Iran War Update: અમેરિકા અને ઈઝરાયેલે ઈરાન ઉપર કરેલા હુમલા બાદ ઈરાને બન્ને મોરચે લડવાનું ચાલુ રાખ્યું છે અને ઈરાને પર્સિયન ગલ્ફ અને અરબી સમુદ્ર વચ્ચે આવેલી હોર્મુઝ સ્ટ્રેટ એટલે કે હોર્મુઝની ખાડી દુનિયાના સૌથી મહત્ત્વપૂર્ણ દરિયાઈ માર્ગ બંધ કરી દુનિયાભરમાં જતા ક્રૂડ-ગેસની સપ્લાય ચેઇન ખોરવી નાખતા ટ્રમ્પ ઢીલા પડી ગયા છે તેઓએ આ માર્ગ ખોલવા ઘણી કોશિશ કરી પણ વ્યર્થ રહી છે ત્યારે ઇરાને ઈઝરાયેલ અને અમેરિકાના સૈન્ય ઠેકાણાં ઉપર હુમલા ચાલુ રાખતા આ યુદ્ધ લાંબુ ચાલતા ટ્રમ્પની આ યુદ્ધ જલ્દી સમાપ્ત થવાની મુરાદ ઉપર પાણી ફરી વળ્યું છે બીજી તરફ ઈરાને દાવો કર્યો છે કે રશિયા અને ચીન તરફથી ઈરાનને સક્રિય લશ્કરી સહાય (Military Support) મળી રહી છે પરિણામે જંગ હવે અમારી શરતોને આધીન પૂરો થશે.
ઈરાની વિદેશ મંત્રી અબ્બાસ અરાઘચીએ રશિયા અને ચીન બન્ને દેશોને પોતાના ‘વ્યૂહાત્મક ભાગીદાર’ ગણાવતા કહ્યું કે આ સંઘર્ષમાં સૈન્ય સ્તરે તેઓનો સહયોગ પ્રાપ્ત થઈ રહ્યો છે. અરાઘચીએ એક મહત્વના ઈન્ટરવ્યુમાં આ ખુલાસો કર્યો હતો. તેમણે કહ્યું, “ચીન અને રશિયા ઈરાનના વ્યૂહાત્મક ભાગીદારો છે અને તેઓ આ સંઘર્ષમાં સહયોગ આપી રહ્યા છે. જેમાં સૈન્ય સહયોગ પણ સામેલ છે. હું આ અંગે વધુ વિગતો આપી શકતો નથી, પરંતુ રાજકીય, આર્થિક અને સૈન્ય સ્તરે અમારો સહયોગ ઘણો મજબૂત છે.”
અરાઘચીએ એવો પણ ચોંકાવનારો આક્ષેપ કર્યો છે કે અમેરિકાએ ઈરાનના ‘શાહિદ’ ડ્રોન જેવું જ ‘લુકાસ’ નામનું નવું ડ્રોન બનાવ્યું છે, જેનો ઉપયોગ આરબ દેશોને નિશાન બનાવવા માટે કરવામાં આવી રહ્યો છે. તેમણે ચેતવણી આપી કે જો ઈરાનની ઓઈલ ફેસિલિટીઝ પર હુમલો થશે, તો ઈરાન આ ક્ષેત્રમાં સક્રિય અમેરિકી કંપનીઓ પર સીધો હુમલો કરશે.
અરાઘચીએ હાલમાં કોઈ પણ પ્રકારની શાંતિ મંત્રણાની શક્યતાને નકારી કાઢી છે. તેમણે સ્પષ્ટ કર્યું કે યુદ્ધનો અંત ત્યારે જ આવી શકે જ્યારે ફરીથી ઈરાન ઉપડ હુમલા નહીં થાય તેની ફૂલ ગેરેંટી આપવામાં આવે. આ સાથે જ ઈરાને હુમલામાં થયેલા નુકસાન માટે વળતરની પણ માંગ કરી છે અને શરતોને આધીન યુદ્ધ વિરામ થશે અન્યથા યુદ્ધ ચાલુ જ રહેશે આમ,ઈરાન હવે ઈચ્છે તોજ યુદ્ધ બંધ થઈ શકે તેવી ઉલટી સ્થિતિનું હવે નિર્માણ થયું છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
