● ટ્રમ્પની જાહેરાત બાદ રશિયાએ પોતાની પ્રતિક્રિયામાં કહ્યું કે,ભારતની તેલ રિફાઇનરીઓ ઈચ્છીને પણ અમારું તેલ બંધ કરશે નહિ કારણ કે અમારું તેલ તેઓ માટે અનુકૂળ છે અને અમેરિકાનું શેલ તેલ હલકી ગુણવત્તાનું છે જે ભારતની રિફાઇનરી માટે ટેકનિકલી માફક આવી શકે તેમ નથી,ભારતને રશિયા રોજના 15 થી 20 લાખ બેરલ તેલ નિકાસ કરે છે જે અમેરિકા માટે અસંભવ છે,છતાં ટ્રમ્પ દબાણ કરતા હોયતો ભારત કોઈપણ દેશ પાસેથી તેલ ખરીદવા સ્વતંત્ર છે.
Putin: ભારત-અમેરિકા વેપાર કરારમાં રશિયન તેલ અંગે ડોનાલ્ડ ટ્રમ્પના નિવેદન પર મોસ્કોએ કડક પ્રતિક્રિયા આપી છે. રશિયાના રાષ્ટ્રપતિ મહેલ ક્રેમલિનએ બુધવારે (4 ફેબ્રુઆરી, 2026) જણાવ્યું હતું કે ભારત કોઈપણ દેશ પાસેથી ક્રૂડ તેલ ખરીદવા માટે સંપૂર્ણપણે સ્વતંત્ર છે.
એક પ્રશ્નના જવાબમાં, ક્રેમલિનના પ્રવક્તા દિમિત્રી પેસ્કોવે કહ્યું, “અમે અને અન્ય આંતરરાષ્ટ્રીય ઉર્જા નિષ્ણાતો સારી રીતે જાણે છે કે રશિયા ભારતને તેલ અને પેટ્રોલિયમ ઉત્પાદનો સપ્લાય કરતો એકમાત્ર દેશ નથી, ભારતે હંમેશા અન્ય દેશોમાંથી પણ આ ઉત્પાદનો પહેલેથી ખરીદે જ છે, તેથી એવું કહી ન શકાય કે તે માત્ર રશિયા પાસથી જ ઉર્જા ખરીદે છે.
યુએસ રાષ્ટ્રપતિ ડોનાલ્ડ ટ્રમ્પે દુનિયા સમક્ષ દાવો કર્યો છે કે “હવે ભારત રશિયા પાસેથી તેલ નહિ ખરીદે”
આ અંગે જ્યારે દિમિત્રી પેસ્કોવને પૂછવામાં આવ્યું કે વડા પ્રધાન નરેન્દ્ર મોદી રશિયન તેલ ખરીદવાનું બંધ કરવા અને સંભવિત રીતે અમેરિકા તેમજ વેનેઝુએલા પાસેથી ક્રૂડ તેલ ખરીદવા માટે સંમત થયા છે. તે વે સમયે પેસ્કોવે સ્પષ્ટતા કરી હતી કે રશિયાને ભારત રશિયન તેલની ખરીદી બંધ કરવા અંગે કોઈ ચિંતા નથી.
■”રશિયન તેલને અમેરિકન તેલથી બદલવું શક્ય નથી.”
રશિયાના રાષ્ટ્રીય ઉર્જા સુરક્ષા ભંડોળના અગ્રણી નિષ્ણાત ઇગોર યુશકોવે જણાવ્યું હતું કે ભારતીય તેલ રિફાઇનરીઓ ઈચ્છીને પણ રશિયન ક્રૂડ તેલની આયાત સંપૂર્ણપણે બંધ કરી શકતી નથી આ માટે તેઓએ કેટલાક ટેકનિકલ કારણો ટાંકીને કહ્યું, “યુએસ દ્વારા નિકાસ કરાયેલ શેલ તેલ હળવા શ્રેણીનું છે. તેનાથી વિપરીત, રશિયા ભારે અને સલ્ફરથી ભરપૂર યુરલ્સ તેલ પૂરું પાડે છે. ભારતીય તેલ રિફાઇનરીઓની રચના અનુસાર, તેમને અમેરિકન તેલને અન્ય શ્રેણીઓ સાથે ભેળવવું પડશે, જેના કારણે વધારાનો ખર્ચ થશે. તેથી, રશિયન તેલને અમેરિકન તેલથી સંપૂર્ણપણે બદલવું શક્ય બનશે નહીં.”
■યુએસ ભારતના તેલ પુરવઠાની ભરપાઈ કરી શકશે નહીં.”
યુશકોવે કહ્યું, રશિયા સામાન્ય રીતે દરરોજ 1.5 થી 2 મિલિયન બેરલ તેલ ભારતમાં નિકાસ કરે છે. યુએસ આ જથ્થાની ભરપાઈ કરવામાં અસમર્થ છે. એવું લાગે છે કે ટ્રમ્પ ફક્ત એવું બતાવવાનો પ્રયાસ કરી રહ્યા છે કે તેમણે વેપાર વાટાઘાટો જીતી લીધી છે અને કરાર સંપૂર્ણપણે અમેરિકન માંગણીઓ સાથે સુસંગત છે,પરંતુ તે શક્ય બનશે નહિ.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
