અમદાવાદ મ્યુનિસિપલ કોર્પોરેશન દ્વારા દર વર્ષે જાન્યુઆરી મહિનાના સમયગાળા દરમિયાન સાબરમતી રિવરફ્રન્ટ પર ફ્લાવર શો(flower show)નું આયોજન કરાઈ છે. ચાલુ વર્ષે ગત 3 જાન્યુઆરી 2025થી ઈન્ટરનેશનલ ફ્લાવર શો શરૂ થયો હતો. જે ગત 22 જાન્યુઆરી સુધી ચાલું રહેવાનો હતો. આ પછી લોકોની માગને કારણે AMCએ 23 અને 24 જાન્યુઆરીએ પણ ફ્લાવર શો શરૂ રાખવાનું નક્કી કર્યું હતું. ત્યારે હવે AMCના સૂત્રો દ્વારા મળતી માહિતી પ્રમાણે આજે અને આવતીકાલે એટલે કે, 25 અને 26 જાન્યુઆરીએ ફ્લાવર શો શરૂ રહેશે.
આટલો છે ટિકીટ દર?
ઈન્ટરનેશનલ ફ્લાવર શોમાં પ્રવેશ માટે 12 વર્ષથી ઉપરના પ્રત્યેક વ્યક્તિ માટે સોમવારથી શુક્રવાર દરમિયાન 70 રૂપિયા અને શનિવાર-રવિવાર દરમિયાન 100 રૂપિયા ફી ચૂકવવાની રહેશે. આ ઉપરાંત ફ્લાવર શોમાં VIP સમય પણ નક્કી કરવામાં આવ્યો છે. જેનો સમય સવારે 9 થી 10 અને રાત્રે 10 થી 11 નો રહેશે. આ સમયગાળા દરમિયાન જે લોકોને ફ્લાવર શો જોવા જવુ હોય તેવા માટે પ્રત્યેક વ્યક્તિ દીઠ રૂપિયા 500 ફી નક્કી કરવામાં આવી છે.
આ પણ વાંચોઃ UP: જે મસ્જિદમાં હિંસા થઈ ત્યાં હિન્દુસ્તાન ઝિંદાબાદના નારા લાગ્યા, નમાઝીઓએ ત્રિરંગા લહેરાવ્યા
