■વિશ્વનું ધ્યાન ભટકાવી ચીન ભારત ઉપર હુમલાની યોજના બનાવી રહ્યું હોવાનો યુએસ ગુપ્તચર અધિકારીનો દાવો;ચીન દગો કરવા જાણીતું છે તેના પર ભરોસો નહિ કરવા અને એલર્ટ રહેવા સલાહ
Donald Trump: હાલમાં ચીન ગમેત્યારે તાઇવાન પર હુમલો કરવાની વાતો ભલે થતી હોય પણ વાસ્તવમાં ચીન તાઇવાન નહિ પણ અન્ય કોઈ દેશ ઉપર હુમલો કરવાની યોજના બનાવી રહ્યું છે તેમાંય ખાસ કરીને તે ગમેત્યારે ભારતને અંધારામાં રાખી અચાનક હુમલો કરી શકે છે.
ભૂતપૂર્વ યુએસ મરીન ગુપ્તચર અધિકારી ગ્રાન્ટ ન્યૂઝહામે ભારત વિશે એક ચોંકાવનારી ચેતવણી આપી છે, ગ્રાન્ટ ન્યૂઝહામે કહ્યુ કે તાઇવાન તરફ વિશ્વનું ધ્યાન ભટકાવી ચીન ભારત પર હુમલો કરી શકે છે,તેમણે ભારતને ચીનના બદ ઇરાદાઓથી સતર્ક રહેવા અને ચીન ઉપર વિશ્વાસ ન કરવા સલાહ આપી છે.
ચીન 2049 સુધીમાં પોતાને વૈશ્વિક મહાસત્તા તરીકે સ્થાપિત કરવા માંગે છે. તાઇવાન ફક્ત એક ‘બાહ્ય દેખાવ’ બની શકે છે. ન્યૂઝહામે કહ્યું, ” જ્યારે બધાનું ધ્યાન તાઇવાન પર કેન્દ્રિત હોય, ત્યારે અન્ય સંભવિત લક્ષ્યો પર પણ નજર રાખવી પણ ખૂબજ અનિવાર્ય છે”
ચીનની સમગ્ર વ્યવસ્થા, તેની પીઆર (જાહેર સંબંધો) વ્યૂહરચના, સંપૂર્ણપણે ‘દગા’ પર આધારિત છે. તાઇવાનના નામે વિશ્વનું ધ્યાન ભટકાવી ચીન ભારત, દક્ષિણ કોરિયા, દક્ષિણ જાપાન અથવા ફિલિપાઇન્સ જેવા ક્ષેત્રોમાં તેની લશ્કરી તાકાતનું પ્રદર્શન કરી શકે છે,જેમાં ભારત ચીનની યાદીમાં સૌથી ટોચ પર છે જ્યાં તે આશ્ચર્યજનક રીતે અચાનક લશ્કરી કાર્યવાહી કરી શકે છે.
જેથી ભારતને ચીનથી એલર્ટ રહેવા સલાહ આપી છે.
■ ગલવાનનું ઉદાહરણ,ચીની સૈન્યની તૈયારી
ઘણીવાર એવી દલીલ કરવામાં આવે છે કે ચીની સૈન્ય (PLA) દાયકાઓમાં કોઈ મોટું યુદ્ધ લડ્યું નથી અને ‘અનસ્ટેસ્ટેડ’ છે. જે વાત સામે ન્યૂઝહામે લદ્દાખમાં ગલવાનનું ઉદાહરણ ટાંકીને આ વાતને નકારી કાઢતા તેમણે કહ્યું કે ચીની સૈનિકો ભારતીય સૈન્ય સાથે હિંસક સામ-સામે અથડામણમાં સામેલ થયા હતા, જેમાં ચીનને ભારે નુકસાન થયું હતું. તેમણે સ્પષ્ટતા કરી કે જ્યારે ચીન ‘શાંતિ ‘ વિશે વાત કરે છે પણ હકીકતમાં સતત કઠોર તાલીમ લઈ રહ્યા છે.
સાથેજ ભારત અને અમેરિકાએ વેપાર કરાર પર વાટાઘાટો પૂર્ણ કરવાની જાહેરાત કર્યાના એક દિવસ પછી, ન્યૂઝહામે ભારતમાં અમેરિકાના રાજદૂત સર્જિયો ગોરની મહત્વપૂર્ણ ભૂમિકા પર પણ પ્રકાશ પાડ્યો હતો, તેમણે કહ્યું કે ગોર રાષ્ટ્રપતિ ટ્રમ્પના ખૂબ નજીક રહ્યા છે અને રાજદૂત તરીકે તેમની નિમણૂક ભારત-અમેરિકાના સારાં સંબંધો માટે એક મોટો સંકેત છે, તેઓએ ચીન ભારતને અંધારામાં રાખી ગમેત્યારે હુમલો કરી શકે છે તે વાત કરી સૌને ચોંકાવી દીધા છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
