Donald Trump: અમેરિકી રાષ્ટ્રપતિ ડોનાલ્ડ ટ્રમ્પે વેનેઝુએલા ઉપર હુમલો કરી તેલ ભંડાર ઉપર કબ્જો કર્યો છે અને હવે અહીં અમેરિકા શાશન ચલાવવા માંગે છે,દરમિયાન ટ્રમ્પે નવા નિમાયેલા ઉપરાષ્ટ્રપતિ ડેલ્સી રોડ્રિગ્ઝને ધમકી આપતા કહ્યું છે કે, ‘જો ડેલ્સી રોડ્રિગ્ઝ અમે કહીએ તેમ નહીં કરે તો તેમની હાલત માદુરો કરતાં પણ વધુ ખરાબ થઈ શકે છે.’
ટ્રમ્પે ધ એટલાન્ટિક મેગેઝિનને આપેલા ઇન્ટરવ્યુમાં આ મુજબ જણાવ્યું હતું.ટ્રમ્પે કહ્યું હતું કે અમેરિકી વિદેશ મંત્રી માર્કો રુબિયોએ આ અંગે રોડ્રિગ્ઝ સાથે વાત કરી હતી જેમાં તેઓ વેનેઝુએલામાં અમેરિકાના ઈશારે કામ કરવા તૈયાર થઈ ગયા છે.ન્યૂ યોર્ક પોસ્ટને આપેલા ઇન્ટરવ્યુમાં ટ્રમ્પે કહ્યું હતું કે જો રોડ્રિગ્ઝ અમેરિકાની વાત માની લે છે તો વેનેઝુએલામાં અમેરિકી સેના તૈનાત કરવાની જરૂર નહીં પડે નહીતો તેઓની હાલત ખરાબ કરી નાખીશું.
અત્રે ઉલ્લેખનીય છે કે વેનેઝુએલાની સુપ્રીમ કોર્ટે ઉપરાષ્ટ્રપતિ ડેલ્સી રોડ્રિગ્ઝને કાર્યકારી રાષ્ટ્રપતિ બનાવવાનો આદેશ આપતા તેઓ હાલ વચગાળાના કાર્યકાળી રાષ્ટ્રપતિ તરીકે કાર્યરત થયા છે આવા સમયે અમેરિકાનું નિવેદન સામે આવ્યું છે જેમાં નવા વચગાળાના રાષ્ટ્રપતિ ડેલ્સી રોડ્રિગ્ઝને પણ અમેરિકા કહે તે રીતે કામ કરવા ચીમકી અપાઈ છે.
જોકે,સુપ્રીમ કોર્ટે ડેલ્સી રોડ્રિગ્ઝને તાત્કાલિક રાષ્ટ્રપતિના તમામ અધિકારો સાથે કાર્યકારી ધોરણે કાર્યભાર સંભાળવા જણાવ્યું છે.ટ્રમ્પે કહ્યું કે વેનેઝુએલામાં શાસન ચલાવવા માટે અમેરિકા દ્વારા એક ખાસ ટીમની રચના કરવામાં આવી છે.આ ટીમમાં અમેરિકાના વિદેશ મંત્રી માર્કો રુબિયો, રક્ષા મંત્રી પીટ હેગસેથ અને અન્ય ટોચના અધિકારીઓ સામેલ હશે.
આ ટીમ વેનેઝુએલામાં કાયદો અને વ્યવસ્થા જાળવી રાખવા, સરકારી સંસ્થાઓને ફરીથી કાર્યરત કરવા, તેલ, ઉર્જા અને સુરક્ષા જેવા મહત્વના ક્ષેત્રોને સ્થિર કરવા અને સંક્રમણકાળને સંભાળવામાં મદદ કરશે.ટ્રમ્પે એમ પણ કહ્યું કે અમેરિકા આ માટે વેનેઝુએલાના ઉપરાષ્ટ્રપતિ ડેલ્સી રોડ્રિગ્ઝ સાથે મળીને કામ કરશે જેમાં ડેલ્સીએ અમેરિકા કહે તે રીતે કરવાનું રહેશે. આમ,હવે આડકતરી રીતે વેનેઝુએલા ઉપર અમેરિકાનું શાશન રહશે અને અમેરિકા અહીંના અબજોની કમાણી કરી આપતા તેલના ભંડારમાં રોકાણ કરવાની વાત કરી આડકતરી રીતે પોતાનો કબ્જો જાહેર કરી દીધો છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
