GCMMF ના ચેરમેન તરીકે અશોક ચૌધરી અને વાઈસ ચેરમેન તરીકે ગોરધન ધામેલીયાની નિયુક્તિ

Amul Dairy GCMMF Election: ગુજરાત કો-ઓપરેટિવ મિલ્ક માર્કેટિંગ ફેડરેશનના (GCMMF) ચેરમેન અને વાઈસ ચેરમેનની આજે ચૂંટણી યોજાઈ હતી. આણંદમાં આવેલી GCMMF ખાતે મતદાન પ્રક્રિયા યોજાઈ હતી. આ મતદાન પ્રક્રિયામાં રાજ્યની 18 ડેરીઓના ચેરમેન મતાધિકારનો ઉપયોગ કર્યો હતો. ત્યારે હવે GCMMF ના નવા ચેરમેનની જાહેરાત કરી દેવામાં આવી છે. GCMMF નવા ચેરમેન તરીકે મહેસાણા ડેરીના અશોક ચૌધરીની નિમણૂંક કરવામાં આવી છે. તેઓ અગાઉ દૂધસાગર ડેરીના ચેરમેન રહી ચૂક્યા છે. જ્યારે વાઈસ ચેરમેન પદે ગોરધન ધામેલિયાની નિયુક્તિ કરવામાં આવી છે. તેઓ અઢી વર્ષ માટે આ પદ સંભાળશે.

અશોક ચૌધરી કોણ છે ?

અશોક ચૌધરી વિશે વાત કરવામાં આવે તો તેઓ છેલ્લા ચાર વર્ષથી મહેસાણાની દૂધસાગર ડેરીના ચેરમેન છે. તેમજ 20 વર્ષથી વધુ સમયથી ભાજપ સાથે જોડાયેલા છે તેમજ મહેસાણા જિલ્લા ભાજપમાં મહામંત્રી રહી ચૂક્યા છે.

GCMMF નું વાર્ષિક ટર્નઓવર

GCMMF, જેનો વાર્ષિક ટર્નઓવર ₹90,000 કરોડને વટાવી ગયો છે, તે ચૂંટણી લડવાને બદલે સર્વસંમતિથી પસંદગીની પરંપરા ચાલુ રાખે છે. આ વખતે પણ દરેક પદ માટે ફક્ત એક જ નોમિનેશન પ્રાપ્ત થયું હતું.

GCMMF વિશે માહિતી

1973 માં તેની સ્થાપના થઈ ત્યારથી, GCMMFનું નેતૃત્વ તેના સ્થાપક ચેરમેન સ્વર્ગસ્થ ડૉ. વર્ગીસ કુરિયન દ્વારા કરવામાં આવ્યું હતું, જેમણે 2006 માં પદ છોડ્યું ત્યાં સુધી આ પદ સંભાળ્યું હતું. ત્યારબાદ, ગુજરાતની મુખ્ય ડેરીઓના નેતાઓમાં આ પદ બદલાતું રહ્યું: પાર્થિ ભટોળ (બનાસ ડેરી), વિપુલ ચૌધરી (દૂધસાગર ડેરી, મહેસાણા), જેઠા પટેલ અને બાદમાં શામલ પટેલ (સાબર ડેરી), અને રામસિંહ પરમાર (અમૂલ ડેરી, આણંદ). બનાસ, મહેસાણા, સાબર અને અમૂલ ગુજરાતના ચાર સૌથી મોટા દૂધ સંઘો છે.

GCMMF ના બાયલોમાં સુધારા બાદ 2015 માં વાઇસ ચેરમેનનું પદ બનાવવામાં આવ્યું હતું. આ પદ પહેલા પંચમહાલ સ્થિત પંચામૃત ડેરીના ચેરમેન જેઠા ભરવાડ અને બાદમાં હુંબલ પાસે હતું.