંબઈ નગરપાલિકા (BMC)માં 227 વોર્ડના પરિણામો શુક્રવારે જ મોડી રાત્રે જાહેર થઈ ચૂક્યા હતા જેમાં ભાજપે 89, શિવસેનાએ 29, કોંગ્રેસે 24, શિવસેના (UBT)એ 65 અને MNSએ 6 બેઠકો જીતી છે જ્યારે AIMIMને 8, NCPને 3, સમાજવાદી પાર્ટીને 2 અને NCP (SP)ને માત્ર એકજ બેઠક મળી હતી આ ઉપરાંત નાગપુર, પુણે, થાણે, નવી મુંબઈ, પિંપરી ચિંચવડ અને નાસિકમાં પણ ભાજપ ગઠબંધનને જ જીત મળી હોવાનું જાહેર કરાયુ છે.
બૃહમુંબઈ મ્યુનિસિપલ કોર્પોરેશનની ચૂંટણીના જાહેર થયેલા પરિણામોમાં ભાજપ ગઠબંધને 227 બેઠકોમાંથી 118 બેઠકો ઉપર જીત હાંસલ કરી છે જે પૈકી ભાજપે એકલા હાથે 89 બેઠકો જીતી હતી, જ્યારે શિવસેના (શિંદે) એ 29 બેઠકો ઉપર કબ્જો જમાવ્યો છે આમ,બન્નેના ગઠબંધનમાં 118 બેઠક મળી છે.
આ બધા વચ્ચે એક ખાસ નોંધપાત્ર બાબત એ રહેશે કે મુંબઈને ચાર વર્ષ બાદ મેયર મળશે મહત્વનું છે કે છેલ્લે મેયર પદ સંભાળનાર શિવસેનાના કિશોરી પેડણેકર હતા જેઓ તા. 22 નવેમ્બર, 2019 થી 8 માર્ચ, 2022 સુધી મેયર રહયા હતા. બાદમાં શિવસેનામાં ભંગાણ પડ્યું હતું.
સાથેજ એ વાત પણ નોંધનીય છે કે નગર નિગમ ચૂંટણી છેલ્લે ફેબ્રુઆરી 2017 માં થઈ હતી જેમાં કાઉન્સિલરોનો પાંચ વર્ષનો કાર્યકાળ 7 માર્ચ, 2022 ના રોજ પૂરો થઈ ગયો હતો હવે 2026ના પરિણામો આવતા નવા મેયરની નિમણૂક સાથે આખું માળખું નક્કી થશે.
દરમિયાન મહારાષ્ટ્રની આ ચૂંટણી ઓ અંગે The Gujarat Reportના MD મયુર જાની સાથે મહારાષ્ટ્રના વિશ્લેષક સોહિત મિશ્રાએ પોતાનું મંતવ્ય રજૂ કરી સ્થાનિક રાજકારણ અંગે પ્રકાશ પાડ્યો હતો જે જોવાનું ચૂકશો નહિ ખૂબજ રસપ્રદ વિશ્લેષણ જોવા માટે નીચે આપેલો વિડીયો જુઓ પ્રસ્તુત છે વિડીયો
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
