Swara Bhaskar’s X account close: બોલિવૂડ અભિનેત્રી સ્વરા ભાસ્કરનું X એકાઉન્ટ કાયમી ધોરણે બંધ કરી દેવાયું છે. તેણે 26 જાન્યુઆરીએ અને ગાંધી નિર્વાણ દિનને લગતી પોસ્ટ શેર કરી હતી. જેની સામે વાંધો લેવાતાં તેનું X એકાઉન્ટ સસ્પેન્ડ કરી દેવાયું છે.
નોંધનીય છે કે X એક્સ પર સૌથી એક્ટિવ બોલિવૂડ કલાકારોમાંની એક છે. જોકે, તેની ડાબેરી વિચારધારાને કારણે તે અવારનવાર જમણેરી જૂથોનું નિશાન બનતી રહે છે. તેની આ બંને પોસ્ટસ સામે પણ જમણેરી જૂથોએ વાંધો લીધો હોવાનું મનાય છે. સ્વરાએ ઇન્સ્ટાગ્રામ પર તેને એક્સ દ્વારા મળેલી નોટિસના બે સ્ક્રીનશોટ્સ પોસ્ટ કર્યા છે. સ્વરાએ પોતે પોતાની પોસ્ટસનો બચાવ પણ કર્યો છે.
X પર આ બે પોસ્ટ શેર કરી હતી, શું લખ્યું હતુ?
સ્વરાએ કહ્યું ‘એક તસવીરમાં નારંગી રંગની પૃષ્ઠભૂમિ હતી અને તેમાં હિન્દીની દેવનાગરી લિપિમાં લખેલું હતું- ગાંધી હમ શરમિંદા હૈ, તેરે કાતિલ ઝિંદા હૈ. આમાં કોઈ કોપીરાઈટ ઉલ્લંઘન નથી. આ પોસ્ટ 30 જાન્યુઆરી, ગાંધી નિરવાણ દિને શરે કરી હતી.
સ્વરાએ આગળ કહ્યું બીજો ફોટો મારા પોતાના બાળકની તસવીર છે, જેમાં મેં તેનો ચહેરો છુપાવવા માટે હાર્ટ ઇમોજીનો ઉપયોગ કર્યો હતો. ફોટોમાં, બાળકના હાથમાં ભારતનો ધ્વજ છે અને કેપ્શનમાં લખ્યું છે – હેપ્પી રિપબ્લિક ડે. મને સમજાતું નથી કે શું આમાં કોપીરાઈટનું ઉલ્લંઘન થઈ શકે છે?’આ પોસ્ટ 26 જાન્યુઆરી, પ્રજા સત્તાક દિને શેર કરી હતી.
