Gujarat Politics: દેશમાં કેરળ, આસામ, પુડુચેરી, પશ્ચિમ બંગાળ અને તમિલનાડુમાં વિધાનસભાની ચૂંટણીઓ હોવાથી કેન્દ્રીય નેતાઓ ગુજરાત આવ્યા નથી અને એટલે જ વિધાનસભાની સેમિફાઇનલ સમાન ગણાતી સ્થાનિક સ્વરાજ્યની ચૂંટણી જીતવા સ્થાનિક મંત્રીઓ, ભાજપના પ્રદેશ નેતા અને કાર્યકરોને ગુજરાતમાં જ રહેવા સૂચના આપી ગુજરાતનો ગઢ સાચવી લેવાની તાકીદ કરી છે દેશના પાંચેય રાજ્યમાં પ્રચાર માટે ગુજરાતી નેતાઓને એટલેજ બોલાવ્યા નથી આ પાંચ રાજ્યોમાં હાલ ગુજ્જુ કેન્દ્રીય નેતાઓ નરેન્દ્ર મોદી અને અમીત શાહ બાજી સંભાળી રહયા છે.
ગુજરાતમાં 15 મહાનગરપાલિકા, 34 જિલ્લા પંચાયત, 84 નગરપાલિકા અને 260 તાલુકા પંચાયતની ચૂંટણીના આડે હવે માત્ર છ દિવસ બાકી રહ્યાં છે ત્યારે
ધારાસભ્યો, સાંસદોથી માંડીને પ્રદેશ નેતાઓને સ્થાનિક સ્વરાજ્યની ચૂંટણી જીતવા એડી ચોટીનું જોર લગાવી રહયા છે જોકે,એક એવી પણ વાત ચર્ચામાં આવી છે કે આ વખતે કસોટીમાં પાર ઉતરવા 700 બેઠકો ભાજપે ચૂંટણી પહેલા મેળવી લીધા બાદ હવે ગત ટર્મ કરતા પણ સારું પરિણામ આવે તેવા પ્રયાસો ચાલુ થયા છે જે કેન્દ્રીય નેતાઓની ગેરહાજરીમાં મોટી સરપ્રાઈઝ આપવાની અને જવાબદારીમાંથી પાર ઉતરવા આંટીઘૂંટી અને ચાણક્ય નીતિ શરૂ થઈ છે.
વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ મતદાન માટે ગુજરાત આવવાની વાત વચ્ચે ભાજપના નેતાઓ કઈક કરી બતાવવા શામ-દામ-દંડ-ભેદની નીતિ યથાવત રાખી છે,જોકે,ચૂંટણીઓનો માહોલ જામતો નથી અને મતદારોમાં કોઈ ઉત્સાહ જોવા મળતો નથી ક્યાંક કામો થતા જ નહીં હોવાની ફરિયાદો છે અને ચૂંટણીમાં ચીટિંગ અને ડરાવવા માટે પોલીસનો ઉપયોગ જેવા આક્ષેપો અને વાયરલ વીડિયોને લઈ ભાજપની છબી ખરડાઈ રહી છે, જેથી લોકોમાં ચુંટણીઓ માટે કોઈ રસ નહિ હોવાનું જણાય રહ્યું છે.
સ્થાનિક સ્વરાજ્યની ચૂંટણીઓને લઈને ભાજપ વિકાસના કામોને લઈને લોકો પાસે મત માંગવા માટે જઈ રહ્યા છે. પરંતુ પ્રજા ભાજપના ઉમેદવારોને પાંચ વર્ષમાં પ્રાથમિક સુવિધાના કામો નથી થયા કહીને જાહેરમાં તેમનો ઉધડો લઈ રહ્યા હોવાના દ્રશ્યો પણ સર્જાયા છે,પરિણામે,આ વખતે ગત વખતની જેમ ઓછુ મતદાન થાય તેવી શક્યતા વ્યક્ત કરવામાં આવી રહી છે.
હાલતો,જગદીશ પંચાલ (જગદીશ વિશ્વકર્મા) ભાજપના પ્રદેશ અધ્યક્ષ તરીકે ગુજરાતમાં આગામી સ્થાનિક સ્વરાજ્યની ચૂંટણીઓની જવાબદારી સંભાળી રહ્યા છે તેમની સાથે ભુપેન્દ્ર પટેલ-હર્ષ સંઘવી સહિત જુના જોગીઓ હાલતો પાર્ટીના સેવક બની જનતામાં વિશ્વાસ ઉભો કરવા રાજ્યના જુદા જુદા વિસ્તારમાં મુલાકાતો કરી રહયા છે ત્યારે આખરી ચિત્ર ઉપર સૌની નજર મંડાયેલી છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
