W.Bengal: પ.બંગાળમાં હાલ ચુંટણીઓનો માહોલ છે અહીં મમતા બેનર્જીનો ગઢ માનવામાં આવે છે ત્યારે આ ગઢમાં ગાબડું પાડવા હાલમાં વડાપ્રધાન નરેન્દ્ર મોદી અને અમિત શાહના નેતૃત્વમાં ભાજપ બંગાળમાં ખૂબ જ આક્રમક પ્રચાર શરૂ કર્યો છે.ભાજપે અહીં ભ્રષ્ટાચાર અને કાયદો-વ્યવસ્થાની કથળતી સ્થિતિ તેમજ ઘૂસણખોરી જેવા મુદ્દા બનાવી મમતા સરકારને ઘેરવાનો પ્રયાસ કર્યો છે.છેલ્લા કેટલાક વર્ષોમાં ભાજપના વોટ શેરમાં અહીં નોંધપાત્ર વધારો થયો છે પરંતુ મુસલમાન વોટબેંક ભાજપ પાસે નહી બરાબર છે અને પશ્ચિમ બંગાળમાં મુસ્લિમ વોટબેંક રાજકીય રીતે અત્યંત મહત્વપૂર્ણ છે અને તે ચૂંટણી પરિણામો નક્કી કરવામાં મોટી ભૂમિકા ભજવે છે.
2026ની સ્થિતિ મુજબ, પશ્ચિમ બંગાળમાં મુસ્લિમ વસ્તી અને વોટબેંક અંદાજે 30% થી 31% ની આસપાસ માનવામાં આવે છે.બંગાળમાં વિધાનસભાની આશરે 70 થી 100 સીટો એવી છે જ્યાં મુસ્લિમ મતો એકતરફી પડે તો તે પક્ષની જીત નક્કી કરે છે. કેટલીક બેઠકો પર મુસ્લિમ વસ્તી 50% થી વધુ છે.મુખ્યત્વે મુસ્લિમ મતોનો મોટો હિસ્સો મમતા બેનર્જીની TMC તરફ રહ્યો છે, કારણ કે તેઓ મુસ્લિમ સમુદાયના હિતોના રક્ષક તરીકે પોતાની છબી ધરાવે છે.
જોકે, ઈન્ડિયન સેક્યુલર ફ્રન્ટ (ISF) અને અન્ય નાના પક્ષો પણ મુસ્લિમ મતોમાં ભાગલા પાડવાનો પ્રયાસ કરી રહ્યા છે, જે TMC માટે પડકારરૂપ બની શકે છે.
The Gujarat Reportના તંત્રી-માલિક અને વરિષ્ઠ પત્રકાર મયુર જાની હાલમાં બંગાળમાં છે તેઓ ચૂંટણીઓ અંતર્ગત સ્થાનિક લોકો,પત્રકાર, આગેવાનોના અભિપ્રાય લઈ ત્યાં ખરેખર શું માહોલ છે તે જાણવાનો પ્રયાસ કરી રહયા છે ત્યારે તેઓએ સ્થાનિક અખબારના તંત્રી સાથે વાત કરી રાજકીય સ્થિતિ જાણવાનો પ્રયાસ કર્યો હતો ત્યારે તેઓએ ખાસ કરીને મુસ્લિમ વોટર્સમાં કઈ તરફ લહેર છે તે અંગે વિસ્તુત જાણકારી આપી હતી,જુઓ વિડીયો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
