Fastag New Rule : કેન્દ્ર સરકાર દ્વારા ફરી એકવાર ટોલ ટેક્સ ચુકવણી સંબંધિત નિયમો બદલી નાખતા નિયમોની જેને ખબર નથી તેવા વાહન ચાલકોને ટોલ પ્લાઝા પર રોકડમાં બમણો ટોલ ચૂકવવો પડે છે પણ FASTag ફેલ હોયતો પણ દંડ થતો હતો,પરંતુ હવે નવા નિયમમાં જો તમારું FASTag કામ નથી કરતું અને જો તમે UPI અથવા અન્ય કોઈ ડિજિટલ માધ્યમ દ્વારા ચૂકવણી કરો છો, તો તેને મૂળ ટોલ ફીના 1.25 ગણો ચાર્જ ચૂકવવાનો રહેશે.
સરકારનો દાવો છે કે આ નવો નિયમ લાગુ થતા હાઇવે ઉપર ટ્રાફિક ઘટશે અને ડિજિટલ ચુકવણીને પ્રોત્સાહન મળતા ટોલ સિસ્ટમ વધુ પારદર્શક અને ઝડપી બનશે.કેન્દ્ર સરકારે નેશનલ હાઇવે ફીસ (ડિટર્મિનેશન ઓફ રેટ્સ એન્ડ કલેક્શન) રૂલ્સ, 2008 માં સુધારો કર્યો છે.
કેન્દ્રીય માર્ગ પરિવહન અને રાજમાર્ગ મંત્રાલય દ્વારા જાહેર કરાયેલો આ નવો નિયમ ગઈકાલ તા.15 નવેમ્બર 2025થી લાગુ થઈ ચુક્યો છે.નવા નિયમો હેઠળ FASTag વગરના વાહનો અથવા FASTag ફેલ થવાના કિસ્સામાં ટોલ ડિજિટલ અને રોકડ ચૂકવણી વચ્ચે તફાવત રાખવામાં આવ્યો છે,જેમાં વાહનચાલક જો માન્ય FASTag વિના ટોલ પ્લાઝામાં પ્રવેશ કરે છે અને રોકડમાં ચૂકવણી કરે છે, તો તેની પાસેથી મૂળ ટોલ શુલ્ક કરતાં બમણો (Double) ટોલ શુલ્ક વસૂલવામાં આવશે અને જો
FASTag ફેલ હોય,સ્કેન ન થાય તેવા કિસ્સામાં વાહન ચાલક UPI અથવા અન્ય કોઈ ડિજિટલ માધ્યમ દ્વારા ચૂકવણી કરે, તો તેને મૂળ ટોલ ફીના માત્ર 1.25 ગણો ચાર્જ ચૂકવવો પડશે.
મતલબ કે જે વાહનચાલકો પાસે ફાસ્ટટેગ તો છે પણ એક્સપાયર થઈ ગયો હોય કે કામ કરતો ન હોય માટે સૌથી વધુ રાહતભર્યો છે,માની લો કે સામાન્ય ટોલ: ₹100 છે તો FASTag નિષ્ફળ જાય તો UPI/ડિજિટલ ચુકવણી ₹125 રાખવામાં આવી છે અને જો FASTag બિલકુલ હોય જ નહીં તો રોકડ પેમેન્ટ કરોતો ₹200 ચાર્જ થશે.
સરકારનું માનવું છે કે આનાથી ડિજિટલ ઇન્ડિયા મિશન મજબૂત બનશે.
આ પણ વાંચો:
Surat: માતાજીના પંડાલમાં હુક્કાબાર સોંગ્સ પર યુવતીઓનો અશ્લિલ ડાન્સ, વીડિયો વાયરલ થતા વિવાદ
Maharashtra: ઉદ્ધવ ઠાકરેએ સોનમ વાંગચુકની ધરપકડ મામલે કેન્દ્ર સરકારની કાઢી ઝાટકણી
Rajasthan: BJP કાર્યકર્તાઓએ કેન્સરના દર્દીઓને બિસ્કિટ આપ્યા, ફોટા પડાવ્યા અને બિસ્કીટ પાછા લઈ લીધા
