Bihar Election Result 2025:બિહારમાં NDAની જીત બાદ, મંત્રીમંડળની રચના અને ઘટક પક્ષોના હિસ્સેદારી માટે ફોર્મ્યુલાને અંતિમરૂપ આપી દેવાયું છે અને આવતી કાલે સોમવારે તા.17 નવેમ્બરના રોજ JDU વિધાનસભા પક્ષની બેઠક મળનાર છે.
આવતીકાલે મળનારી ધારાસભ્ય દળની બેઠકમાં નીતિશ કુમારને ધારાસભ્ય દળના નેતા તરીકે ચૂંટવામાં આવશે.મુખ્યમંત્રી નીતિશ કુમાર આવતી કાલે તા.17 નવેમ્બરના રોજ રાજ્યપાલને રાજીનામું આપશે અને આજ દિવસે નવી સરકાર બનાવવાનો દાવો કરશે અને
નીતિશ કુમાર તા.20 નવેમ્બરના રોજ 10મી વખત મુખ્યમંત્રી પદના શપથ લઈ શકે છે અને
નીતિશ કુમારની સાથે 18 મંત્રીઓ પણ શપથ લઈ શકે છે.
તેમ સૂત્રો જણાવી રહયા છે.
મહત્વનું છે કે હાલમાં 2025ની વિધાનસભા ચૂંટણીમાં ભાજપ સૌથી મોટો પક્ષ ઉભરી આવ્યો છે,છતાં સરકારમાં ફરી એકવાર નીતિશ કુમારની પાર્ટી, જેડીયુનું કદ પણ વધ્યું છે.સુત્રોનું માનીએતો આ વખતે મંત્રીમંડળમાં 30થી 32 જેટલા મંત્રીઓનો સમાવેશ થઈ શકે છે. JDU અને BJP પાસે સમાન સંખ્યામાં મંત્રીઓ હોઈ શકે છે.
ચિરાગ પાસવાનની પાર્ટીને ત્રણ મંત્રી પદ મળી શકે છે, જ્યારે જીતન રામ માંઝી અને ઉપેન્દ્ર કુશવાહાના પક્ષોને એક-એક મંત્રી પદ મળી શકે છે. વર્તમાન વિધાનસભા સંખ્યાના આધારે, બિહારમાં કુલ 36 મંત્રીઓની નિમણૂક થઈ શકે છે,JDUના ક્વોટામાંથી 11 મંત્રીઓની નિમણૂક થઈ શકે છે.
2022ના ચૂંટણી પરિણામો પછી, ભાજપે બિહારમાં બે ડેપ્યુટી સીએમ રાખવાની પરંપરા શરૂ કરી છે ત્યારે ફરી એકવાર બે ડેપ્યુટી સીએમ નિયુક્ત થઈ શકે છે, જોકે,બંને ભાજપના બદલે એક ડેપ્યુટી સીએમ પદ માટે LJP(R) પણ દાવો કરી રહી છે.જોકે, જો નીતિશ કુમાર મુખ્યમંત્રી બને છે, તો ભાજપ નક્કી કરશે કે ડેપ્યુટી સીએમ પદ માટે કોને નક્કી કરવા.
દરમિયાન, વાત તો એવી પણ છે કે ડેપ્યુટી CM પદની રેસમાં ભાજપમાંથી સમ્રાટ ચૌધરી, રામકૃપાલ યાદવ અને મંગલ પાંડેના નામોની ચર્ચા ચાલી રહી છે.
હિન્દુસ્તાની અવમ મોરચા (HAM) ના સંરક્ષક અને કેન્દ્રીય મંત્રી જીતન રામ માંઝી આજે ગયાથી દિલ્હી પહોંચશે. માંઝી દિલ્હીમાં ગૃહમંત્રી અમિત શાહ અને અન્ય ભાજપ નેતાઓને મળશે. આ દરમિયાન, ઉપેન્દ્ર કુશવાહા પટણાથી દિલ્હી જવા રવાના થઈ ગયા છે.
તેઓ અમિત શાહને પણ મળશે. આ સાથે, LJP (રામવિલાસ) ના વડા ચિરાગ પાસવાન પણ રવિવારે (16 નવેમ્બર) પટણાથી દિલ્હી જઈ રહ્યા છે.દિલ્હીમાં, સરકાર રચના અંગે LJP(R), HAM અને RLM સાથે વાતચીત કરશે.
આ પણ વાંચો:
Surat: માતાજીના પંડાલમાં હુક્કાબાર સોંગ્સ પર યુવતીઓનો અશ્લિલ ડાન્સ, વીડિયો વાયરલ થતા વિવાદ
Maharashtra: ઉદ્ધવ ઠાકરેએ સોનમ વાંગચુકની ધરપકડ મામલે કેન્દ્ર સરકારની કાઢી ઝાટકણી
Rajasthan: BJP કાર્યકર્તાઓએ કેન્સરના દર્દીઓને બિસ્કિટ આપ્યા, ફોટા પડાવ્યા અને બિસ્કીટ પાછા લઈ લીધા
