Gujarat Samachar: બાહુબલી શાહની ધરપકડ મુદ્દે મોટો ખુલાસો, કરોડોના નાણાકીય વ્યવહારો, શું છે પાકિસ્તાન કનેક્શન?

Gujarat Samachar owner Bahubali Shah arrested: ગુજરાત સમાચાર સામેની ED દ્વારા કરાયેલ કાર્યવાહી મામલે મોટી અપડેટ સામે આવી છે. ગઈ કાલે રાત્રે ગુજરાત સમાચારના (Gujarat Samachar) માલિક બાહુબલી શાહની (Bahubali Shah) ED દ્વારા ધરપકડ કરવામા આવી હતી જેમાં બાહુબલી શાહ સામે નાણાકીય ગેરરીતિઓને કારણે આ કાર્યવાહી કરવામા આવી હોવાનું જાણવા મળી રહ્યુ છે તેવામાં વધુ એક મોટી અપડેટ સામે આવી છે. જેમાં 5700 કરોડ રૂપિયાની નાણાકીય ગેરરીતિઓ અને બાહુબલી શાહના ટર્કી-પાકિસ્તાન સાથેના નાણાકીય વ્યવહારો પકડાયા હોવાની પણ વિગતો સામે આવી છે.

ગુજરાત સમાચારના માલિક બાહુબલી શાહની ધરપકડ મામલે મોટો ખુલાસો

ગુજરાત સમાચારના માલિક બાહુબલી શાહની ધરપકડ મામલે જાણવા મળી રહ્યું છે કે, આ સમગ્ર કાર્યવાહી સમાચારની આડમાં થઈ રહેલી 5700 કરોડ રૂપિયાની નાણાકીય ગેરરીતિઓ અને મની લોન્ડરિંગ તરફ ઈશારો કરી રહી છે. 48 કલાકમાં જીએસ ટીવી અને ગુજરાત સમાચારની ઓફિસ પર ઈન્કમટેક્સ અને EDના દરોડા પાડવામા આવ્યા હતા. તેમજ શ્રેયાંશ શાહના ભાઈ બાહુબલી શાંતિલાલ શાહ, પુત્ર નીર્મમ શ્રેયાંસ શાહ અને અમમ શ્રેયાંસ શાહના ઘરોમાં પણ તપાસ કરાઈ હતી. ત્યારે હવે બાહુબલી શાહના ટર્કી-પાકિસ્તાન સાથેના નાણાકીય વ્યવહારો પકડાયા હોવાની પણ વિગતો સામે આવી છે.

આવકવેરા વિભાગે મોટાપાયે નાણાકીય વ્યવહારોના પુરાવા મળ્યા

શરુઆતમાં જ્યારે ન્યૂઝ પેપર ગુજરાત સમાચાર અને ચેનલ GSTV પર ઈડી અને ઈન્કમટેક્સએ દરોડા પાડ્યા ત્યારે એવું ઘણા લોકો આ કાર્યવાહી પાછળનું કારણ ગુજરાત સમાચારનું સરકાર વિરોધી લખવાનું જણાવી રહ્યા હતા પરંતુ ખરેખરમાં આ કાર્યવાહીનું કારણ નાણાકીય ગેરરીતિઓ અને મની લોન્ડરિંગ હોવાનું સામે આવ્યું છે. આ કાર્યવાહીમાં મુંબઈ આવકવેરા વિભાગને બેંક ખાતાઓ, ડિજિટલ ડેટા દસ્તાવેજો અને નાણાસબંધિત રેકોર્ડની વિગતો ભેગી કરી છે. અને આવકવેરા વિભાગે મોટાપાયે નાણાકીય વ્યવહારોના પુરાવા મળી આવ્યા છે. જે સ્પષ્ટ કરે છે કે, ગુજરાત સમાચારના માલિકે મોટી નાણાકીય ગેરરીતિઓ કરી છે. ત્યારે આગળ તપાસમાં વધુ શું મોટા ખુલાસાઓ થાય છે તે જોવું રહ્યું…