Surat News: ઈરાન અને ઈઝરાયેલ વચ્ચે ચાલી રહેલા યુદ્ધની સીધી અને ગંભીર અસર સુરતના હીરા (Diamond) અને કાપડ (Textile) ઉદ્યોગ પર જોવા મળી રહી છે,કામધંધા બંધ થતાં હવે હજારો શ્રમિકોએ પોતાના વતનની વાટ પકડી છે. કોરોના વખતે જે સ્થિતિ ઉભી થઇ હતી તેવી સ્થિતિ હાલ જોવા મળી રહી છે,ટ્રેન-બસ અને જે વાહન મળ્યું તેમાં લોકો વતન તરફ જઈ રહયા છે અને દેશ મહામંદી તરફ જાણે ધકેલાઈ રહ્યો છે, સુરત વિશ્વનું સૌથી મોટું હીરા પોલિશિંગ હબ પણ છે અને તેની કુલ નિકાસનો આશરે 65% ભાગ દુબઈ દ્વારા અન્ય દેશોમાં જાય છે, હાલમાં ઘણા કન્સાઈનમેન્ટ દુબઈના કાર્ગો હોલ્ડમાં અટવાયેલા છે.
ટેક્સટાઇલ સેક્ટરની વાત કરીએ તો સુરત ગલ્ફ દેશોને સૌથી મોટી નિકાસ કરે છે, જ્યાં દુબઈ દ્વારા 45થી વધુ દેશોમાં કાપડ મોકલવામાં આવે છે, ઈરાન-ઇઝરાયલ યુદ્ધને કારણે કાર્ગો અને શિપમેન્ટમાં વિલંબને કારણે કરોડો રૂપિયાનો માલ પરિવહનમાં અટવાઈ ગયો છે.
મુંબઈ પછી સુરત આર્થિક હબ ગણાય છે જે હવે મંદીમાં સપડાતા કામદારો વતન તરફ હિજરત કરી રહયા છે.
સુરતમાં વર્તમાન સ્થિતિ ઉપર સિનિયર પત્રકાર દિલીપ પટેલે સ્થાનિક અગ્રણીઓ સાથે વાત કરી હકીકત જાણવાનો પ્રયાસ કર્યો જેમાં આ ગંભીર સ્થિતિ સામે આવી છે,જુઓ વિડીયો
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
