Trump: આખરે ટ્રમ્પની મેલી મુરાદ સામે આવી ગઈ છેઈરાન ઉપર હુમલો કરવા માટેનું કારણ ‘પરમાણુ કાર્યક્રમ’ કરતા તેલના ભંડારો છે.ડોનાલ્ડ ટ્રમ્પની નજર ઈરાનના તેલ ભંડારો ઉપર છે અને તે કોઈપણ હિસાબે પોતાના નિયંત્રણમાં લેવા માંગે છે,આ વાત પહેલેથી જ વિશ્લેષકો કહેતા આવ્યા છે પરંતુ ટ્રમ્પ સતત પરમાણુ હથિયારોનો મુદ્દો પકડી તેના લીધે હુમલો કર્યાનું રટણ કરતા આવ્યા છે જોકે,આખરે ટ્રમ્પની દિલની વાત જુબાન ઉપર આવી ગઈ છે અને કબુલ્યું છે કે “તેઓ પહેલેથી જ ઇરાનના તેલ ભંડારો કબ્જે કરવા માંગે છે અને તે ઈરાન જો સીધી રીતે નહિ આપે તો છીનવી લઈશું”ટ્રમ્પે કહ્યું છે કે તેઓ ઈરાનનું તેલ પોતાના નિયંત્રણમાં લેવા માંગે છે. રવિવારે ફાઇનાન્સિયલ ટાઇમ્સને આપેલા ઇન્ટરવ્યુમાં તેમણે આ નિવેદન આપ્યું હતું.
ટ્રમ્પે કહ્યું, ‘સાચું કહું તો મારી મનપસંદ વસ્તુ ઈરાનનું તેલ લેવું છે. તેના પર કબજો કરવા માટે અમેરિકા પાસે હજુ પણ ઘણા વિકલ્પો છે.’ તેમણે આગળ કહ્યું, ‘અમેરિકામાં કેટલાક લોકો કહે છે કે ‘તમે ઈરાન ઉપર હુમલા શા માટે કરી રહ્યા છો? પણ તેઓ મૂર્ખ છે કારણ કે તેઓને ખબર હોવી જોઈએ કે આપણને તેલના ભંડાર મળવાના છે’
તેમણે ખાર્ગ ટાપુનો ઉલ્લેખ કરતા કહ્યું, ‘કદાચ આપણે ખાર્ગ ટાપુ લઈ લઈએ’ ટ્રમ્પે એવો પણ દાવો કર્યો કે આ ટાપુ પર ઈરાનનું સંરક્ષણ બહુ મજબૂત નથી અને અમેરિકા તેને સરળતાથી પોતાના કબજામાં લઈ શકે છે.બીજી તરફ ટ્રમ્પે કહ્યું છે કે ઈરાન સાથે યુદ્ધ સમાપ્ત કરવા માટે જલ્દી સમજૂતી થઈ શકે છે. જોકે તેમણે ચેતવણી આપી કે જો તેહરાને અમેરિકાનો પ્રસ્તાવ ન માન્યો, તો તેમની પાસે દેશ જ નહીં બચે.
આમ,વેનેઝુએલા બાદ ઈરાનના તેલ ભંડારો કબ્જે કરવાનો નેક્સ્ટ પ્લાન હતો તે હવે સામે આવી ગયો છે અને અમેરિકામાં ઈરાન ઉપર હુમલાનો વિરોધ કરનારાઓને સમજાવી દીધું કે આમાં અમેરિકાને મોટો ફાયદો થવાનો છે કારણકે વેનેઝુએલા બાદ હવે જો ઇરાનના વિશાળ તેલ ભંડારો જો અમેરિકાના નિયંત્રણમાં આવી જાયતો દુનિયામાં તેલમાંથી અઢળક કમાણી થઈ શકે તેમ છે.જોકે,પોતાના અંગત સ્વાર્થ માટે નિર્દોષ બાળકો,મહિલાઓ અને નાગરિકોની હત્યાઓ તેમજ દુનિયાભરમાં સર્જાયેલા આર્થિક સંકટની કોઈ ટ્રમ્પને કઈ પડી નથી અને તેમનો શૈતાની અંદાજ છતો થયો છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
