Electricity Scam: બિહારમાં 62,000 કરોડનું વીજળી કૌભાંડ: ભાજપ નેતા આર.કે. સિંહનો ગંભીર આરોપ, CBI તપાસની માગ

  • India
  • November 4, 2025
  • 0 Comments

Bihar Electricity Scam Allegations: બિહાર વિધાનસભા ચૂંટણી ટાળે ભાજપને ફટકો પડે તેવા આરોપ તેમના જ નેતા દ્વારા આવતાં ખળબળાટ મચ્યો છે. ભાજપના વરિષ્ઠ નેતા અને પૂર્વ કેન્દ્રીય વીજળી મંત્રી આર.કે. સિંહે પોતાની જ પાર્ટીની નેતૃત્વવાળી એનડીએ સરકાર પર મોટા કૌભાંડનો આરોપ મૂક્યો છે. તેમણે અદાણી જૂથ સાથેના વીજળી ખરીદી કરારને ‘ગોટાળો’ ગણાવીને કહ્યું કે આમાંથી બિહારને 62,000 કરોડ રૂપિયાનું નુકસાન થયું છે, જ્યારે કુલ ગોટાળાની રકમ 1.40 લાખ કરોડ સુધી પહોંચે છે. આર.કે. સિંહે CBI તપાસ અને જવાબદારો સામે ક્રિમિનલ કેસ નોંધવાની માગ કરી છે, જેનાથી મોદી સરકાર માટે મુશ્કેલી વધી ગઈ છે.

આર.કે. સિંહે એબીપી ન્યૂઝ ચેનલને આપેલા એક એક્સક્લુસિવ ઇન્ટરવ્યૂમાં આ આરોપો લગાવ્યા છે. તેમણે કહ્યું, “બિહાર સરકારે એદાની જૂથ સાથે 7.5 રૂપિયા પ્રતિ યુનિટના દરે 25 વર્ષ માટે વીજળી ખરીદીનો કરાર કર્યો છે, જે એક વિશાળ ગોટાળાનું પ્રતીક છે. આ કરારથી બિહારના વીજળી વિભાગને અનેક વર્ષો સુધી નુકસાન થશે.” આર.કે. સિંહના મતે, આ કરારમાં દર નક્કી કરવાની પ્રક્રિયામાં અસ્પષ્ટતા અને અનિયમિતતાઓ છે, જેનાથી રાજ્યને વધુ ખર્ચ થઈ રહ્યો છે.

કરારની વિગતો અને વિવાદ 

બિહાર સરકારે સપ્ટેમ્બર 2025માં અદાણી પાવર લિમિટેડ સાથે 2,400 મેગાવોટ વીજળી પુરવઠાનો 25 વર્ષીય પાવર સપ્લાય એગ્રીમેન્ટ (પીએસએ) પર હસ્તાક્ષર કર્યા હતા. આ કરાર ભાગલપુર જિલ્લામાં નવા ગ્રીનફિલ્ડ થર્મલ પાવર પ્લાન્ટથી વીજળી પૂરી પાડવા માટે છે.

કરાર અનુસાર, અદાણીને 1,020 એકર જમીન 25 વર્ષ માટે માત્ર 1 રૂપિયા પ્રતિ એકરના દરે લીઝ પર આપવામાં આવી છે, જે વિરોધ પક્ષો દ્વારા ‘અનુચિત લાભ’ તરીકે ગણાવાય છે. આર.કે. સિંહે આ કરારને ‘અર્થવ્યવસ્થામાં લૂંટ’ ગણાવ્યો છે. તેમણે કહ્યું, “આ કરારથી બિહારને 62,000 કરોડનું સીધું નુકસાન થશે, કારણ કે વીજળીના દર વધુ છે અને ખરીદીની પ્રક્રિયા પારદર્શક નથી. કુલ મળીને 1.40 લાખ કરોડનો ગોટાળો થયો છે.” તેમણે વધુમાં કહ્યું કે વીજળી વિભાગમાં અધિકારીઓ અને રાજકીય નેતાઓ વચ્ચે મિલીભગતથી આ ગોટાળો થયો છે, જેની તપાસ માટે કેન્દ્રીય તપાસ એજન્સી સીબીઆઈને સોંપવી જોઈએ. “જવાબદારો સામે તાત્કાલિક કાર્યવાહી કરી ક્રિમિનલ કેસ નોંધવા જોઈએ,”

ઉલ્લેખનીય છે કે આ આરોપ ત્યારે કરવામાં આવ્યા છે જ્યારે બિહાર વિધાનસભાની ચૂંટણી માટે 6 નવેમ્બરે મતદાન થવાનું છે. જેના કારણે એનડીએની મુશ્કેલીઓમાં વધારો થયો છે. હાલ બિહારને જીતવા એનડીએ (જેડીયુ-ભાજપ) અને મહાગઠબંધન (આરજેડી-કોંગ્રેસ) વચ્ચે તીવ્ર સ્પર્ધા ચાલી રહી છે. આર.કે. સિંહના આરોપોથી ભાજપ અંદર જ અસ્વસ્થતા ફેલાઈ ગઈ છે, કારણ કે તેઓ પોતાના જ નેતાના આ વક્તવ્યથી ખલબલાયા છે. તાજેતરમાં કોંગ્રેસ નેતા કન્હૈયા કુમારે પણ આ કરાર પર સવાલ ઉભા કર્યા હતા અને કહ્યું હતું કે ભાગલપુર પાવર પ્લાન્ટ પ્રોજેક્ટને એડાનીને આપવાથી રાજ્યને 1 લાખ કરોડથી વધુનો નુકસાન થશે, જે ‘મોદીના મિત્રને લાભ’ આપવાનું કારણ બન્યું છે.

આર.કે. સિંહ, જેઓ પહેલાંથી જ બિહારમાં એનડીએ સરકારની ભ્રષ્ટાચાર વિરુદ્ધ વાત કરી રહ્યા છે, તાજેતરમાં પ્રશાંત કિશોરના આરોપો પર પણ ભાજપ નેતાઓની ચૂપ્પી પર તીખી ટીકા કરી હતી.

તેમના આ નવા આરોપોથી મોદી સરકાર માટે ચૂંટણીમાં વધુ મુશ્કેલીઓ વધી ગઈ છે, કારણ કે વિરોધ પક્ષો આને ‘ભ્રષ્ટાચારનું પુરાવો’ તરીકે ઉપયોગ કરી શકે છે. મહાગઠબંધન નેતા તેજસ્વી યાદવે પણ તાજેતરમાં એનડીએ પર ‘ભ્રષ્ટાચાર અને બેરોજગારી’ના આરોપો લગાવ્યા હતા.

બિહારના વીજળી વિભાગમાં ભ્રષ્ટાચારના આરોપો નવા નથી. અગાઉ પણ અનેક કેસોમાં અનિયમિતતાઓની બાબત સામે આવી છે, જેમ કે જમીન વિતરણ અને કરારોમાં ગેરરીતિઓ. આ કરારને લઈને વિપક્ષોનો દાવો છે કે અદાણી જૂથને અનુચિત લાભ આપવાથી રાજ્યના સામાન્ય લોકોને મોંઘી વીજળી મળશે, જે આર્થિક બોજ વધારશે.

આર.કે. સિંહના આરોપોથી બિહારની રાજનીતિમાં નવો વળાંક આવ્યો છે. જો સીબીઆઈ તપાસ થાય તો આ કેસ કેન્દ્ર અને રાજ્ય સરકારો વચ્ચે તણાવ વધારી શકે છે. ચૂંટણીમાં આ મુદ્દો કેટલો અસર કરશે, તે જોવાનું રહેશે.

આ પણ વાંચો:

Bihar Election: ભત્રીજા માટે ચૂંટણી પ્રચાર કરતાં કાકાને પતાવી દેવાયો, બિહારનો ચૂંટણીનો પ્રચાર લોહીયાળ બન્યો, કોણ છે આરોપી?

Bihar: બિહારમાં મર્ડર-બળાત્કાર સહિતના ગંભીર ગૂનામાં સામેલ 354 આરોપી ઉમેદવારોએ ચૂંટણીમાં ઝંપલાવ્યુ!!”મેરા ભારત મહાન!”

વિશ્વમાં સૌથી વધુ દારૂ ભારતમાં પીવાય છે, વિશ્વના ટોચના દેશોમાં વેચાણ ઘટ્યું, ભારતમાં વધ્યું! | Alcohol | India

દારુ સપ્લાઈ કરતી બોટ ઝડપાઈઃ દમણથી દારૂ ભરી ચોરવાડ ડિલિવરી કરે તે પહેલા જ પકડી

દેશમાં થતાં અકસ્માતો માટે હવે નેતાઓ નહીં રોડ કોન્ટ્રાક્ટરો સીધા જવાબદાર ગણાશે!, લાખ્ખોનો દંડ ભરાવશે | Accident

Related Posts

Sonia Gandhi Book Launch: સોનિયા ગાંધીએ ‘Belonging’ પુસ્તક કેમ લખ્યું? પરિવાર વિશે ઉપજાવવામાં આવેલી ખોટી વાતોથી દુઃખી હોવાનો કર્યો ખુલાસો
  • November 17, 2026

Sonia Gandhi Book Launch: સોનિયા ગાંધીએ પોતાનું સંસ્મરણ ‘બિલોંગિંગ: અ જર્ની ઑફ લવ’ લખવા પાછળનું કારણ સ્પષ્ટ કરતાં કહ્યું છે કે તેમના પરિવાર વિશે વર્ષોથી અનેક એવી વાતો કહેવામાં આવી…

Continue reading
INDIA Alliance SIR Petition: SIR વિવાદમાં રાહુલ ગાંધી સહિત INDIA ગઠબંધનના 48 સવાલ, ચૂંટણી પંચના અધિકારીઓને સોગંદનામું આપવા માગ
  • November 17, 2026

INDIA Alliance SIR Petition: દેશવ્યાપી મતદાર યાદીના વિશેષ સઘન પુનરીક્ષણ (SIR) અંગે ચાલી રહેલા વિવાદ વચ્ચે રાહુલ ગાંધી સહિત INDIA ગઠબંધનના નેતાઓએ સુપ્રીમ કોર્ટમાં નવી અરજી દાખલ કરી છે. વિપક્ષે ચૂંટણી…

Continue reading

Leave a Reply

Your email address will not be published. Required fields are marked *

You Missed

Sonia Gandhi Book Launch: સોનિયા ગાંધીએ ‘Belonging’ પુસ્તક કેમ લખ્યું? પરિવાર વિશે ઉપજાવવામાં આવેલી ખોટી વાતોથી દુઃખી હોવાનો કર્યો ખુલાસો

  • November 17, 2026
  • 4 views
Sonia Gandhi Book Launch: સોનિયા ગાંધીએ ‘Belonging’ પુસ્તક કેમ લખ્યું? પરિવાર વિશે ઉપજાવવામાં આવેલી ખોટી વાતોથી દુઃખી હોવાનો કર્યો ખુલાસો

INDIA Alliance SIR Petition: SIR વિવાદમાં રાહુલ ગાંધી સહિત INDIA ગઠબંધનના 48 સવાલ, ચૂંટણી પંચના અધિકારીઓને સોગંદનામું આપવા માગ

  • November 17, 2026
  • 6 views
INDIA Alliance SIR Petition: SIR વિવાદમાં રાહુલ ગાંધી સહિત INDIA ગઠબંધનના 48 સવાલ, ચૂંટણી પંચના અધિકારીઓને સોગંદનામું આપવા માગ

SC on Yamuna River Pollution: યમુના પ્રદૂષણ પર સુપ્રીમ કોર્ટની કડક ટકોર, 37 STPમાંથી એક પણ ધોરણોનું પાલન કરતું નથી

  • November 17, 2026
  • 6 views
SC on Yamuna River Pollution: યમુના પ્રદૂષણ પર સુપ્રીમ કોર્ટની કડક ટકોર, 37 STPમાંથી એક પણ ધોરણોનું પાલન કરતું નથી

Gujarat Drug Seizure: ડ્રગ્સને નાથવામાં હર્ષ સંઘવીની નિષ્ફળતા, અમિત શાહ દોડી આવ્યા

  • November 17, 2026
  • 12 views
Gujarat Drug Seizure: ડ્રગ્સને નાથવામાં હર્ષ સંઘવીની નિષ્ફળતા, અમિત શાહ દોડી આવ્યા

Owaisi Chandrashekhar Alliance: ઓવૈસી-ચંદ્રશેખરનું ગઠબંધન UPમાં સપા કરતાં બસપાની વાપસીનો માર્ગ વધુ મુશ્કેલ બનાવી શકે છે

  • November 16, 2026
  • 11 views
Owaisi Chandrashekhar Alliance: ઓવૈસી-ચંદ્રશેખરનું ગઠબંધન UPમાં સપા કરતાં બસપાની વાપસીનો માર્ગ વધુ મુશ્કેલ બનાવી શકે છે

TVK Investment MoUs: DMKની ટીકાનો વિજય સરકારનો જવાબ, તમિલનાડુમાં ₹1.14 લાખ કરોડના રોકાણની જાહેરાત

  • November 16, 2026
  • 8 views
TVK Investment MoUs: DMKની ટીકાનો વિજય સરકારનો જવાબ, તમિલનાડુમાં ₹1.14 લાખ કરોડના રોકાણની જાહેરાત