અકસ્માતે બનેલા મુખ્યમંત્રીએ TET-TAT શિક્ષકોની ભરતી અંગે શું કહી દીધુ?

ગુજરાતમાં શિક્ષક બનવા માગતા યુવાનોની હાલત કફોડી બની છે. કારણ કે સરકાર દ્વારા ભરતીની જાહેરાત બાદ નિમણૂંક કરતી થતી નથી. હજારો શાળાઓ એક શિક્ષકથી ચાલે છે. આ બધુ જ સરકાર જાણે છે તેમ છતાં કંઈ પગલા લેતી નથી.

ત્યારે મુખ્યમંત્રીએ ગઈકાલે TET-TAT ઉમેદવારોની ભરતી અંગે આપેલા નિવાદનથી હોબાળો મચી ગયો છે. મુખ્યમંત્રીનું કહેવું છે કે હવે સરકારી નોકરીઓ કેટલી આપીએ. સરકારી શાળાઓનો ક્રેસ ઘટી રહ્યો છે. તો શિક્ષકોની ભરતી કરી શું કરીએ. ત્યારે સવાલ થાય કે આજે હજ્જારો શાળામાં શિક્ષકોની ઘટ છે, તેમ છતાં આ સરકાર ભરતી કરતી નથી. શું તેમને પગારનું ભારણ વધી જવાનો ડર સતાવી રહ્યો છે.

ગઈકાલે મુખ્યમંત્રી ભૂપેન્દ્ર પટેલે કહ્યું હતુ કે ‘શિક્ષણ વિભાગમાં મને કંઈ ખબર પડતી નથી, ક્યાકથી શું આવીને ઉભુ થઈ જાય. રોજ ચાલુ ને ચાલુ, TET અને TAT. ભરતીઓ ચાલુ છે તો પણ. સરકારી નોકરી, સરકારી નોકરી, તમે તમારા ભાઈઓની નોકરી ઘટાડી રહ્યા છો, સરકારી શાળામાં લોકોનો ક્રેસ ઘટતો જાય છે, તો સરકારી શાળામાં શિક્ષકોની ભરતી કેવી રીતે કરીએ. કામ એવું કરો કે સરકારી શાળામાં વિદ્યાર્થીઓ વધુને વધુ આવે. તો નોકરી મળશે. સરકારી નોકરી થઈ થઈને કેટલી થવાની!

ત્યારે આ રોજગારી ન આપી શકતી સરકાર કામની શું તેવા સવાલો થઈ રહ્યા છે. ગુજરાત સરકાર શિક્ષકોને નોકરી આપવામાંથી છટકી રહી છે. સરકારની જવાબદારી છે કે રાજ્યના નાગરિકોને રોજગારી આપે. પણ તે સતત પાછી પાની કરી રહી છે.

મુખ્યમંત્રી ભૂપેન્દ્ર પટેલ કહી રહ્યા છે કે સરકારી શાળાઓમાં વિદ્યાર્થીઓ નથી આવતાં તો શિક્ષકોની ભરતી કેવી રીતે કરીએ. ગુજરાતમાં શાળા પ્રવેશોત્સવ વર્ષ 2003થી થાય છે. ખુદ તત્કાલિન મુખ્યમંત્રી નરેન્દ્ર મોદીએ કરી હતી. જેને આજે 23 વર્ષ જેટલો સમય વીતી ગયો છે. તો સરકાર આટલા વર્ષોમાં વિદ્યાર્થીઓની સંખ્યા કેમ વધારી ન શકી. કેમ વાલીઓઓનો વિશ્વાસ ન જીતી શકી. આટલા વર્ષો પછી વાલીઓ પાતાના સંતાનોને સરકારી શાળામાં ભણાવવા ઈચ્છતા નથી. મતલબ આ સરકારની નિષ્ફળતા છે. લોકોને ખબર છે કે સરકારી શાળામાં શિક્ષણ સારુ મળતું નથી. એકથી વધુ વિષય એક જ શિક્ષક ભણાવે છે. જેથી શિક્ષણની ગુણવત્તા કથળી રહી છે.

જુઓ આ મુદ્દે વધુ ચર્ચા વીડિયોમાં