AAP: રાજ્યમાં ચુંટણીઓનો માહોલ છે ત્યારે છુટાહાથે નાણાં વહેંચી મતો ખરીદવા કાળુંનાણું વપરાઈ રહ્યાની ચર્ચાઓ ઉઠી છે એમાંય ચૂંટણી ફંડ મેળવનારી પાર્ટીઓમાં સૌથી વધુ ફંડ ભાજપને મળે છે ત્યારે સ્વાભાવિક જ નાણાંનો ચુંટણીઓ દરમિયાન છુટથી ઉપયોગ થઈ શકે છે તેજ રીતે કોંગ્રેસનું પણ છે,ટૂંકમાં કોઈ પક્ષ દૂધે ધોયેલા નથી.
આ બધા વચ્ચે સુરતમાં આમ આદમી પાર્ટી (AAP) સાથે જોડાયેલ એક મોટા હવાલા કૌભાંડનો પર્દાફાશ થયો છે. સુરત ક્રાઈમ બ્રાન્ચે ચૂંટણી પહેલા દિલ્હીથી આંગડિયા પેઢીઓ મારફતે મોકલવામાં આવેલા ₹1.25 કરોડથી વધુનું ફંડ ઝડપી પાડ્યું છે.
■પૈસા મોકલવાની પદ્ધતિ
દિલ્હીથી હિમાંશુ પાહુજા નામનો વ્યક્તિ ‘પનીરના વેપારી’ તરીકે ઓળખ આપીને સુરતમાં પૈસા મોકલતો હતો.
■મુખ્ય આરોપીઓ
સુરતમાં આ પૈસા આકાશ મિશ્રા અને અજય તિવારી નામના વ્યક્તિઓ મેળવતા હતા. પોલીસ તપાસ મુજબ, આકાશ મિશ્રા દિલ્હીના પૂર્વ મંત્રી સત્યેન્દ્ર જૈનનો પૂર્વ PA હોવાનું સામે આવ્યું છે.
■તપાસ અને પુરાવા
સુરતની પાંચ અલગ-અલગ આંગડિયા પેઢીઓના CCTV ફૂટેજ પણ તપાસમાં મહત્વના પુરાવા તરીકે કબજે કરવામાં આવ્યા છે.
■ ક્યાં ઉપયોગ થવાનો હતો?
પોલીસના જણાવ્યા અનુસાર, આ નાણાંનો ઉપયોગ આગામી ચૂંટણીમાં સોશિયલ મીડિયા ઇન્ફ્લુએન્ઝર્સ અને પેઇડ પ્રમોશન માટે થવાનો હતો.
આ મુદ્દા ઉપર સિનિયર પત્રકાર દિલીપ પટેલે સુરતના પત્રકાર કિરીટ ત્રિવેદી સાથે વાત કરી વિગતો જાણી હતી,જેમાં તેઓએ વિસ્તુત જાણકારી આપી હતી,જુઓ વિડીયો.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
