Ayodhya Ram Mandir: અયોધ્યાના ભવ્ય રામ મંદિરમાં આવતા ચઢાવા અને દાનની રાશિમાં નાણાકીય ગડબડીના આરોપોએ દેશભરમાં રાજકીય અને ધાર્મિક ક્ષેત્રે ભૂકંપ સર્જ્યો છે. આ વિવાદ માત્ર વિપક્ષના આક્ષેપો પૂરતો સીમિત નથી રહ્યો, પરંતુ હવે સત્તાધારી ભાજપના પોતાના જ નેતાઓ આ મામલે વડાપ્રધાન નરેન્દ્ર મોદીના હસ્તક્ષેપની માંગ કરી રહ્યા છે. શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાયે આંતરિક ઓડિટનો દાવો કરીને મામલો રફેદફે કરવાનો પ્રયાસ કર્યો છે, પરંતુ આ સફાઈથી મંદિર સાથે જોડાયેલા સંતો અને ખુદ ભાજપના વફાદારો પણ સંતુષ્ટ નથી. ટ્રસ્ટની આ અસ્પષ્ટતા અને રહસ્યમય મૌન અનેક ગંભીર પ્રશ્નો ઉભા કરે છે કે શું કરોડો ભક્તોની શ્રદ્ધા સાથે ખરેખર છેડાછેડી થઈ રહી છે?
સીબીઆઈ તપાસની માંગ: શું ટ્રસ્ટની અંદર જ બેઈમાનીનો ખેલ છે?
અયોધ્યાના ભાજપ નેતા અને દંત ચિકિત્સક રજનીશ સિંહે વડાપ્રધાન મોદીને પત્ર લખીને સીધી જ માંગ કરી છે કે સીબીઆઈ (CBI) કે ઈડી (ED) જેવી ઉચ્ચ-સ્તરીય એજન્સીઓ દ્વારા આ મામલાની તપાસ થાય. તેમનું માનવું છે કે ટ્રસ્ટનું મૌન એ જ સાબિત કરે છે કે કંઈક તો ગડબડ છે. શંકા ત્યારે વધુ ઘેરી બની જ્યારે મંદિરના ટ્રસ્ટના અધ્યક્ષ મહંત નૃત્ય ગોપાલ દાસના ઉત્તરાધિકારી કમલ નયન દાસે ખુલ્લેઆમ કહ્યું કે, “જ્યારે તપાસ કરનારા લોકો જ બેઈમાન હોય, તો તપાસ કેવી રીતે થઈ શકે?” તેમણે તો ત્યાં સુધી આક્ષેપ કર્યો કે જે લોકો એક સમયે સાયકલ પર ફરતા હતા, તેઓ હવે રાતોરાત મોટી કાર અને આલીશાન ઘરોના માલિક બની ગયા છે. સંતના આ નિવેદને ટ્રસ્ટની નૈતિકતા પર સીધો પ્રહાર કર્યો છે.
ઓડિટની માંગ અને સોમનાથ મંદિરનું મોડલ
અલાહાબાદ હાઈકોર્ટના વકીલ અને ભાજપના વરિષ્ઠ સભ્ય મુરલીધર સિંહે પણ કેગ (CAG) દ્વારા ઓડિટની માંગ કરીને મામલાને વધુ ગંભીર બનાવી દીધો છે. તેઓ દાયકાઓથી રામ મંદિર આંદોલન સાથે જોડાયેલા રહ્યા છે, તેથી તેમનો અવાજ વધુ વજનદાર છે. મુરલીધર સિંહે મોદી સરકારને સૂચન કર્યું છે કે રામ મંદિર ટ્રસ્ટનું સંચાલન સોમનાથ મંદિરની તર્જ પર વડાપ્રધાનના હસ્તક આવવું જોઈએ. તેમની માંગ છે કે જે લોકો ભક્તોના દાનના પૈસે રાતોરાત અમીર બની ગયા છે, તેમનો પર્દાફાશ થવો જોઈએ અને રિપોર્ટ જાહેર કરવો જોઈએ જેથી રામ ભક્તોનો વિશ્વાસ પુનઃસ્થાપિત થઈ શકે.
जिस ट्रस्ट में चंपत राय हों, वहां तो लेके भागने का ही काम होगा ।
भूमिपूजन के समय से आज तक चोरी ही तो हो रहा है निरन्तर । #Ayodhya #RamMandir #Shankaracharya #Jyotirmath @ANI @PTI_News pic.twitter.com/Tt5GjYxNf4
— 1008.Guru (@jyotirmathah) June 11, 2026
ચંપત રાય પર આકરા પ્રહારો: ‘ચંપત’ એટલે શું?
સ્વામી અવિમુક્તેશ્વરાનંદ સરસ્વતીએ આ મામલે ચંપત રાય પર સીધુ નિશાન સાધતા અર્થપૂર્ણ કટાક્ષ કર્યો છે. તેમણે કહ્યું કે, ‘ચંપ’ નો અર્થ જ થાય છે કોઈ વસ્તુ લઈને ભાગી જવું, અને તેથી ચંપત રાયના નામને લઈને તેમણે મંદિરના નાણાકીય વ્યવહાર પર ગંભીર સવાલ ઉઠાવ્યા છે. જોકે આ ટિપ્પણીઓ વ્યક્તિગત લાગે છે, છતાં તે ભક્તોમાં ફેલાયેલા રોષનું પ્રતીક છે. સાત જૂને અખિલેશ યાદવે સોશિયલ મીડિયા પર કરોડો રૂપિયા ગાયબ હોવાનો જે દાવો કર્યો હતો, તેને હવે સંતો અને ભાજપના પોતાના જ કાર્યકરોનું સમર્થન મળતા આ મુદ્દો રાજકીય રંગ પકડી રહ્યો છે.
समस्त विश्व में भगवान राम के उपासकों के लिए ये एक बेहद संवेदनशील समाचार है कि ‘राम मंदिर’ के चढ़ावे की करोड़ों की रकम गायब पायी गई है।
ये मंदिर ट्रस्ट के लिए अत्यंत शर्मनाक स्थिति है। कोई भी सफ़ाई देने के लिए सामने नहीं आना चाहता है।
न्यायालय से स्वतः संज्ञान लेने की माँग है…
— Akhilesh Yadav (@yadavakhilesh) June 7, 2026
પીએમઓ (PMO) ની દોડધામ: શું સરકાર ગડબડીથી વાકેફ છે?
મંદિર નિર્માણ સમિતિના અધ્યક્ષ નૃપેન્દ્ર મિશ્રાનો અચાનક અયોધ્યા પ્રવાસ આ ઘટનાક્રમમાં એક મહત્વપૂર્ણ કડી છે. દૈનિક જાગરણના રિપોર્ટ મુજબ, વડાપ્રધાન કાર્યાલયે ટ્રસ્ટ પાસેથી આ મામલે રિપોર્ટ માંગ્યો હોઈ શકે છે. ૧૩ જૂને નિર્માણ સમિતિની મહત્વની બેઠક અગાઉ થયેલી આ હિલચાલ દર્શાવે છે કે સરકાર પણ આ વિવાદને લઈને દબાણમાં છે. રામ મંદિર કરોડો હિન્દુઓની આસ્થાનું કેન્દ્ર છે, અને તેમાં થતી નાણાકીય અનિયમિતતાઓ માત્ર કોઈ આર્થિક ગુનો નથી, પણ લાખો ભક્તોની ધાર્મિક લાગણીઓનું અપમાન છે. હવે જોવાનું એ છે કે શું વડાપ્રધાન મોદી આ મામલે હસ્તક્ષેપ કરીને ટ્રસ્ટની સાફ-સફાઈ કરશે, કે પછી જૂની પદ્ધતિથી મામલો દબાવી દેવામાં આવશે?
આ પણ વાંચો:
