Commercial Gas Cylinder Price Hike: દેશની અગ્રણી સરકારી પેટ્રોલિયમ કંપનીઓ જેવી કે ઇન્ડિયન ઓઈલ કોર્પોરેશન, હિન્દુસ્તાન પેટ્રોલિયમ અને ભારત પેટ્રોલિયમ દ્વારા ગેસ સિલિન્ડરની કિંમતોમાં ભારે વધારો ઝીંકવામાં આવ્યો છે. આ ભાવવધારાને કારણે સામાન્ય નાગરિકોના ખિસ્સા પર મોટો બોજ પડ્યો છે. ખાસ કરીને મધ્યમ અને ગરીબ વર્ગના લોકો માટે રસોડાનું બજેટ ખોરવાઈ ગયું છે. આ કિંમતોમાં થયેલા અચાનક ઉછાળાને લઈને વિપક્ષી દળોએ કેન્દ્ર સરકારને આડે હાથ લીધી છે અને ઠેર-ઠેર વિરોધ પ્રદર્શનો શરૂ થયા છે.
રાહુલ ગાંધીનો કેન્દ્ર સરકાર પર પ્રહાર: “આ તો ચૂંટણીનું બિલ છે”
કોંગ્રેસના નેતા રાહુલ ગાંધીએ સોશિયલ મીડિયા પ્લેટફોર્મ એક્સ (X) દ્વારા કેન્દ્ર સરકાર પર આકરા પ્રહારો કર્યા છે. તેમણે નામ લીધા વગર કટાક્ષ કરતા જણાવ્યું કે તેમણે પહેલેથી જ ચેતવણી આપી હતી કે ચૂંટણી પત્યા પછી મોંઘવારીની ગરમીનો સામનો કરવો પડશે. રાહુલ ગાંધીના જણાવ્યા મુજબ, કોમર્શિયલ ગેસ સિલિન્ડરની કિંમતમાં એક જ દિવસમાં ₹993 નો જંગી વધારો કરવામાં આવ્યો છે, જે અત્યાર સુધીનો સૌથી મોટો વધારો છે. તેમણે આ ભાવવધારાને જનતાના માથે ફટકારવામાં આવેલું ‘ચૂંટણી બિલ’ ગણાવ્યું છે.
कह दिया था – चुनाव के बाद महंगाई की गर्मी आएगी।
आज कमर्शियल गैस सिलेंडर ₹993 महंगा। एक ही दिन में सबसे बड़ी बढ़ोतरी। यह चुनावी बिल है।
फरवरी से अब तक: ₹1,380 की बढ़ोतरी – सिर्फ़ 3 महीनों में 81% का इज़ाफ़ा।
चायवाला, ढाबा, होटल, बेकरी, हलवाई – हर किसी की रसोई पर बोझ बढ़ा। और…
— Rahul Gandhi (@RahulGandhi) May 1, 2026
માત્ર 3 મહિનામાં 81% નો ઉછાળો: મધ્યમ વર્ગ અને નાના વેપારીઓ મુશ્કેલીમાં
રાહુલ ગાંધીએ આંકડાકીય માહિતી આપતા વધુમાં જણાવ્યું કે ફેબ્રુઆરી મહિનાથી અત્યાર સુધીમાં ગેસ સિલિન્ડરના ભાવમાં કુલ ₹1,380 નો વધારો થયો છે. એટલે કે માત્ર ત્રણ મહિનાના ટૂંકા ગાળામાં ભાવમાં 81% જેટલો તોતિંગ ઉછાળો આવ્યો છે. આ વધારાને કારણે ચા-વાળા, ઢાબા સંચાલકો, હોટલ માલિકો, બેકરી અને હલવાઈ જેવા નાના વેપારીઓના રસોડા પર આર્થિક બોજ વધ્યો છે. કોંગ્રેસ સાંસદે ચેતવણી આપી છે કે ગેસના ભાવ વધારાની સીધી અસર સામાન્ય માણસની થાળી પર પડશે અને આવનારા દિવસોમાં પેટ્રોલ-ડીઝલના ભાવમાં પણ આવો જ પ્રહાર થઈ શકે છે.
અખિલેશ યાદવનો સરકાર પર કટાક્ષ: “રોટલી અને થાળી મોંઘી થઈ રહી છે”
સમાજવાદી પાર્ટીના અધ્યક્ષ અખિલેશ યાદવે પણ આ મુદ્દે ભાજપ સરકારને ઘેરી છે. તેમણે સોશિયલ મીડિયા પર લખ્યું કે જ્યારે સિલિન્ડર મોંઘો થાય છે, ત્યારે વાસ્તવમાં ગરીબની રોટલી અને થાળી મોંઘી થાય છે. તેમણે કટાક્ષ કરતા કહ્યું કે આ પીડા એ જ સમજી શકે છે જે પોતે ખરીદીને ખાતો હોય, નહીં કે તે લોકો જે બીજાના ઘરે જઈને જમતા હોય. અખિલેશ યાદવે સરકારની દાનત પર સવાલ ઉઠાવતા કહ્યું કે મોંઘવારીના આ સમયમાં જનતાને રાહત આપવાને બદલે સરકાર મુશ્કેલીઓ વધારી રહી છે.
सिलेंडर महंगा नहीं होता, रोटी-थाली महंगी होती है। ये बात वही जानता है जो ख़ुद ख़रीदकर खाता है, वो नहीं जो दूसरों के यहाँ जाकर खाता है या दूसरों की थाली से चुराता है।
सिलेंडर महंगा करना था तो सीधे 1000 रूपये महंगा कर देते। 1000 में 7 रुपये कम करके ये भाजपावाले किस पर एहसान कर रहे…
— Akhilesh Yadav (@yadavakhilesh) May 1, 2026
ભાજપ પર નિશાન: “શું આ 7 રૂપિયા ઘટાડીને અહેસાન કરી રહ્યા છો?”
સપા સુપ્રીમોએ ભાજપ સરકારની ટીકા કરતા વધુમાં પૂછ્યું કે જો સિલિન્ડર મોંઘો જ કરવો હતો તો સીધો 1000 રૂપિયા વધારી દેવો જોઈતો હતો. 1000 રૂપિયામાં માત્ર 7 રૂપિયા ઓછા રાખીને ભાજપના નેતાઓ જનતા પર શું અહેસાન કરી રહ્યા છે? તેમણે વેધક પ્રશ્ન કર્યો હતો કે ભાજપ સરકાર દેશમાં વધી રહેલી મોંઘવારી, બેરોજગારી અને આર્થિક મંદી પર ક્યારે નિંદા પ્રસ્તાવ લાવશે? વિપક્ષના આ આક્રમક વલણને જોતા એવું લાગે છે કે આવનારા સમયમાં ગેસના ભાવવધારાનો મુદ્દો રાજકીય ગરમાવો વધારશે.
આ પણ વાંચો:
