Election Fund: ગુજરાતમાંથી ભારતીય જનતા પાર્ટી (BJP) ને વર્ષ 2024-25 દરમિયાન ₹308.38 કરોડનું દાન પ્રાપ્ત થયું છે, એસોસિયેશન ફોર ડેમોક્રેટિક રિફોર્મ્સ (ADR) ના અહેવાલ મુજબ, આ આંકડો રાજ્યમાંથી મળેલા કુલ રાજકીય દાનના લગભગ 99.74% જેટલો થવા જાય છે.
વિગતો મુજબ ગુજરાતમાંથી મુખ્ય ત્રણ પક્ષોને કુલ ₹309.18 કરોડનું દાન મળ્યું છે જેમાં ભાજપને ₹308.38 કરોડ જ્યારે કોંગ્રેસને ₹69.60 લાખ અને આમ આદમી પાર્ટી (AAP)ને આશરે ₹10.10 લાખનું દાન મળ્યું છે મુખ્ય દાતાઓમાં ખાસ કરીને બિલ્ડરો, ઈન્ફ્રાસ્ટ્રક્ચર કંપનીઓ અને રિયલ એસ્ટેટ ગ્રુપ્સનો સમાવેશ થાય છે, ખાસ કરીને સૌથી વધુ દાન કોર્પોરેટ સેક્ટર તરફથી મળ્યું છે, જેમાં ‘સફલ ગોયલ રિયલ્ટી એલએલપી’ દ્વારા સૌથી વધુ ₹45 કરોડનું દાન મળ્યાના અહેવાલો છે.
ભાજપને મળેલા દાનમાંથી લગભગ 50% (₹154 કરોડથી વધુ) હિસ્સો બિલ્ડર અને કન્સ્ટ્રક્શન કંપનીઓનો છે. આ ઉપરાંત કેમિકલ-માઇનિંગ અને ખેતી ક્ષેત્રની કંપનીઓનો પણ મોટો ફાળો છે, મહત્વનું છે કે 2024-25 માં રાજકીય દાન મેળવવામાં દિલ્હી અને મહારાષ્ટ્ર બાદ ગુજરાત દેશમાં ત્રીજા ક્રમે રહ્યું છે.
આ મુદ્દા ઉપર સિનિયર પત્રકાર દિલીપ પટેલે વિસ્તુત છણાવટ કરી છે જે અત્રે પ્રસ્તુત છે,જુઓ વિડીયો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
